ნაკუთვნილი

მასალა ვიკიპედიიდან — თავისუფალი ენციკლოპედია
ნავიგაციაზე გადასვლა ძიებაზე გადასვლა

ნაკუთვნილი (სინ.: ნაკუთვნეული, ნაგუთნეული, მრგვალოპორთა, მრგვალფოთლიანი, ნაგუთნოური, ნაკუთნოული, ნაკუთნოური) — ქართული წითელყურძნიანთა ვაზის ჯიში. მიეკუთვნება რაჭა-ლეჩხუმის ვაზის ჯიშთა ჯგუფს. საკოლექციო ჯიში.

ძირითადად გავრცელებულია სოფელ ორბელში, უსახელოში, ცაგერში. ახასიათებს საშუალო ზრდა-განვითარება და კარგი მოსავლიანობა. ყურძენი სრულ სიმწიფეში შედის სექტემბრის ბოლოს. შედარებით გამძლეა სოკოვანი დაავადებების მიმართ. გამოიყენება სუფრის წითლი მშრალი ღვინის დასამზადებლად.

ბიოლოგიური აღწერა[რედაქტირება | წყაროს რედაქტირება]

ახალგაზრდა ყლორტი: შებუსული, ნარინჯისფერი ელფერით. ზრდასრული ფოთოლი: საშუალო ზომისა, მომრგვალო, სამნაკვთიანი ან მთლიანი. ფოთლის ყუნწის ამონაკვეთი დახურული ან მთლიანად დახურულია. კბილები ფართო სამკუთხედისებურია, სწორმდგომი ან ოდნავ დახრილი. ფოთლის ქვედა მხარე დაფარულია სქელი ქეჩისებური შებუსვით. ყვავილი: ორსქესიანი. მტევანი: საშუალო ზომისაა, ცილინდრულ-კონუსური, იშვიათად ცილინდრული და კონუსური, კუმსი ან ძალიან კუმსი. საშუალო წონა — 100–200 გ. მარცვალი: მუქი წითელი, საშუალო ზომის, მომრგვალო, ცვილის სქელი ნაფიფქით. კანი უხეში, მკვრივი. რბილობი წვნიანია, ჩვეულებრივი გემოსი. ყურძნის წვენი: შაქრიანობა 17,0-20,0 %, მჟავიანობა 6,5-7,5 გ/ლ. მოსავლიანობა: 12,2 ტ/ჰა.სავეგეტაციო პერიოდი საშუალოდ 160 დღეს შეადგენს

იხილეთ აგრეთვე[რედაქტირება | წყაროს რედაქტირება]

ლიტერატურა[რედაქტირება | წყაროს რედაქტირება]

  • მიროტაძე ა., რაჭა-ლეჩხუმის ვაზის ჯიშები, მევენახეობა-მეღვინეობის კვლევითი ინსტიტუტის გამოცემა, თბ., 1939. — გვ. 158–161.
  • ცერცვაძე ნ., საქართველოში გავრცელებული ვაზის ჯიშების სარკვევი, საქართველოს მებაღეობის, მევენახეობისა და მეღვინეობის ინსტიტუტის გამოცემა, თბ., 1987. — გვ. 234.