ნაკადული (მოზარდების ჟურნალი)
„ნაკადული“ — ქართული ყოველთვიური სურათებიანი ჟურნალი მოზარდებისათვის, გამოდიოდა 1904–1920 წლებში თბილისში. სხვადასხვა დროს რედაქტორები იყვნენ ელისაბედ ერისთავი და ნინო ზურაბიშვილი (1904–1905), მ. დემურია (1906–1910), ნ. ნაკაშიძე (1911–1920). გამომცემლები — ნ. ქობულაშვილი (1904–1905), პ. თუმანიშვილი (1906–1920). ჟურნალში ქვეყნდებოდა აღმზრდელობითი და პედაგოგიური ხასიათის მოთხრობები, ლექსები, მოგონებები, ისტორიული ამბები, წერილები მითოლოგიაზე და სხვა თემებზე. თანამშრომლობდნენ აკაკი წერეთელი, ვაჟა-ფშაველა, იროდიონ ევდოშვილი, შიო არაგვისპირელი, სოფრომ მგალობლიშვილი, ალექსანდრე მიქაბერიძე, ვარლამ რუხაძე, დუტუ მეგრელი, ეკატერინე გაბაშვილი, ნიკოლოზ კეცხოველი და სხვები.
ლიტერატურა[რედაქტირება | წყაროს რედაქტირება]
- შუღლიაშვილი დ., ქართული საბჭოთა ენციკლოპედია, ტ. 7, თბ., 1984. — გვ. 301.