ნათელა მაჭავარიანი

ნათელა მაჭავარიანი
თბილისის მე-4 მოწვევის საკრებულოს წევრი საბურთალოს მაჟორიტარი დეპუტატი
თანამდებობაზე ყოფნის დრო
2010 – 2014
პრეზიდენტი	მიხეილ სააკაშვილი, გიორგი მარგველაშვილი
დაბადებული	6 ივლისი, 1939 (1939-07-06) თბილისი, საქართველოს სსრ, სსრკ
მოქალაქეობა	საქართველო
ეროვნება	ქართველი
შვილები	გეგა კობახიძე
საქმიანობა	მსახიობი, პოლიტიკოსი, საზოგადო მოღვაწე

ნათელა მაჭავარიანი (დ. 6 ივლისი, 1939 , თბილისი) — ქართველი მსახიობი, პოლიტიკოსი და საზოგადო მოღვაწე, მსახიობ გეგა კობახიძის დედა.

ბიოგრაფია

ნათელა მაჭავარიანი დაიბადა 1939 წლის 6 ივლისს, თბილისში. 1958 წელს დაამთავრა თბილისის მე-5 ქალთა საშუალო სკოლა, 1970 წელს შოთა რუსთაველის სახელობის თეატრალური ინსტიტუტი, სამსახიობო ფაკულტეტი. 1974–1979 წლებში იყო თბილისის შოთა რუსთაველის სახელობის სახელმწიფო დრამატული თეატრის მსახიობი. 1974–2009 წლებში თბილისის ნოდარ დუმბაძის სახელობის მოზარდ მაყურებელთა თეატრის მსახიობი.

გერმანიის საერთაშორისო ფესტივალზე ჟანა დარკის როლის შესრულებისთვის მიღებული აქვს ჯილდო და პრემია. ასევე სიგელი და პრემია სპექტაკლში „სადა ხარ სოფიკო“ — სოფიკოს როლის შესრულებისათვის. 2021 წელს საქართველოს პრეზიდენტმა დააჯილდოვა თამარ მეფის ორდენით „ქართული თეატრალური ხელოვნების განვითარებაში შეტანილი განსაკუთრებული პირადი წვლილისა და გამორჩეული საზოგადოებრივი მოღვაწეობისათვის“.

პოლიტიკური საქმიანობა

ნათელა მაჭავარიანი 2006 წლიდან სალომე ზურაბიშვილის პარტია „საქართველოს გზის“ პოლიტსაბჭოს წევრი იყო. 2010 წლის 30 მაისის ადგილობრივი თვითმმართველობის არჩევნებში ის „ალიანსი საქართველოსთვის“ საბურთალოს მე-5 ოლქის მაჟორიტარობის კანდიდატი, 2010 წლის მოწვევის თბილის საკრებულოს წევრი გახდა.

ფილმოგრაფია

• 1986: „ორომტრიალი“ რეჟ. ლანა ღოღობერიძე
• 1986: „ბებია ყველასათვის“ რეჟ. ნანა დვალიშვილი

რესურსები ინტერნეტში

• ნათელა მაჭავარიანი [დაარქივებული] — ეროვნული ფილმოგრაფია
• ნათელა მაჭავარიანი — საქართველოს ბიოგრაფიული ლექსიკონი
• ნათელა მაჭავარიანი — დეკლარაცია