ნაგასაკი (ქალაქი)

მასალა ვიკიპედიიდან — თავისუფალი ენციკლოპედია
Jump to navigation Jump to search
Disambig-dark.svg სიტყვას „ნაგასაკი“ აქვს სხვა მნიშვნელობებიც, იხილეთ ნაგასაკი.
ქალაქი
ნაგასაკი
იაპონ. 長崎
Nagasaki C1414.jpg
ნაგასაკის პანორამა
დროშა გერბი
Flag of Nagasaki, Nagasaki.svg Nagasaki Nagasaki chapter.svg

ქვეყანა იაპონიის დროშა იაპონია
დაქვემდებარება ნაგასაკის პრეფექტურა
კოორდინატები 32°47′00″ ჩ. გ. 129°52′00″ ა. გ. / 32.78333° ჩ. გ. 129.86667° ა. გ. / 32.78333; 129.86667
მმართველი Tomihisa Taue
დაარსდა 1500
ფართობი 406.35 კმ²
მოსახლეობა 425,723 კაცი (2017)
სიმჭიდროვე 1,000 კაცი/კმ²
სასაათო სარტყელი UTC+09:00
საფოსტო ინდექსი 850-0002–852-8154[1]
ოფიციალური საიტი http://www.city.nagasaki.lg.jp/
ნაგასაკი (ქალაქი) — იაპონია
ნაგასაკი (ქალაქი)

ნაგასაკი[2] (იაპონ. 長崎市) — ქალაქი იაპონიაში, კუნძულ კიუსიუს დასავლეთ ნაწილში, ნაგასაკის ყურესთან. ნაგასაკის პრეფექტურის ადმინისტრაციული ცენტრი.[2][3] ფართობი — 406,35 კმ²,[4] მოსახლეობა — 419 728 კაცი (2018).[5]

ეკონომიკა[რედაქტირება | წყაროს რედაქტირება]

ნაგასაკი არის დიდი სავაჭრო-სამგზავრო ნავსადგური. საზღვაო თევზჭერის ბაზა. გემთმშენებლობისა და გემების შეკეთების დიდი ცენტრი. გარდა ამისა, განვითარებულია კვების, მეტალურგიული, საფეიქრო, ნავთობქიმიური და ხე-ტყის სახერხი მრეწველობა. ნაგასაკის მახლობლად არის ქვანახშირის აუზი.[3]

ისტორია[რედაქტირება | წყაროს რედაქტირება]

ქალაქი დაარსდა მეთევზეთა დასახლების ადგილას. ცნობილია XII საუკუნიდან. XVI–XVII საუკუნეებში იყო პორტუგალიის ფაქტორია. ე. წ. გარესამყაროსგან იაპონიის იზოლირების პერიოდში (1636–1854 წწ.) ერთადერთი ნავსადგური იყო, რომლის მეშვეობითაც ნაგასაკს შეზღუდული ვაჭრობა ჰქონდა ჰოლანდიასა და ჩინეთთან. XIX საუკუნიდან სამხედრო გემთმშენებლობის ცენტრი იყო.[3]

ნაგასაკი მეორე ქალაქია მსოფლიოში, რომელიც ბირთვული იარაღის მსხვერპლი გახდა. ატომური დაბომბვა განახორციელა აშშ-ის შეიერაღებულმა ძალებმა მეორე მსოფლიო ომის მიწურულს — 1945 წლის 9 აგვისტოს. შედეგად ქალაქის მესამედი დაინგრა, დაახლოებით 75 ათასი ადამიანი დაიღუპა და დაიჭრა.[3]

ღირსშესანიშნაობები[რედაქტირება | წყაროს რედაქტირება]

ნაგასაკი ბაღებითა და პარკებით მდიდარი, თავისუფლად განაშენიანებული ქალაქია. ხუროთმოძღვრების ძეგლთაგან შემონახულია სუვას სინტოისტური სამლოცველო (XVI საუკუნე), სოფუკუძისა და კოფუკუძის ბუდისტური სატაძრო ასამბლები (ორივე XVII საუკუნისაა), მეგანებასის ხიდი (თარიღდება 1634 წლით); XIX–XX საუკუნის ევროპული ტიპის კათოლიკური ეკლესიები. ახალ ნაგებობათაგან აღსანიშნავია მშვიდობის პარკი, სადაც საერთაშორისო კულტურის ცენტრის შენობა დგას (1955, არქიტექტორი ტაკეო სატო და სხვ.), მშვიდობის მონუმენტი (1955, მოქანდაკე კიტიმურა სეიბო) და სხვ.[3]

რესურსები ინტერნეტში[რედაქტირება | წყაროს რედაქტირება]

სქოლიო[რედაქტირება | წყაროს რედაქტირება]

  1. http://www.geopostcodes.com/Nagasaki_shi
  2. 2.0 2.1 ელერდაშვილი ა., ნაგასაკი // უნივერსალური ენციკლოპედიური ლექსიკონი [3 ტომად], 1-ლი გამოც., თბ.: ფანტაზია, 2006.
  3. 3.0 3.1 3.2 3.3 3.4 ქართული საბჭოთა ენციკლოპედია, ტ. 7, გვ. 282–283, თბ., 1984 წელი.
  4. Land Area and Environment - Nagasaki - Japan - knoema.com“, Knoema. (en-US) 
  5. 長崎県異動人口調査 (იაპონური). წაკითხვის თარიღი: 23 March 2018.