მშველიეთი

მასალა ვიკიპედიიდან — თავისუფალი ენციკლოპედია
Jump to navigation Jump to search

მშველიეთი (ძვ. შველიეთი) — სოფელი საქართველოში, მცხეთა-მთიანეთის მხარის ახალგორის მუნიციპალიტეტში განლაგებულია მდინარეების ქსნისა და ჭურთის გამყოფი ქედის (მთის) დასავლეთ კალთაზე. სახელწოდება სავარაუდოდ წარმოსდგება სიტყვისგან "შველი". როგორც ჩანს, ამ ადგილებში უწინ ბევრი შველი და ირემი უნდა ყოფილიყო. შველიეთში ძირითადად ორი გვარი მოსახლეობდა: შერმადინები და რუსიტაშვილები. ამჟამად სოფელში მხოლოდ სამი ოჯახია დარჩენილი. სოფელში მდებარეობს წმინდა გიორგის სახელობის საყდარი და კიდევ ერთი საყდარი, სადაც ლომისობის წინა შაბათს, ივნისის თვეში ხალარჯობის დღესასწაული აღინიშნება. 2002 წლის აღწერის მონაცემებით სოფელში ცხოვრობს 13 ადამიანი.