მუხტი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
დადებითი მუხტის ელექტრული ველი
უარყოფითი მუხტის ელექტრული ველი

მუხტი ან ელექტრული მუხტი — ელემენტარული ნაწილაკებისათვის დამახასიათებელი შენახვადი სიდიდე, რომელიც განსაზღვრავს მათი ელექტრომაგნიტური ურთიერთქმედების ინტენსივობას. ურთიერთქმედება ელექტრომაგნიტურ ველსა და (მოძრავ) მუხტს შორის ხორციელდება ელექტრომაგნიტური ძალის მეშვეობით, რომელიც ოთხი ფუნდამენტური ურთიერთქმედებიდან, ერთ-ერთს წარმოადგენს.

სხეულის ელექტრული მუხტი შეიძლება იყოს დადებითი ან უარყოფითი. ორი დადებითად დამუხტული სხეული ერთმანეთს განიზიდავს, ისევე როგორც ორი უარყოფითად დამუხტული სხეული, ხოლო საწინააღმდეგო ნიშნის მუხტების მქონე სხეულები ერთმანეთს მიიზიდავს. დამუხტული სხეულების ურთიერთქმედებას სწავლობს ფიზიკის დარგი კლასიკური ელექტროდინამიკა, რომელიც სამართლიანია მანამ, სანამ კვანტური ეფექტები უმნიშვნელოა.

მეოცე საუკუნეში ჩატარებული ექსპერიმენტების შედეგად ნაჩვენები იქნა, რომ მუხტი დაკვანტული სიდიდეა: ნებისმიერი სისტემის, ცალკეული სხეულისა თუ ნაწილაკის მუხტი (კვარკების გარდა) არის ელემენტარული მუხტის e-ს ჯერადი, რომელიც ტოლია e = 1,6 × 10 –19 კულონის. პროტონს აქვს e მუხტი, ხოლო ელექტრონს კი −e.

იხილეთ აგრეთვე[რედაქტირება]

რესურსები ინტერნეტში[რედაქტირება]

მოძიებულია „http://ka.wikipedia.org/w/index.php?title=მუხტი&oldid=2386540“-დან