მსოფლიოს V გუნდური ჩემპიონატი ჭადრაკში ვაჟთა შორის

12 - 20 ოქტომბერი 2001 ერევანი, სომხეთი.

მეხუთე ჩემპიონატისათვის შეიცვალა ტურნირის მასპინძელი. ტურნირში მონაწილეობდნენ: 2000 წლის საჭადრაკო ოლიმპიადის პირველი სამი პრიზიორი (რუსეთი, გერმანია და უკრაინა), აზიის 1999 და პანამერიკის 2000 წლების ჩემპიონები - უზბეკეთი და კუბა. ევროპის 1999 წლის ვიცე-ჩემპიონი - უნგრეთი (ჩემპიონი - სომხეთის ნაკრები თამაშობდა მასპინძლის სტატუსით) და ორი მოწვეული გუნდი - ირანი და მაკედონია.

ბრძოლა მეტად დაძაბული გამოდგა. პირველი ადგილისათვის სამი გუნდი: რუსეთი, სომხეთი და უკრაინა ებრძოდნენ ერთმანეთს. თავიდან სომხები დაწინაურდნენ. ორი ტურის შემდეგ ისინი ქულანახევრით უსწრებდნენ რუსებს და სამით - უკრაინელებს. მესამე-მეხუთე ტურებში ეს გუნდები რიგ-რიგობით ისვენებდნენ და ხუთი ტურის შემდეგ წინ 12 ქულით ისევ სომხები იყვნენ, 11-11 ჰქონდათ რუსებს და უკრაინელებს. სომხებს ალნათ მეტიც უნდა ჰქონოდათ, მაგრამ მეოთხე ტურში რუსების დამარცხების შემდეგ, მეხუთე ტურში თავად დამარცხდნენ გერმანელებთან.

მეექვსე ტურში მდგომარეობა არ შეცვლილა. მეშვიდეში კი უკრაინელებმა და სომხებმა ვერ შესძლეს მაკედონიელების და უზბეკების დამარცხება და რუსები დაწინაურდნენ. დიდი მნიშვნელობა ჰქონდა მერვე ტურის მატჩს სომხეთისა და უკრაინის გუნდებს შორის. პონომარიოვის გამარჯვებამ ვაჰანიანთან წარმატება უკრაინელებს მოუტანა. ბოლო ტურის წინ რუსებს 19,5, უკრაინელებს - 19 და სომხებს - 18,5 ქულა ჰქონდათ. რუსები უკრაინელებს ხვდებოდნენ, ხოლო სომხები - უნგრელებს. სომხებმა დაძაბულობას ვერ გაუძლეს და დამარცხდნენ. უკრაინელებმა კი ისევ პონომარიოვის გამარჯვების წყალობით (მან დრეევი დაამარცხა) შესძლეს რუსების დამარცხება და ჩემპიონის წოდების მოპოვება.

ტექნიკური შედეგები

ა	გუნდები	1	2	3	4	5	6	7	8	9	ქ
1	უკრაინა		2,5	2,5	2	2,5	3,5	3	3	3,5	21,5
2	რუსეთი	1,5		1	3,5	3	2	3	3,5	3,5	21
3	სომხეთი	1,5	3		1	1,5	2	3	4	4	20
4	გერმანია	2	0,5	3		2	2,5	2	3,5	3	18,5
5	უნგრეთი	1,5	1	2,5	2		2	1,5	2,5	3,5	16,5
6	უზბეკეთი	0,5	2	2	1,5	2		2,5	1,5	3,5	15,5
7	კუბა	1	1	1	2	2,5	1,5		3	2,5	14,5
8	მაკედონია	2	0,5	0	0,5	1,5	2,5	1		1,5	9,5
9	ირანი	0,5	0,5	0	1	0,5	0,5	1,5	2,5		7

პრიზიორთა შემადგენლობა და შედეგები

 უკრაინა

ვასილი ივანჩუკი 4 (+1=6-0), რუსლან პონომარიოვი 5,5 (+4=3-0), ვლადიმერ ბაკლანი 3 (+1=4-1), ვიაჩესლავ ეინგორნი 4 (+3=2-0), ოლეგ რომანიშინი 2,5 (+1=3-0), ვადიმ მალაჰატკო 2,5 (+2=1-0).

 რუსეთი

პიოტრ სვიდლერი 4,5 (+2=5-1), ალექსეი დრეევი 3,5 (+2=3-1), ალექსანდრე გრიშუკი 3 (+1=4-0), სერგეი რუბლევსკი 4,5 (+4=1-0), კოსტანტინ საკაევი 3,5 (+3=1-1), ალექსანდრე მოტილიოვი 2(+1=2-0).

 სომხეთი

ვლადიმერ აკოფიანი 5 (+3=4-0), რაფაელ ვაჰანიანი 4,5 (+4=1-1), სმბატ ლპუტიანი 4 (+4=0-3), კარენ ასრიანი 1,5 (+0=3-0), აშოტ ანატასიანი 2,5 (+2=1-2), არტაშეს მინასიანი 2,5 (+1=3-0).

საუკეთესო შედეგები დაფების მიხედვით

პირველი დაფა	ქვეყანა	ქ	პ	%
ვლადიმერ აკოფიანი	სომხეთი	5	7	71,4
ვასილი ივანჩუკი	უკრაინა	4	7	57,1
პიოტრ სვიდლერი	რუსეთი	4,5	8	56,3
არტურ იუსუპოვი	გერმანია	4,5	8	56,3

მეორე დაფა	ქვეყანა	ქ	პ	%
რუსლან პონომარიოვი	უკრაინა	5,5	7	78,6
რაფაელ ვაჰანიანი	სომხეთი	4,5	6	75,0
ზოლტან გუიმეში	უნგრეთი	4,5	7	64,3

მესამე დაფა	ქვეყანა	ქ	პ	%
ალექსანდრ გრაფი	გერმანია	5	8	62,5
ალექსანდრე გრიშუკი	რუსეთი	3	5	60,0
რობერტ რუსკი	უნგრეთი	4	7	57,1
სმბატ ლპუტიანი	სომხეთი	4	7	57,1

მეოთხე დაფა	ქვეყანა	ქ	პ	%
სერგეი რუბლევსკი	რუსეთი	4,5	5	90,0
ვიაჩესლავ ეინგორნი	უკრაინა	4	5	80,0
ტომას ლუთერი	გერმანია	4,5	8	56,3

პირველი სათადარიგო დაფა	ქვეყანა	ქ	პ	%
კოსტანტინ საკაევი	რუსეთი	3,5	5	75,0
ოლეგ რომანიშინი	უკრაინა	2,5	4	62,5
მარატ დძიმევი	უზბეკეთი	3	5	60,0

მეორე სათადარიგო დაფა	ქვეყანა	ქ	პ	%
ნერუს დელგადო	კუბა	3	4	75,0
ვლადიმერი ეგინი	უზბეკეთი	2,5	4	62,5
არტაშეს მინასიანი	სომხეთი	2,5	4	62,5