1948 წლის კონგრესზე ფრენბურთის საერთაშორისო ფედერაციამ მიიღო გადაწყვეტილება ჩაეტარებინა მსოფლიოს ჩემპიონატი ვაჟთა გუნდებს შორის. ჩემპიონატის ჩატარების სისტემა ხშირად იცვლებოდა. 1960 წლამდე ჩემპიონატში უშვებდნენ ყველა მსურველ გუნდს, შემდეგ 24 გუნდს ვაჟთა და 16 - ქალთა ჩემპიონატში (1974 წლიდან ქალებშიც 24 გუნდი). ფრენბურთის განვითარებამ მოითხოვა შესარჩევი ტურნირების ჩატარებაც. გარდა გუნდების რაოდენობისა იცვლებოდა ჩემპიონატის ჩატარების სისტემაც. გამოყენებული იყო როგორც წრიული, ასევე შერეული სისტემებიც.