მსოფლიოს ახალგაზრდული ჩემპიონატი ხელბურთში 2017

ახალგაზრდული მსოფლიო ჩემპიონატი ხელბურთში — გაიმართება 2017 წელს თბილისში, რომელიც გაგრძელდება 13 დღე (8-20 აგვისტო). ჩემპიონატის ყველა მატჩი ჩატარდება ხელბურთის ოლიმპიურ არენაზე (Olympic Handball Arena) (ახალი სპორტის სასახლე). ტურნირის მონაწილეა 24 ქვეყნის გუნდი, რომლებიც განაწილდებიან 4 ჯგუფში 6-6-ად. თითო ჯგუფიდან 4-4 გუნდი გადის მერვედ ფინალში. ფინალური მატჩები და ჩემპიონატის დახურვა გაიმართება 20 აგვისტოს.

მონაწილე გუნდები: ალჟირი, არგენტინა, ბაჰრეინი, ბრაზილია, ჩილე, ხორვატია, დანია, ეგვიპტე, საფრანგეთი, გერმანია, ისლანდია, იაპონია, კორეა, მექსიკა, ნორვეგია, პორტუგალია, რუსეთი, სერბეთი, სლოვენია, ესპანეთი, შვედეთი, ტუნისი, ვენესუელა.

მთელი ტურნირი, 92 მატჩი გაიმართება თბილისის ოლიმპიური სასახლის ორ დარბაზში. სავარჯიშო არენებია: სპორტკომპლექს არენას 2 დარბაზი, ფრენბურთის ოლიმპიური არენის ორი კორტი, სპორტის სამინისტროს დარბაზი და დინამოს საკალათბურთო ბაზა. მსოფლიო ჩემპონატის ოფიციალური სასტუმრო იქნება რედისონ ბლუ, სადაც იცხოვრებს ასამდე მსაჯი, დელეგატი და ყველა ოფიციალური პირი. ხუთასზე მეტ სპორტსმენსა და მწვრთნელს მიიღებენ სასტუმრო ჰუალინგი (12 გუნდი), ბომონდ გარდენი (4), გოლდენ პალასი (4) და კრუიზი (4).^[1]

18-20 აგვისტოს, ჩემპიონატის გადამწყვეტი მატჩების დროს, თბილისში გაიმართება IHF საბჭოს სხდომაც.^[1]