მოჰამედ ულდ ღაზუანი
| მოჰამედ ულდ ღაზუანი | |
|---|---|
| არაბ. محمد ولد الشيخ محمد أحمد ولد الغزواني | |
.jpg) | |
| დაბადების თარიღი | 31 დეკემბერი, 1956 (69 წლის) |
| დაბადების ადგილი | Boumdeid, Colonial Mauritania, French West Africa |
| მოქალაქეობა |
 მავრიტანია[1] |
| განათლება | Meknes Royal Military Academy |
| მეუღლე/ები | Mariem Mint Mohamed Fadel Ould Dah[2] |
მოჰამედ ულდ ღაზუანი (დ. 4 დეკემბერი 1956) — მავრიტანიელი პოლიტიკოსი და გადამდგარი არმიის გენერალი, რომელიც 2019 წლიდან არის მავრიტანიის მე-9 პრეზიდენტი,[3][4] ხოლო 2024 წლის თებერვლიდან 2025 წლის თებერვლამდე აფრიკის კავშირის 22-ე თავმჯდომარე.[5]
ღაზუანი არის ეროვნული უსაფრთხოების ყოფილი გენერალური დირექტორი[6] და მავრიტანიის შეიარაღებული ძალების ყოფილი გენერალური შტაბის უფროსი (2008–2018).[7] 2018 წლის ოქტომბრიდან 2019 წლის მარტამდე იგი იყო მავრიტანიის თავდაცვის მინისტრი.[8][9] იმ დროს მისი წინამორბედის, მოჰამედ ულდ აბდელ აზიზის ახლო მოკავშირე, 2019 წლის 22 ივნისს, 2019 წლის საპრეზიდენტო არჩევნების შედეგად, მავრიტანიის პრეზიდენტად აირჩიეს.[4] მისი გამარჯვება 2019 წლის საპრეზიდენტო არჩევნებში წარმოდგენილი იყო, როგორც ქვეყნის პირველი მშვიდობიანი ძალაუფლების გადაცემა დამოუკიდებლობის მოპოვების შემდეგ.[10]
ღაზუანი მეთვალყურეობდა მავრიტანიაში შედარებითი სტაბილურობის პერიოდს. იგი მუშაობდა სოციალური უსაფრთხოების გაუმჯობესებაზე და კორუფციასთან ბრძოლაზე, რაც მოიცავდა მისი წინამორბედის დაპატიმრებასაც. გაზუანიმ ასევე გადამწყვეტი როლი ითამაშა ჯიჰადისტური ძალადობის აღმოფხვრაში, სამხედრო სფეროს მოდერნიზაციაში და თემებთან და ისლამისტურ ჯგუფებთან ურთიერთობაში.[11]
პირადი ცხოვრება
[რედაქტირება | წყაროს რედაქტირება]ღაზუანი დაიბადა ბუმდეიდში, ასაბას რეგიონში, 1956 წლის 4 დეკემბერს.[12] იგი ეკუთვნის მავრიტანიაში ცნობილ ბერბერულ-სუფიურ ოჯახს. გაზუანი მარაბუტული ტომის, იდეიბუსატის სულიერი ლიდერის ვაჟია.[13] გაზუანის ზეპირად აქვს ნასწავლი ყურანი.[14]
იგი დაქორწინებულია ექიმ მარიამ ბინტ მოჰამედ ფადელ ულდ დაჰზე.[13][15] მათ ხუთი შვილი ჰყავთ.[16]
კარიერა
[რედაქტირება | წყაროს რედაქტირება]სამხედრო კარიერა
[რედაქტირება | წყაროს რედაქტირება]იგი მავრიტანიის არმიას 1970-იანი წლების მიწურულს შეუერთდა. ოფიცრის მომზადება მან მაროკოში, მექნესის სამეფო სამხედრო აკადემიაში განაგრძო.[17][18][19] მან მიიღო ბაკალავრის ხარისხი, მაგისტრის ხარისხი ადმინისტრირებასა და სამხედრო მეცნიერებებში და გაიარა რამდენიმე საომარი მომზადების სერტიფიცირება და კურსი.[16][20]
ღაზუანი 1987 წლიდან 1991 წლამდე პრეზიდენტ მააუია ულდ სიდი აჰმედ თაიას ადიუტანტი იყო.[21]
ღაზუანი ყოფილი პრეზიდენტის, მოჰამედ ულდ აბდელ აზიზის მოკავშირე იყო[22] და მისი პარტნიორი 2008 წელს პრეზიდენტ სიდი ულდ შეიხ აბდალაჰის დამხობაში; ასევე იყო იმ სამხედრო ხუნტის წევრი, რომელმაც 2005 წელს ყოფილი პრეზიდენტი მააუია ულდ სიდი აჰმედ თაია გადააყენა.[9][23]
პოლიტიკური კარიერა
[რედაქტირება | წყაროს რედაქტირება]2018 წლის ოქტომბერში პრეზიდენტმა მოჰამედ ულდ აბდელ აზიზმა გაზუანი მავრიტანიის თავდაცვის მინისტრად დანიშნა.[9][24]
2019 წლის 1 მარტს გაზუანიმ საპრეზიდენტო არჩევნებში კანდიდატურა წარადგინა აბდელ აზიზის შესაცვლელად.[25][26][27] 15 მარტს იგი გადადგა თავდაცვის მინისტრის პოსტიდან საპრეზიდენტო ამბიციების განსახორციელებლად.[28]
პრეზიდენტობა (2019–)
[რედაქტირება | წყაროს რედაქტირება]2019 წლის 22 ივნისს გაზუანი მავრიტანიის არჩეული პრეზიდენტი გახდა ხუთ სხვა კანდიდატთან საპრეზიდენტო არჩევნებში დაპირისპირების შემდეგ.[16] 2019 წლის 1 აგვისტოს მან ოფიციალურად დადო ფიცი, როგორც მავრიტანიის მე-9 პრეზიდენტმა.[29]
ფიცის დადებიდან მალევე, მისი ურთიერთობა ყოფილ პრეზიდენტ მოჰამედ ულდ აბდელ აზიზთან გაუარესდა ყოფილი პრეზიდენტის მიერ ჩადენილი ფინანსური გადაცდომების გამჟღავნების გამო. 2020 წლის აგვისტოში აზიზის საქმიანობაზე საპარლამენტო გამოძიება დაიწყო, ხოლო 2023 წლის დეკემბერში მას ოფიციალურად გამოუტანეს განაჩენი. აზიზი ამტკიცებდა, რომ გაზუანიმ არჩევის შემდეგ მას შვიდი მილიონი ევროთი სავსე ორი დიდი ჩანთა გადასცა.[30]
როგორც თავდაცვის მინისტრმა და პრეზიდენტმა, გაზუანიმ მნიშვნელოვანი წვლილი შეიტანა „ალ-კაიდას“ დამარცხებაში ისლამურ მაგრიბში, რომელიც 2005-დან 2011 წლამდე მავრიტანიაში სისხლიან თავდასხმებს ახორციელებდა. მისი ძალისხმევა, რომელიც მოიცავდა საზოგადოებასთან ურთიერთობას, ისლამისტურ ჯგუფებთან მედიაციას და სამხედრო მოდერნიზაციას, ეფექტურად იქნა მიჩნეული შეიარაღებული ჯიჰადისტი მებრძოლების წინააღმდეგ.[11]
ღაზუანიმ დაფარა რადიოწამყვან სალკა მინტ სნეიდის მკურნალობის ხარჯები.[31]
2024 წლის ოქტომბერში გაზუანი დაესწრო BRICS-ის მე-16 სამიტს ყაზანში, რუსეთში, სადაც შეხვდა რუსეთის პრეზიდენტ ვლადიმერ პუტინს.[32] 2025 წლის ივლისში იგი შეუერთდა დასავლეთ აფრიკის ოთხ სხვა ლიდერს თეთრ სახლში გამართულ სამიტზე პრეზიდენტ დონალდ ტრამპთან ერთად, მავრიტანიის მინერალური რესურსებისა და სტრატეგიული მდებარეობის პოპულარიზაციის მიზნით.[33]
იხილეთ აგრეთვე
[რედაქტირება | წყაროს რედაქტირება]სქოლიო
[რედაქტირება | წყაროს რედაქტირება]- ↑ Bethke F. S. Database of Cabinet Politics in Sub-Sahara Africa
- ↑ https://www.jeuneafrique.com/1176164/politique/ce-quil-faut-savoir-sur-la-tres-discrete-madame-ghazouani-premiere-dame-de-mauritanie/
- ↑ Ghazouani sworn in as new Mauritanian president: CENI. ციტირების თარიღი: 1 August 2019
- 1 2 Mauritania Constitutional Council Confirms Mohamed Ould Ghazouani as President (July 2019). ციტირების თარიღი: 2 July 2019
- ↑ President of Mauritania Elected As New Chairperson of AU. ციტირების თარიღი: 19 February 2024.
- ↑ السيرة الذاتية للفريق محمد ولد الغزواني - أقــــلام حرة. ციტირების თარიღი: 23 June 2019
- ↑ Mohamed Ould Ghazouani Declares himself Winner of Mauritania Presidential Polls. ციტირების თარიღი: 23 June 2019
- ↑ صديق الرئيس وزيرا للدفاع.. ماذا يرتّب جنرالات موريتانيا قبيل الرئاسيات؟. ციტირების თარიღი: 25 August 2021
- 1 2 3 Mohamed Ould Ghazouani, Mauritania's new president. ციტირების თარიღი: 25 June 2019
- ↑ First peaceful transfer of power in Mauritania's presidential polls en (22 June 2019). ციტირების თარიღი: 23 August 2021
- 1 2 „Mauritania is a beacon of stability in the coup-prone Sahel“. The Economist. ISSN 0013-0613. ციტირების თარიღი: 10 August 2024.
- ↑ سيدي, أحمد ولد. من هو الرئيس الموريتاني الجديد؟. ციტირების თარიღი: 25 August 2021
- 1 2 Spiegel, Justine (20 November 2012). „Mauritanie: Mohamed Ould Ghazouani, l'homme de l'ombre“. Jeune Afrique. დაარქივებულია ორიგინალიდან — 14 July 2019. ციტირების თარიღი: 27 June 2019.
- ↑ رئيس موريتانيا الجديد.. حفظ القرآن مبكرا وهو أول "فريق" في الجيش (3 August 2019). ციტირების თარიღი: 25 August 2021
- ↑ في أول ظهور إعلامي لها زوجة وزير الدفاع ومرشح الرئاسيات ولد الغزواني تتحدث في مقابلة | الحقيقة. ციტირების თარიღი: 27 June 2019
- 1 2 3 محمد ولد الشيخ الغزواني.. من هو رئيس موريتانيا الجديد؟. ციტირების თარიღი: 25 August 2021
- ↑ AMI - Mohamed Cheikh El Ghazwani. ციტირების თარიღი: 7 October 2023
- ↑ Mauritanie : Mohamed Ould Ghazouani, l'homme de l'ombre – Jeune Afrique fr-FR (20 November 2012). ციტირების თარიღი: 7 October 2023
- ↑ Mauritanie. Ghazouani: qui est le nouveau président mauritanien? fr. ციტირების თარიღი: 7 October 2023
- ↑ Welle, Deutsche. (23 June 2019) Mauritania: Former General Mohamed Ould Ghazouani wins presidential election. ციტირების თარიღი: 24 June 2019
- ↑ Biographie du president.
- ↑ „Mauritania opposition challenges ruling party win“. 24 June 2019. დაარქივებულია ორიგინალიდან — 15 October 2019. ციტირების თარიღი: 25 June 2019 – წარმოდგენილია www.bbc.com-ის მიერ.
- ↑ „ولد الغزواني، جنرال "يخلف" جنرالاً في حكم موريتانيا“. BBC News عربي. 24 June 2019. დაარქივებულია ორიგინალიდან — 30 June 2019. ციტირების თარიღი: 25 June 2019.
- ↑ Mauritania appointments reflect jockeying for succession | Lamine Ghanmi. ციტირების თარიღი: 27 June 2019
- ↑ وزير الدفاع الموريتاني يخلع بزته العسكرية لخلافة رفيقه في القصر. ციტირების თარიღი: 25 August 2021
- ↑ ولد الغزواني: للعهد عندي معناه، وأسعى لتحقيق طموح الشعب (1 March 2019). ციტირების თარიღი: 25 August 2021
- ↑ غزواني يعلن ترشحه للانتخابات الرئاسية (1 March 2019). ციტირების თარიღი: 23 June 2019
- ↑ Mauritania's electoral commission confirms Ghazouani win | The Star (24 June 2019). ციტირების თარიღი: 27 June 2019
- ↑ New government formed in Mauritania. ციტირების თარიღი: 16 August 2019
- ↑ Mauritania ex-president Aziz sentenced to 5 years for corruption (4 December 2023). ციტირების თარიღი: 14 December 2023
- ↑ Soirée d'hommage à feue Mme Salka Mint Sneid fr (24 February 2020). ციტირების თარიღი: 15 January 2025
- ↑ „RUSSIA-MAURITANIA-BRICS-DIPLOMACY“. Eunews.it. 25 October 2025.
- ↑ Why Trump invited five African leaders to the White House. BBC News (10 July 2025).