მომხმარებლის განხილვა:ILIA/არქივი 3

მასალა ვიკიპედიიდან — თავისუფალი ენციკლოპედია
Jump to navigation Jump to search
დოკუმენტაცია აქ განთავსებულია დახურული განხილვა. გთხოვთ ნუ შეიტანთ მასში ცვლილებებს.

მცირე თხოვნა[წყაროს რედაქტირება]

საღამო მშვიდობისა, ილია. შენს სტატიას ვკითხულობდი და რამდენიმე ადგილას შევხვდი სიტყვათშეთანხმებას - „პირველ რიგში“, რაც რუსულის კალკია და სალიტერატურო ენისათვის მიუღებელია. გთხოვ, მის ნაცვლად გამოიყენოთ უპირველეს ყოვლისა“, „უწინარეს ყოვლისა ან უპირველესად. შეიძლება წიგნიდან გაქვს დაწერილი და იქაც ასე წერია, მაგრამ პირდაპირ ნუ ენდობი ნურცერთი წყაროს სტილსა და გრამატიკას, თავად გადაამოწმე.--PB 17:55, 19 ივნისი 2015 (UTC)

კეთილი, მომავალში გავითვალისწინებ ვიღიმი--ႨႪႨႠ განხილვა 17:57, 19 ივნისი 2015 (UTC)

ტრაპიზონი[წყაროს რედაქტირება]

– გამარჯობათ ბატონო ილია, ტრაპიზონის სტატიაში "სომხური ეკლესიები"-ს თავში არაა მითითებული წმ. ანას ეკლესიის სომხურობის შესახებ რამე წყარო. გთხოვთ, ამიხსნათ, რას ეყრდნობა თქვენი ქმედება ჩემი ჩასწორების გაუქმების შესახებ. გმადლობთ!Abkhazian1 განხილვაწვლილი 21:23, 22 ივნისი 2015 (UTC)

გამარჯობა. უპირველეს ყოვლისა, წყაროს მითითება თავში არ ხდება, ამისათვის არსებობს ცალკე ქვეთავი (ლიტერატურა, რესურსები ინტერნეტში, სქოლიო, წყარო), შესაბამისად ვერც აქ იქნებოდა მითითებული. ამასთან, სტატიაში აღნიშნულია „წმინდა ანას ეკლესიის ჩრდილოეთით დგას ასევე სომხური დიდი ეკლესია“, ე. ი. წმინდა ანას ეკლესიაც სომხურია. საერთოდაც, თუ გაგაჩნიათ რაიმე წყარო, რაც ადასტურებს თქვენს მოსაზრებას უნდა განახორციელოთ კონსტრუქციული რედაქტირება და არა უბრალოდ წაშალოთ ეს ნაწილი, რომელიც, სხვათა შორის, აღნიშნული ტაძრის გარდა სხვა ეკლესიების შესახებაც შეიცავდა ინფორმაციას.--ႨႪႨႠ განხილვა 21:31, 22 ივნისი 2015 (UTC)

- :)

  • უპირველეს ყოვლისა საკვანძო ცნობებზე იქვე ეთითება სქოლიო (დარწმუნებული ვარ, გეცოდინებათ, სქოლიო რას ნიშნავს). ტრაპიზონის ორი უდიდესი (და მათ შორის ერთი ყველაზე ძველი ეკლესიის – წმ. ანასი) ეკლესიის სომხურობის ვერსია იმდენად საკვანძო და სრულიად ახალი სიტყვაა ცალკე ტრაპიზონის ისტორიაში და ცალკე ბიზანტიური არქიტექტურის ისტორიაში, გესმით ალბათ, რომ ამაზე იქვე სქოლიოს მითითება უაღრესად მნიშვნელოვანია. (ზოგადად, არაფერს ვამბობ, რომ ნახსენები სტატია ტრაპიზონზე, რბილად ვთქვათ, ძალიან "სომხოფილურადაა" ნაწერი.)

შესაბამისად, როდესაც სტატიის რედაქტორი ამგვარ სენსაციურ სიახლეებს გვთავაზობს, მან, ვგონებ, უნდა მიუთითოს, სქოლიოში თუ არა, შესაბამისი ლიტარატურის (წყაროს) შესაბამის გვერდებზე საკმაოდ მკაფიოდ. არც ერთი და არც მეორე ამ შემთხვევაში გათვალისწინებული არაა.

  • ამასთანავე, სრულიად ულოგიკო და პრიმიტიულია თქვენი ზემოთ მოცემული განცხადება, რომ <<...სტატიაში აღნიშნულია „წმინდა ანას ეკლესიის ჩრდილოეთით დგას ასევე სომხური დიდი ეკლესია“, ე. ი. წმინდა ანას ეკლესიაც სომხურია.>>. მიხვდეთ უნდა, რატომ. თუ ვერ მიხვდებით, დამატებით დაუზარელად განგიმარტავთ.
  • რაც შეეხება წყაროებს, გამაჩნია თუ არა მე ისინი, – მოგახსენებთ, რომ გამაჩნია, მაგრამ ჯერ მე კი არ უნდა მიხდებოდეს მათი მოხმობა (თუნდაც მხოლოდ დროის თანმიმდევრობიდან გამომდინარე), არამედ სტატიის ჩამსწორებელ-რედაქტორისთვის უნდა მოგეთხოვათ ხსენებული სენსაციური აღმოჩენების წყარო. თუ ასეთ წყაროებს ვერ წარმოადგენდა, მაშინ თქვენვე უნდა ამოგეშალათ ცრუ და საეჭვო ცნბები სტატიიდან. ასევე, კონსტრუქციულ რედაქტირებასა და გაუმართავი, ცრუ ცნობის წაშლას შორის, გთხოვთ, ამიხსნათ, რა განსხვავებას ხედავთ.
  • სხვა ეკლესიას რაც შეეხება, სწორედ ის ნაწილი წავშალე, რომელიც უმართებულო და ტყუილი იყო და დავტოვე ნაწილი, რომელიც ეხება მართლაც სომხურ მონასტერს – ე.წ. კაიმაკლის ანუ სომხურად ამენაპრკიჩ ვანქს, თუმცა ამის მართებულობაზეც ქვემოთ გეტყვით.
  • ცალკე მოგახსენებთ, რომ სტატიის ჩამსწორებელ-რედაქტორის მიერ ქვეთავ "ლიტერატურა"-ში მითითებული რომელიმე წყარო, (რომლებიც, თქვენი აზრით, საფუძველია ხსენებული ცრუ ცნობებისა) ვერ და არ ადასტურებს წმ. ანას და წმ. ბასილის ეკლესიების სომხურობას. მეტიც, ერთ-ერთი წყარო (Thomas Alexander Sinclair, Eastern Turkey: An Architectural and Archaeological Survey, ტ. II, გვ. 48–82 - ლონდონი „The Pindar Press“, 1989; სხვათა შორის აღიარებული კვლევაა) ტრაპიზონის მხარის (და არა უშუალოდ ქალაქ ტრაპიზონის; ესეც გასათვალისწინებელია!) სომხურ ეკლესიებს შორის ასახელებს მხოლოდ და მხოლოდ კაიმაკლის მონასტერს (იხ. გვ. 60), ხოლო წმ. ანას (გვ. 74) და წმ. ბასილის (გვ.75) ეკლესიების მიმოხილვაში სიტყვაც არაა ნახსენები მათ სომხურობაზე, ახლო-მახლო გვერდებზეც კი არაა ნახსენები სიტყვა "სუმხური". ...ხოლო ლიტერატურის ქვეშ პირველ წყაროდ მითითებული წიგნის (Volker Eid, Ost-Türkei. Völker und Kulturen zwischen Taurus und Ararat, გვ. 129-141 - კიოლნი 1990, ISBN 3-7701-1455-8) 134-ე გვერდიდან ვგებულობთ, რომ წმ. ანას უძველეს ბიზანტიურ ეკლესიაზე სარესტავრაციო სამუშაოები ჩაუტარებია ბიზანტიის კეისარ ბასილი პირველს 884-85 წლებში. ვგონებ, ყველაფერი ცხადია.
  • ყოველივე ამათგან გამომდინარე, ქ. ტრაპიზონის შესახებ სტატიაში მთლიანად ვშლი თავს, სახელწოდებით "სომხური ტაძრები". ხოლო ცნობა კაიმაკლის სომხურ ეკლესიაზე (რომელიც მდებარეობს ქ. ტრაპიზონიდან 3 კმ-ს დაშორებით) გადასატანია ტრაპიზონის პროვინციის სტატიაში. თუ მაინც და მაინც დაიჟინებთ, მსურველს შეუძლია ამავე სტატიაში, ქ. ტრაპიზონს დაუკავშიროს ცნობა ამ ყოფილ სომხურ მონასტერზე, როგორც მიმდებარე ტერიტორიის ერთ-ერთ ღირსშესანიშნაობაზე, როგორც, მაგალითად, ეს მოცემულია სტატიის ინგლისურენოვან ვერსიაში.
  • პატივისცემითა და კეთილი სურვილებით, Abkhazian1 განხილვაწვლილი 10:50, 23 ივნისი 2015 (UTC)
უპირველეს ყოვლისა მინდა გითხრათ, რომ ვაფასებ თქვენს გულმოდგინებასა და ყურადღებას აღნიშნულ საკითხთან დაკავშირებით. სტატიის ისტორიას თუ გადახედავთ (ალბათ უკვე ნანახიც გაქვთ), ნათელია, რომ გვერდი სხვა მომხმარებლების მიერაა რედაქტირებული, ამდენად სტატიაში არსებული ინფორმაციის წყაროებს მე ვერ მოგაწვდით. ჩემს სრულიად ულოგიკო და პრიმიტიულ განცხადებას რაც შეეხება, მე პასუხი გაგეცით უშუალოდ სტატიაში არსებული ინფორმაციის მიხედვით, სადაც ეწერა, რომ წმ. ანას ეკლესია სომხურია. ამის დამადასტურებელი წყაროები, კიდევ ერთხელ ვიმეორებ, მე არ მაქვს. მომხმარებელს, რომელმაც ეს რედაქტირება განახორციელა, ნამდვილად უნდა მიეთითებინა სქოლიოში წყარო, ამაში აბსოლუტურად გეთანხმებით. რაც შეეხება თქვენს რედაქტირებას. როდესაც ვწერდი, რომ თქვენ წაშალეთ ინფორმაცია სხვა ეკლესიების შესახებაც მეთქი, ვგულისხმობდი წმ. ბასილის დიდ ტაძარს, რადგან იმ ეტაპზე თქევნ მხოლოდ წმ. ანას სტატუსზე გქონდათ პრეტენზია, მეგონა, რომ მეორე ტაძარი საეჭვო არ იყო. ამ დისკუსიამდე მიგვიყვანა იმან, რომ თქვენი რედაქტირების გაუქმებამდე სტატია სათანადოდ არ შევისწავლე, ეს ჩემი დანაშაულია. ვაღიარებ, რომ სტატიიდან ცრუ ინფორმაციის ამოშლა ნამდვილად კონსტრუქციული რედაქტირებაა. არ მინდა დაგრჩეთ შთაბეჭდილება, რომ სტატიაში არსებულ ცრუ ინფორმაციას ჯიუტად ვიცავ. როდესაც ლიტერატურაზე მიგითითებდი, მეგონა, რომ შესაბამისი წყარო იქ იყო მოხმობილი, რადგან ეს ასე უნდა ყოფილიყო და არა იმიტომ რომ მე ზუსტად ვიცოდი ეს. ამ ყველაფრის გათვალისწინებით, სწორედ წინა რედაქტორის ცვლილება იყო არაკონსტრუქციული. კიდევ ერთხელ ვიმეორებ, რომ მეც შეცდომაში ვიყავი შესული და რაიმე კონკრეტული პრეტენზიები არ მქონია. მადლობას გიხდით შეცდომის გასწორებისათვის. PS. იმედია წინააღმდეგი არ იქნებით ცნობა კაიმაკლის ეკლესიაზე ქალაქ ტრაპიზონის სტატიაში დარჩეს, როგორც ეს მოცემულია სტატიის ინგლისურენოვან ვერსიაში.ႨႪႨႠ განხილვა 11:44, 23 ივნისი 2015 (UTC)
  • მადლობა!

კაიმაკლიზე ცნობა დარჩეს. მე საწინააღმდეგო არაფერი მაქვს. ერთია, ზოგადად ეს სტატია ტრაპიზონზე გაჯერებულია არასწორი, მოძველებული (მაგ. 85 წლის (!) წინანდელი) ცნობებითა და შიგადაშიგ სიცრუით. მაგალითისთვის, სტატიის თავ "სხვა ძეგლები"-ში წერია, რომ <<...ტრაპიზონში დგას გრიგოლ ნოსელის სახელობის ბერძნული მართლმადიდებლური მონასტერი...>>, არადა ეს ეკლესია 1930 წელს გზის გაყვანის მომიზეზებით დაანგრიეს (იხ. A. Bryer and D. Winfield, Τhe Byzantine Monuments and Topography of the Pontos, გვ. 226-8). აღარაფერს ვამბობ იმაზე, რომ ეს ეკლესია აშენებულია არა იოანე მეორის, არამედ იოანე მესამის დროს. შ ასევე ქართულ ვიკიპედიაში სტატიის თავები ინგლისურადაა დასათაურებული, მაგ.: Panaghia Chrysokephalos და Yeni Cuma Camii. ასევე ტექსტში ხშირად გამოყენებულია პირდაპირ ინგლისური სახელები ლათინურივე შრიფტით, რაც, ჩემთვის გაუგებარია. უცხოური (და ამ შემთხვევაში თურქული სახელია უპრიანი და არა ინგლისური) სახელი შესაძლოა გვერდით ფრჩხილებში მიეთითოს კონკრეტულ ძეგლს. Abkhazian1 განხილვაწვლილი 14:05, 23 ივნისი 2015 (UTC)

აბსოლუტურად გეთანხმებით. თუ სურვილი გაქვთ იქნებ დაგეწყოთ სტატიის რედაქტირება, დარწმუნებული ვარ კარგ შედეგს მივიღებდით.ვიღიმიႨႪႨႠ განხილვა 14:14, 23 ივნისი 2015 (UTC)

ცვლილებები და ახალი სტატიები[წყაროს რედაქტირება]

გამარჯობა, ეს ბოლო რამდენიმე დღეა ჩემ მიერ განხორციელებული არც ერთი ცვლილება არ მოწმდება. თუ შეიძლება იხილეთ ჩემი წვლილი და შეამოწმეთ ჩემ მიერ განხორციელებული ცვლილებები და დაწერილი სტატიები. წინასწარ გმადლობთ --Jafara777 განხილვაწვლილი 18:05, 3 ივლისი 2015 (UTC)

Yes check.svg გაკეთდა, იმედია არაფერი გამომრჩენია.--ILIA განხილვა 18:27, 3 ივლისი 2015 (UTC)
მოგვიანებით, მაგრამ მადლობას გიხდით. ამიერიდან აღარ შეგაწუხებთ, რადგან სანდო მომხმარებლის სტატუსი მომენიჭა :) --Jafara777 განხილვაწვლილი 14:47, 5 ივლისი 2015 (UTC)

თხოვნა[წყაროს რედაქტირება]

ილიას გაუმარჯოს, ალტდორფი (ბებლინგენი) — ამ სტატიის შექმნისას აუცილებლად უნდა შეგექმნათ ალტდორფი (მრავალმნიშვნელოვანი). ნელ-ნელა უნდა ისწავლოთ მრავალმნიშვნელოვანი გვერდების შექმნაც. წარმატებები.--ცანგალა () 20:58, 4 ივლისი 2015 (UTC)

გამარჯობა! როგორც წესი, მრავალმნიშვნელოვან გვერდებს ვქმნი ხოლმე, თუმცა, როგორც ჩანს, გამომრჩა, რომ ამ სახელით სხვა სტატიაც არსებობდა. მადლობა შენიშვნისთვის.ვიღიმი--ILIA განხილვა 04:14, 5 ივლისი 2015 (UTC)

ფაილი:იაპონიის რეგიონები და პრეფექტურები.png[წყაროს რედაქტირება]

გამარჯობა ილია! გთხოვ, რომ ამ ფაილს მიხედო. ამჟამად გამოუყენებელია, შეგიძლია კომონზში გადაიტანო. - OTOGI Messages 20:22, 14 ივლისი 2015 (UTC)

ოთო ილია ორი კვირით ბანაკშია და ამ ეტაპზე ვერ მიხედავს.--ჯაბა 1977 04:56, 15 ივლისი 2015 (UTC)
მადლობა ჯაბა. - OTOGI Messages 08:26, 15 ივლისი 2015 (UTC)
გადატანილია კომონზში.--ILIA განხილვა 09:23, 4 აგვისტო 2015 (UTC)

დღის სტატია[წყაროს რედაქტირება]

ილია დღის სტატიაში პანამის არხი უკვე იყო 22 იანვარს :)--დათო1010 11:45, 4 აგვისტო 2015 (UTC)

ვაიმე, არადა სპეციალურად გადავხედე თარგებს რომელიმე არ გავიმეორო მეთქი, მაგრამ, როგორც ჩანს, მაინც გამომრჩა. ახლავე შევცვლი შიგთავსს.--ILIA განხილვა 11:51, 4 აგვისტო 2015 (UTC)
ადვილად მოსაძებნად Ctrl+F გამოიყენე და გამოტანილ ველში რა სიტყვასაც ჩაწერ იმ გვერდზე რომელზეც შესული იქნები სადაც ის სიტყვაა გამოყენებული გაგიფერადებს--დათო1010 11:55, 4 აგვისტო 2015 (UTC)
დიდი მადლობა, ეს ნამდვილად დამეხმარება ასეთი შემთხვევების თავიდან აცილებაში.--ILIA განხილვა 11:58, 4 აგვისტო 2015 (UTC)

ვიკიშეხვედრა[წყაროს რედაქტირება]

გამარჯობა, ილია. შეგახსენებ, რომ 8 აგვისტოს შედგება ვიკიშეხვედრა. ვიკრიბებით 13:00 საათზე, მეტრო თავისუფლების მოედნის შესასვლელთან. შენ ახალი მომხმარებელი ხარ და კარგი იქნება თუ მოხვალ და გაგიცნობთ :)--დათო1010 15:30, 5 აგვისტო 2015 (UTC)

დიდი ალბათობით მოვალ. ბოლოსდაბოლოს, საერთო ვიკიოჯახის წევრები პირადადაც ხომ უნდა გავიცნო :)--ILIA განხილვა 17:13, 5 აგვისტო 2015 (UTC)

მუნიციპალიტეტი დოიჩლანდში?[წყაროს რედაქტირება]

სალამი! შეგიძლია მითხრა, რატომ მუნიციპალიტეტი და არა თემი? Gemeinde თემს ნიშნავს ვიღიმი. Deu. 15:22, 4 სექტემბერი 2015 (UTC)

რამდენადაც გერმანული არ ვიცი, ვხელმძღვანელობ ინგლისური ვიკიპედიით, სადაც municipality იყო მითითებული და მეც მუნიციპალიტეტად ვთარგმნე, თუმცა ამ სახელწოდების სისწორე ყოველთვის ეჭვს მიჩენდა.--ILIA განხილვა 15:26, 4 სექტემბერი 2015 (UTC)
შეცდომაა, თავისთავად. Gemeinde არის თემი, ცალსახად. ქართული თემის ზუსტი შესატყვისი ტერმინია, სხვაგვარ თემებსაც აღნიშნავს: მაგ. religiöse Gemeinde, რელიგიური თემი. სხვა დროს, უცხოურ ტერმინმა თუ დაგაეჭვა, მკითხე მე ან სხვას. რა ვქნათ, გავასწოროთ? ვიღიმი. Deu. 15:29, 4 სექტემბერი 2015 (UTC)
რამდენადაც შეცდომა ჩემი დაშვებულია, მის გასწორებასაც ჩემს თავზე ვიღებ. ვიღიმი --ILIA განხილვა 15:31, 4 სექტემბერი 2015 (UTC)
მადლობა! ვიღიმი Deu. 15:34, 4 სექტემბერი 2015 (UTC)

კატეგორიების შეცვლა არ დაგავიწყდეს. რომ მორჩები, იქნებ ესენიც გაასწორო: თარგი:ბადენ-ვიურტემბერგის ადმინისტრაციული ოლქები და რაიონები. გერმანიაში არ არსებობს რაიონები, ეს მხოლოდ საბჭოთა ქვეყნებშია. რაც ამ თარგში „რაიონებადაა“ მოხსენიებული, გერმანულად იმას Kreis ქვია, ანუ ოლქი. ხოლო „ადმინისტრაციულ ოლქებს“, უფრო სწორი იქნება, თუ სამთავრობო ოლქებს დაარქმევ (Regierungsbezirk). მდლ! :) Deu. 18:59, 4 სექტემბერი 2015 (UTC)

ბოტი[წყაროს რედაქტირება]

ილია როგორც ვატყობ შენ ბოტის ახალი ანგარიში კი არ დაარეგისტრირე, არამედ სტატიების სახელთა სივრცეში შექმენი მაგ სახელით უბრალო გვერდი. ეგ არასწორია! ახალი ანგარიში უნდა დაარეგისტრირო მაგ სახელით--დათო1010 15:13, 19 სექტემბერი 2015 (UTC)

დათო საჭიროა ეგ? მე საერთოდ არ მაქვს დარეგისტრირებული, მაგრამ ვმუშაობ. ჩემი სათხოვარი იქნება მიანიჭო ილიას ეს სტატუსი, უკვე აქტიურ ფაზაში ვართ. :) --ჯაბა 1977 15:18, 19 სექტემბერი 2015 (UTC)
ჯაბა დაურეგისტრირებელ ანგარიშს ბოტის სტატუსს ვერ მივანიჭებ. 2 წუთის საქმეა მაგის დარეგისტრირება. პ.ს. ჯაბა თუ შენც დაურეგისტრირებელ ანგარიშზე გაქვს ბოტის სტატუსი, მაშინ დროულად დაარეგისტრირე შენც--დათო1010 15:21, 19 სექტემბერი 2015 (UTC)

სატელიტური[წყაროს რედაქტირება]

ილია სატელიტი ქართულად თანამგზავრია და ამიტომ სტატიებში სატელიტურის მაგივრად თანამგზავრული გამოიყენე--დათო1010 07:55, 13 ოქტომბერი 2015 (UTC)

მადლობა, გავითვალისწინებ.--ILIA განხილვა 14:20, 13 ოქტომბერი 2015 (UTC)

Request[წყაროს რედაქტირება]

Greetings.

Could you create in Georgian Wikipedia, these articles about Azerbaijan? (If not, could you pass this request to other Wikipedia users in Georgian Wikipedia, who would be interested to create them?)

And could you expand the article

Thank you.

Menikure Talk 10:56, 25 ოქტომბერი 2015‎ (UTC)

Greetings.
Could you create in Georgian Wikipedia, the article en:Baku Zoo? (If not, could you pass this request to other Wikipedia users in Georgian Wikipedia, who would be interested to create them?)
Thank you.
Menikure Talk 21:32, 8 დეკემბერი 2015‎‎ (UTC)

ინფოდაფა[წყაროს რედაქტირება]

გამარჯობა. მცირე დახმარების სახით შევცვალე ინფოდაფა - თარგის კატეგორიზაცია ხდება noinclude-ში მოქცევით. იქვე შედის {{Documentation}}, რომელიც იძლევა ქვეგვერდის შექმნის საშუალებას. როგორც წესი, კეთდება, იმისთვის, რომ ქვეგვერდზე განთავსდეს დოკუმენტაცია (ანუ თარგის დასაკოპირებელი ცარიელი კოდი), რაც გაკეთდა კიდეც - ცარიელი კოდი, რომელიც ძირითად სტატიაში გქონდათ მითითებული, გადავიდა დოკუმენტაციაში. --Henry McClean განხილვაწვლილი 14:21, 19 დეკემბერი 2015 (UTC)

დიდი მადლობა დახმარებისთვის, ეს ჩემი პირველი ინფოდაფაა და ამიტომაც რაღაცეები ავურიე. ვიღიმი--ILIA განხილვა 14:23, 19 დეკემბერი 2015 (UTC)

არანაირად. მშვენივრად აწყობილია. შედარებისთვის - ბევრ მომხმარებელს პრობლემები აქვს ელემენტარულ ველებთან, ამიტომ ერთი ნიუანსი არ ითვლება ვიღიმი მეორე რაც ვახსენე, შეცდომად არ ითვლება, უბრალოდ სტანდარტად იქცა, აგრეთვე სასურველი და მოსახერხებელია (დოკუმენტაციის გვერდები). --Henry McClean განხილვაწვლილი 14:27, 19 დეკემბერი 2015 (UTC)

????[წყაროს რედაქტირება]

ილია 2 წუთი სტატია დავწერედა დამაცდი დავასრულო? --ჯაბა 1977 13:38, 17 იანვარი 2016 (UTC)

დიდი ბოდიში, უბრალოდ მივაყოლე და კატეგორიებს ვუსვამდი რაიონებს და აღარ მივაქციე ყურადღება სამი წუთის წინ რომ იყო სტატია დაწერილი.--ILIA განხილვა 13:40, 17 იანვარი 2016 (UTC)

კარგი. სხვა დროს მიაქციე ყურადღება. --ჯაბა 1977 13:41, 17 იანვარი 2016 (UTC)

შემოწმება[წყაროს რედაქტირება]

გამარჯობა ილია. ვიკიპედიაში არ მოწმდება სტატია, რომელსაც ერთი წყაროც კი არ აქვს. ვიღიმი ვგულისხმობ სტატიას გაერთიანებული საქართველო. – BruTe () 18:52, 23 იანვარი 2016 (UTC)

სამწუხაროდ, მექანიკური შეცდომა მომივიდა. დავამოწმე არა თავად სტატია, არამედ კონკრეტული ცვლილება, რომელიც გრამატიკულ შეცდომას ასწორებდა და აღარ მივაქციე ყურადღება, რომ თავად სტატიაც შეუმოწმებელი იყო და ჩემი ქმედებით ისიც დამოწმდა.--ILIA განხილვა 18:56, 23 იანვარი 2016 (UTC)
გასაგებია. – BruTe () 13:42, 24 იანვარი 2016 (UTC)

შეხვედრა[წყაროს რედაქტირება]

ვიკიპედია:ფორუმი/ვიკიშეხვედრები--ცანგალა () 17:28, 24 იანვარი 2016 (UTC)

სამწუხაროდ, არც ერთი თარიღი არაა ჩემთვის ხელსაყრელი, ამიტომაც კომენტარისაგან თავს ვიკავებ.--ILIA განხილვა 17:38, 24 იანვარი 2016 (UTC)

გვერდების გადატანა[წყაროს რედაქტირება]

გამარჯობა. ეს გადატანები რის საფუძველზე განხორციელდა?--შოთა (განხილვა) 11:56, 3 თებერვალი 2016 (UTC)

გამარჯობა. სერბეთის „რაიონები“ „ოლქებზე“ გადავიდა ამის საფუძველზე, რამდენადაც მშობლიურ ენაზე округ ეწოდება, მაშასადამე ოლქი; ხოლო „მუნიციპალიტეტები“ „თემებზე“ გადავიტანე რადგანაც Општина, ასევე, ცალსახად თემია. ამაზე შევთანხმდით სანამ ამის დაწერას დავიწყებდი. სავარაუდოდ, ტერმინები რაიონი და მუნიციპალიტეტი ინგლისური ვიკის გავლენაა, რაც ამ შემთხვევაში მთლად ობიექტური არაა.--ILIA განხილვა 13:41, 3 თებერვალი 2016 (UTC)
ამის დაწერამდე რომელ შეთანხმებას გულისხმობ? ვერ მივაგენი განხილვას. ამ განხილვაში კი ვერ ვხედავ რაიმეს საფუძველს, ერთი ადამიანის მოსაზრება და მეორის თანხმობაა მხოლოდ, ისიც ერთი დღის განმავლობაში. არ იფიქრო, „რაიონების“ „ოლქებზე“ და „მუნიციპალიტეტების“ „თემებზე“ გადატანის წინააღმდეგი ვიყო, ამაზე არ მაქვს ახლა საუბარი. უბრალოდ, ასეთ მოკლე ვადებში და ასეთ ვიწრო წრეში არ წყდება ათეულობით სტატიის ბედი. საქმე მხოლოდ ერთ სტატიას რომ ეხებოდეს, კიდევ არა უშავს, მაგრამ თავისუფლადაა შესაძლებელი, განხილვა გაგრძელდეს და საბოლოოდ სულაც გადაწყდეს, რომ პირვანდელი სახელწოდებები სწორი იყო. ასეთ შემთხვევაში საჭირო გახდება ყველა სტატიის უკან გადატანა. ტექნიკურად არც ესაა დიდი პრობლემა, მაგრამ ხომ ხვდები, რასაც ვგულისხმობ :) სამომავლოდ, გთხოვ, ცოტა მოიცადო ხოლმე სანამ სტატიების მასობრივ გადატანას დაიწყებ. იმედი მაქვს, სწორად გამიგებ--შოთა (განხილვა) 17:53, 3 თებერვალი 2016 (UTC)
აბსოლუტურად გასაგებია შენი პოზიცია და მისაღებიც. ვაღიარებ, ნამდვილად ვიჩქარე და სამომავლოდაც გავითვალისწინებ. რაც შეეხება განხილვას, ფეისბუქ ჯგუფში შევთანხმდით ამაზე :) არსებობს ეს განხილვაც და აქ ნამდვილად ვუცდი სხვების აზრს. ისე, კარგი იქნება თუ თავადაც დააფიქსირებ პოზიციას, როგორც მახსოვს, შენ შექმნილ გვერდებს ეხება საქმე :)--ILIA განხილვა 18:07, 3 თებერვალი 2016 (UTC)
მიხარია ვიღიმი განხილვებს გადავხედავ.
P.S. ფეისბუქი კარგია კონსულტაციისთვის და ინფორმაციის სწრაფად მიწოდებისთვის, მაგრამ ბევრი მომხმარებელი არ იყენებს ფეისბუქს და გადაწყვეტილებები ვიკიპედიაში უნდა მივიღოთ ან, როგორც მინიმუმ, გავაჟღეროთ მაინც. ეს შენ არ გეხება, ზოგადად ვამბობ, არ ღირს ასეთი პრაქტიკის დანერგვა.--შოთა (განხილვა) 19:29, 3 თებერვალი 2016 (UTC)
პრაქტიკის დანერგვას არც ვგულისხმობ, ცუდად გამომივიდა სათქმელი. უბრალოდ ტერმინთან დაკავშირებით ვიკითხე რჩევა და ერთსულოვნად მირჩიეს „თემი“. სულ ეს იყო. სხვამხრივ კი აბსოლუტურად ვიზიარებ იმ აზრს, რომ ნებისმიერი საკამათო საკითხი მთლიანად ვიკიში უნდა გადაწყდეს ვიღიმი--ILIA განხილვა 19:53, 3 თებერვალი 2016 (UTC)
თუ ოდესმე ამაზე სადმე განხილვა გაიმართა, ჩემი აზრიც გაითვალისწინეთ: ოგრუგ/ოკრუზ არის ოლქი. :) Deu. 06:05, 4 თებერვალი 2016 (UTC)