მოის საერთაშორისო აეროპორტი
მოის საერთაშორისო აეროპორტი Uwanja wa Ndege wa Kimataifa wa Moi Moi International Airport
| ||
|---|---|---|
| ||
ინფორმაცია
| ||
| ტიპი | სამოქალაქო | |
| ოპერატორი | კენიის აეროპორტების ადმინისტრაცია | |
| ემსახურება | მომბასა | |
| ადგილმდებარეობა | მომბასა, კენია | |
| აშენდა | 9 მარტი, 1958 | |
| სიმაღლე ზდ | 61 | |
| კოორდინატები | 04°02′24″ ს. გ. 39°35′24″ ა. გ. / 4.04000° ს. გ. 39.59000° ა. გ. | |
| ვებ-გვერდი | kaa.go.ke | |
ასაფრენ-დასაჯდომი ბილიკი (ადბ)
| ||
| ნომერი | ზომები | საფარი |
| 03/21 | 3350 | ასფალტი |
| 15/33 | 1363 | ასფალტი |
სტატისტიკა (2013)
| ||
| მგზავრი | 1 313 168[1] | |
მოის საერთაშორისო აეროპორტი (IATA: MBA, ICAO: HKMO) — საერთაშორისო აეროპორტი კენიაში. ემსახურება ქვეყნის სიდიდით მეორე ქალაქ მომბასას. 2020 წელს, 2 მილიონამდე მგავრთნაკადის მქონე აეროპორტებს შორის, აეროპორტების საერთაშორისო საბჭოს მიერ ის „აფრიკის საუკეთესო აეროპორტად“ დასახელდა.[2]
მიმოხილვა
[რედაქტირება | წყაროს რედაქტირება]მოის საერთაშორისო აეროპორტი ემსახურება ქალაქ მომბასასა და მის შემოგარენს. ის ქვეყნის ყველაზე დიდი და დატვირთული ჯომო კენიატას საერთაშორისო აეროპორტიდან სამხრეთ-აღმოსავლეთით, 425 კილომეტრში მდებარეობს.[3] მომბასის აეროპორტს კენიის აეროპორტების ადმინისტრაცია მართავს. აეროპორტს სახელი ქვეყნის ყოფილი პრეზიდენტის დანიელ არაპ მოის საპატივმცემლოდ, მისივე პრეზიდენტობის დროს ეწოდა.
აეროპორტი მდებარეობს ზღვის დონიდან 61 მეტრ სიმაღლეზე[4] და გააჩნია ორი ასაფრენ-დასაფრენი ბილიკი. ბილიკი 1 (3/21), რომლის სიგრძე 3350 მეტრია აღჭურვილია ინსტრუმენტული დაჯდომის სისტემით. ბილიკი 2-ის (15/33) სიგრძე 1260 მეტრია.[5] ორივე ბილიკს ასფალტის საფარი აქვს.
აეროპორტს გააჩნია ორი ტერმინალი. ტერმინალი 1 ძირითადად საერთაშორისო ფრენებისთვის გამოიყენება, ხოლო ტერმინალი 2 კი შიდა რეისებს ემსახურება. ზოგიერთი ავიაკომპანია, როგორიცაა მაგალითად Kenya Airways ტერმინალ 1-ს ორივე, საერთაშორისო და შიდა ფრენებისთვის იყენებს.
2018 წელს დადასტურდა, რომ მომბასის აეროპორტიდან ფრენებს Qatar Airways დაიწყებდა Airbus A320-ით, კვირაში 4 რეისის სიხშირით. პირველი რეისი 2018 წლის 11 დეკემბერს შესრულდა და დოჰიდან ფრენის დრომ დაახლოებით 6 საათი შეადგინა.[6]
რესურსები ინტერნეტში
[რედაქტირება | წყაროს რედაქტირება]სქოლიო
[რედაქტირება | წყაროს რედაქტირება]- ↑ sadimsolutions.com » Kenyan airports passenger traffic declines by 5% 2013. sadimsolutions.com. დაარქივებულია ორიგინალიდან — 22 დეკემბერი 2015. ციტირების თარიღი: 21 December 2015
- ↑ 2020 - Best Airport by Size and Region - ACI World.
- ↑ Distance between Mombasa () (Airport) and Jomo Kenyatta Airport Nairobi (Nairobi Area) (Kenya). GlobeFeed.com. ციტირების თარიღი: 4 April 2018
- ↑ Mombasa – Moi International Airport (MBA). AirGorilla. დაარქივებულია ორიგინალიდან — 16 იანვარი 2013. ციტირების თარიღი: 4 April 2018
- ↑ Mombasa - Moi Int´l Airport (MBA/HKMO). Virtual Globetrotting (26 May 2006). ციტირების თარიღი: 21 December 2015
- ↑ Qatar Airways Launches Second Destination in Kenya with New Flights to Mombasa.