მოალის კუნძულები
| მშობ. სახელი: ინგლ. Moala Islands | |
|---|---|
 | |
| გეოგრაფია | |
| 18°50′19″S 179°55′43″W / 18.838714° ს. გ. 179.928589° დ. გ. | |
| მდებარეობა | წყნარი ოკეანე |
| კოორდინატები |
კოორდინატები: განედი არ არის მითითებული |
| კუნძულთა რაოდენობა | 3 |
| მთავარი კუნძული | მოალა |
| ფართობი | 147,5 კმ² |
| უმაღლესი წერტილი | 468 მ |
| ოლქი | აღმოსავლეთის ოლქი |
| პროვინცია | ლაუს პროვინცია |
მოალის კუნძულები (ინგლ. Moala Islands) — კუნძულების ჯგუფი ლაუს კუნძულების შემადგენლობაში, ფიჯის რესპუბლიკაში, წყნარ ოკეანეში. ადმინისტრაციულად კუნძულები შედიან აღმოსავლეთის ოლქის ლაუს პროვინციის შემადგენლობაში.
გეოგრაფია[რედაქტირება | წყაროს რედაქტირება]
მოალის კუნძულები მდებარეობს ფიჯის სამხრეთ ნაწილში და წყნარი ოკეანის სამხრეთ ნაწილში. მდებარეობს დაახლოებით 160 კმ-ში ფიჯის დედაქალაქიდან — ქალაქ სუვადან[1]. გარს ეკვრის კოროს ზღვის წყლები. უახლოესი მატერიკი — ავსტრალია, მდებარეობს 2800 კმ-ში[2].
გეოლოგიური თვალსაზრისით, კუნძულებს აქვთ ვულკანური წარმოშობა. კუნძულთა ჯგუფში შედის სამი კუნძული. მათ შორის ყველაზე დიდია — კუნძული მოალა, რომლის ფართობი შეადგენს 62,5 კმ²-ს. მასზე ასევე მდებარეობს კუნძულთა ჯგუფის უმაღლესი წერტილი ზღვის დონიდან, რომელიც აღწევს 468 მეტრს (მასზე მდებარეობს ორი კრატერული ტბა)[1][2].
მოალის კუნძულები დაფარულია ხშირი ტროპიკული ტყეებით. მცენარეულობიდან ჭარბობს ქოქოსის პალმა. კლიმატი კუნძულებზე ნოტიო ტროპიკულია. განიცდის ციკლონების ნეგატიურ ზემოქმედებას[2].
მოალის კუნძულის გარდა ჯგუფში ასევე შედის ორი კუნძული: მატუკუ — 57 კმ² და ტოტოია — 28 კმ².
ისტორია[რედაქტირება | წყაროს რედაქტირება]
კუნძულების პირველი ევროპელი აღმომჩენია ბრიტანელი მოგზაური უილიამ ბლაი, რომელმაც ჯგუფი აღმოაჩინა 1792 წელს. XVIII საუკუნის შუაში მოალის კუნძულები მოექცა კუნძულ მბაუს ბელადების კონტროლ ქვეშ, რომელიც მდებარეობს კუნძულ ვიტი-ლევუს სანაპიროდან შორიახლოს, ხოლო 1853 წელს კუნძულები დაიპყრეს ტონგელებმა. 1874 წელს მოალის კუნძულები, როგორც ლაუს სხვა კუნძულები, გახდა ბრიტანეთის იმპერიის ფიჯის კოლონიის ნაწილი[3].
სქოლიო[რედაქტირება | წყაროს რედაქტირება]
- ↑ 1.0 1.1 Justine Vaisutis, Mark Dapin., Fiji, Lonely Planet, 2006, ISBN 1741042887.
- ↑ 2.0 2.1 2.2 Islands of Fiji. Moala. UN SYSTEM-WIDE EARTHWATCH Web Site. დაარქივებულია ორიგინალიდან — 2012-04-21. ციტირების თარიღი: 2010-07-11.
- ↑ Douglas L. Oliver., Oceania: the native cultures of Australia and the Pacific Islands, ტ. 2, University of Hawaii Press, 1989, ISBN 0824810198.