მიჰრი მიუშფიკ ჰანიმი

მასალა ვიკიპედიიდან — თავისუფალი ენციკლოპედია
Jump to navigation Jump to search
მიჰრი მიუშფიკ ჰანიმი
Mihri Müşfik Hanım.jpg
მშობ. სახელი Mihri Müşfik Hanım
დაბ. სახელი Mihri Achba
დაბ. თარიღი 26 თებერვალი, 1886
ქადიქიოი, სტამბოლი, ოსმალეთის იმპერია
გარდ. თარიღი 1954 (67-68 წლის)
ნიუ-იორკი, აშშ
დაკრძალულია პაუფერის სასაფლაო, ჰარტ-აილენდი, ბრონქსი
რელიგია ისლამი
მეუღლე(ები) მიუშფიკ სელამი ბეი
მშობლები მამა: აჰმედ რასიმ ფაშა აჩბა
დედა: ფატმა ნეშედილ ჰანიმი

მიჰრი მიუშფიკ ჰანიმი (თურქ. Mihri Müşfik Hanım; დაბ. მიჰრი აჩბა (თურქ. Mihri Achba); დ. 26 თებერვალი, 1886, ქადიქიოი, სტამბოლი, ოსმალეთის იმპერია — გ. 1954, ნიუ-იორკი, აშშ), ასევე ცნობილია, როგორც მიჰრი რასიმი — ერთ-ერთი პირველი და ცნობილი თურქი ქალი მხატვარი. პირველი თანამედროვე სამხატვრო ნამუშევრების შემსწავლელი. განსაკუთრებით აღიარებულია მისი საპორტრეტო ნამუშევრებით. შეუქმნია ისეთი ცნობილი ადამიანების პორტრეტები, როგორიცაა მუსტაფა ქემალ ათათურქი და პაპი ბენედიქტე XV.

ბიოგრაფია[რედაქტირება | წყაროს რედაქტირება]

ადრეული წლები[რედაქტირება | წყაროს რედაქტირება]

ექსცენტრიული და ბოჰემური მხატვარი მიჰრი მიუშფიკ ჰანიმი დაიბადა 1886 წლის 26 თებერვალს სტამბოლში, ქადიქიოის რაიონში, ანჩაბაძეების დინასტიაში, როგორც ანჩაბაძის პრინცესა, რასიმ ფაშას სასახლეში.[1] მისი აფხაზი მამა, პრინცი და დოქტორი აჰმედ რასიმ ფაშა,[1] იყო ანატომიის სპეციალისტი და ინსტრუქტორი მედიცინის სამხედრო სკოლაში. ფორმალურ დოკუმენტებში და ოჯახის წერილებში, იგი ასევე მოიხსენიება ამ დაწესებულების პრეზიდენტად. აჰმედ რასიმ ფაშის დახვეწილი გემოვნება და მუსიკის, მხატვრობისა და ლიტერატურის ინტერესმა, მნიშვნელოვანი როლი შეასრულა მისი ქალიშვილის მხატვრული გეზის ფორმირებაში. გარდა ამისა, მისი, როგორც ექიმის რეპუტაციის გარდა, რასიმ ფაშა ასევე ცნობილი იყო თავისი მუსიკის, საღამო შეკრებისა და საზზე დაკვრის ინტერესით. ამ მხრივ, ის სტამბოლის ელიტების მაგალითია, როგორც „შემთხვევითი მრავალფეროვნება“. მიჰრი ჰანიმის აფხაზი დედა, ფატმა ნეშედილ ჰანიმი, რასიმ ფაშას ცოლებიდან ერთ-ერთი იყო. მისი უმცროსი და, ენისე ჰანიმი იყო სხვა განთქმული მხატვრის, ჰალე ასაფის დედა.

ევროპაში გამგზავრება[რედაქტირება | წყაროს რედაქტირება]

ტიპური დასავლური განათლების მიღებით, მიჰრი ჰანიმი დაინტერესდა ლიტერატურით, მუსიკითა და ფერწერით. პირველი კერძო გაკვეთილები მიიღო იტალიელი აღმოსავლეთმცოდნე მხატვარისგან, ფაუსტო ზონაროსგან, სტამბოლის ბეშიქთაშის რაიონში მდებარე მის სტუდიაში. მიჰრი ჰანიმს შეუყვარდა აკრობატული კომპანიის იტალიელი დირექტორი, რომელიც სტამბოლს სტუმრობდა. ამის შემდგომ, მიჰრი ჰანიმი ჯერ რომში და შემდეგ პარიზში გაემგზავრა, როგორც ჩანს, ხელოვნების წრეებში ჩართვის სურვილით. ერთ დროს, ის ცხოვრობდა და მუშაობდა მონპარნასში მდებარე ბინაში, არსებობისთვის, იგი პორტრეტებს ხატავდა და ბინის ერთ ოთახს სტუდენტებზე აქირავებდა. ერთ-ერთი ასეთი დამქირავებელი მიუშფიქ სელამი ბეი გახდა, სორბონის უნივერსიტეტის პოლიტიკის მეცნიერების სტუდენტი, რომელზეც მოგვიანებით დაქორწინდა. მიუშფიქ ბეი, ბურსის ცნობილი პიროვნების, სელამი ბეის ვაჟი გახლდათ, რომელიც დაინტერესებული იყო პოლიტიკით, ისტორიითა და ლიტერატურით. მათი ქორწინების თარიღი უცნობია.

სქოლიო[რედაქტირება | წყაროს რედაქტირება]

  1. 1.0 1.1 Bardakçı, Murat. “Mihri Rasim’in saklı hayatı“, 2015-03-02. წაკითხვის თარიღი: 2015-03-15. (Turkish)