მიხეილ კრასენკოვი
 მიხეილ კრასენკოვი 2021 წელს | |
| ქვეყანა (სპორტი) |
 საბჭოთა კავშირი სსრკ (1991-მდე) პოლონეთი პოლონეთი (1996-დან) |
|---|---|
| დაბადების თარიღი | 14 ნოემბერი, 1963 |
| დაბადების ადგილი | მოსკოვი, რუსეთის სფსრ |
| წოდება | დიდოსტატი (1989) |
მიხეილ კრასენკოვი (რუს. Михаил Владимирович Красенков; პოლ. Michał Krasenkow; დ. 14 ნოემბერი, 1963, მოსკოვი) — პოლონელი, მანამდე საბჭოთა მოჭადრაკე; დიდოსტატი (1989), ფიდეს უფროსი მწვრთნელი (2012).
ბიოგრაფია
[რედაქტირება | წყაროს რედაქტირება]დაიბადა მოსკოვში (დაბადების გვარი — აზოსი). 1985 წელს დაამთავრა მოსკოვის ნავთობქიმიური და აირის მრეწველობის ინსტიტუტი გამოყენებითი მათემატიკის სპეციალობით. ჭადრაკში მეცადინეობდა მოსკოვის პიონერთა სასახლეში მიხეილ ბოტვინიკის სკოლაში.
მიხეილ კრასენკოვის პირველი სერიოზული წარმატებები დაკავშირებულია საქართველოსთან: 1987 წელს იგი გახდა საქართველოს ჩემპიონი.[1] ასევე წარმატებით გამოდიოდა მოსკოვის ჩემპიონატებსა და საკავშირო ტურნირებში.
1992 წელს საცხოვრებლად გადავიდა პოლონეთში, ხოლო 1996 წელს მიიღო ამ ქვეყნის მოქალაქეობა. ორჯერ მოიგო პოლონეთის ინდივიდუალური ჩემპიონატი (2000, 2002) და 14-ჯერ გახდა ქვეყნის ჩემპიონი სხვადასხვა კლუბის შემადგენლობაში. 1996–2004 წლებში პოლონეთის სახელით მონაწილეობდა საჭადრაკო ოლიმპიადებსა და ევროპის გუნდურ ჩემპიონატებზე.
2000 წელს კრასენკოვმა მსოფლიო რეიტინგში მე-10 ადგილს მიაღწია (ელოს რეიტინგი 2702), რითაც გახდა პირველი პოლონელი მოჭადრაკე, რომელმაც 2700-იან ზღვარს გადააბიჯა.
მიღწევები
[რედაქტირება | წყაროს რედაქტირება]მიხეილ კრასენკოვს მოგებული აქვს მრავალი საერთაშორისო ტურნირი, მათ შორის:
- მოსკოვი (მიხეილ ტალის მემორიალი, 1992) — I-III ადგილები;
- ნიუ-იორკი (1997) — I-II ადგილები;
- შანხაი (2001) — I-III ადგილები;
- ოსტრავა (2007) — I ადგილი;
- ვეიკ-ან-ზეე (B ტურნირი — 2002, C ტურნირი — 2007) — I ადგილი.
იგი ასევე ცნობილია როგორც საჭადრაკო თეორეტიკოსი და რამდენიმე წიგნის ავტორი, რომლებიც ეხება დებიუტებსა და საჭადრაკო ტაქტიკას.
სქოლიო
[რედაქტირება | წყაროს რედაქტირება]- ↑ გიორგაძე, თ., ქართული ჭადრაკის მატიანე, ნაწ. I, თბ., 1995. — გვ. 90.
ბიბლიოგრაფია
[რედაქტირება | წყაროს რედაქტირება]- The Open Spanish. Cadogan Books, London 1995, ISBN 1-85744-141-9
- The Sveshnikov Sicilian. Cadogan Books, London 1996, ISBN 1-85744-123-0
- Finding chess jewels. Everyman Chess, London 2013. ISBN 978-1-78194-154-6
- Learn from Michal Krasenkow. Thinkers Publishing, 2019, ISBN 978-9-49251-046-4