მიხეილ გორდაძე

მიხეილ გორდაძე
დაბადების ადგილი	თელავი, რუსეთის იმპერია
გარდაცვალების თარიღი	1919
გარდაცვალების ადგილი	საქართველოს დემოკრატიული რესპუბლიკა
ფსევდონიმი	აბულაძე
საქმიანობა	პოეტი
მოქალაქეობა	რუსეთის იმპერია  საქართველოს დემოკრატიული რესპუბლიკა

მიხეილ გორდაძე, აგრეთვე ცნობილილია ფსევდონიმით აბულაძე (დ. 1860, თელავი, — გ. მაისი, 1919, იქვე) — ქართველი პოეტი.

ბიოგრაფია

მუშაობდა ტოლეს საპნისა და გენადის მინერალური წყლების ქარხანაში. მის მიერ ხალხურ კილოზე დაწერილი ლექსების თემა იყო მუშათა მძიმე ცხოვრება, გაუნათლებლობა. 1880 წელს, გაზეთი „დროების“ ცნობით, „არჩილიანის“ გამოცემა განუზრახავს, მაგრამ უშედეგოდ. 1881 წელს გამოსცა კრებული „სამშობლო ანუ ლექსთა კრება“, 1893 წელს კი „ლექსნი“. 24 დეკემბერს, 1893 წელს, გაზეთ „ივერიაში“ მისი ლექსი „ჩიტი“ დაიბეჭდა.

საქართველოს დემოკრატიული რესპუბლიკის პერიოდში მისი ფოტოები და ლექსები იბეჭდებოდა.

„მისი წერის საგანი იყო მშრომელთა ტრფიალი, სამშობლო ქვეყნის სიყვარული, მჩაგვრელთა გმობა, ხალხის უკეთესი მომავლისკენ მოწოდება, ერში საზნეო მისწრაფებათა გავრცელება.“

1918 წელს დაიბეჭდა მისი ჩანაწერი „ქართულ უნივერსიტეტში“ (მოსმენილი ივანე ჯავახიშვილის ლექციიდან).

ლიტერატურა

• ჭანტურიძე ს., საქართველოს დემოკრატიული რესპუბლიკა (1918–1921) : ენციკლოპედია-ლექსიკონი, თბ.: უნივერსიტეტის გამომცემლობა, 2018. — გვ. 102.

• ხუციშვილი ს., ენციკლოპედია „საქართველო“, ტ. 2, თბ., 2012. — გვ. 105.

რესურსები ინტერნეტში

• მიხეილ გორდაძე — საქართველოს ბიოგრაფიული ლექსიკონი