მიჩიკო (იმპერატორის მეუღლე)

მასალა ვიკიპედიიდან — თავისუფალი ენციკლოპედია
გადასვლა: ნავიგაცია, ძიება
მიჩიკო
美智子
Empress Michiko cropped 20140424.jpg
იმპერატორის მეუღლე 2014 წელს
იაპონიის იმპერატორის მეუღლე
კორონაცია: 12 ნოემბერი 1990
მმართ. დასაწყისი: 7 იანვარი 1989
მმართ. დასასრული: დღემდე
წინამორბედი: კიოძუნი
პირადი ცხოვრება
დაბ. თარიღი: 20 ოქტომბერი, 1934 (1934-10-20) (83 წლის)
დაბ. ადგილი: ტოკიო, იაპონია
მეუღლე: იმპერატორი აკიჰიტო
შვილები: ნარუჰიტო
აკისინო
საიაკო
მამა: ჰიდესაბურო შიოდა
დედა: ფუმიკო სოეძიმა
რელიგია: რომის კათოლიკური ეკლესია (წინა რელიგია)
შინტოიზმი

იმპერატორის მეუღლე მიჩიკო (იაპონ. 皇后美智子; დ. 20 ოქტომბერი 1934) — იაპონიის იმპერატორის, აკიჰიტოს მეუღლე 1989 წლის 7 იანვრიდან მოყოლებული. ის გახდა მისი დედამთილის და იმპერატორ ჰიროჰიტოს მეუღლის, კიოძუნის მემკვიდრე.

მიჩიკო დაქორწინდა კრონპრინც აკიჰიტოზე და გახდა იაპონიის კრონპრინცესა იმპერატორ სიოვას გარდაცვალებამდე. საიმპერატორო ოჯახში პირველი იყო, რომელიც არ იყო წარჩინებული წარმოშობის. მას იმპერატორთან შეეძინა სამი შვილი, მათ შორის ტახტის ამჟამინდელი მემკვიდრე კრონპრინცი ნარუჰიტო. როგორც კრონპრინცესა და როგორც იმპერატორის მეუღლე, ის გახდა მსოფლიოში ყველაზე ხილვადი იმპერატორის მეუღლე იაპონიის ისტორიაში.

ადრეული წლები და განათლება[რედაქტირება | წყაროს რედაქტირება]

მომავალი იმპერატორის მეუღლე 1940 წელს

მიჩიკო შოდა ქალაქ ტოკიოში, Nisshin Seifun Group-ის პრეზიდენტის და თავჯდომარის, ჰიდესაბურო შიოდას და მისი ცოლის, ფუმიკო სოეძიმას ოჯახში დაიბადა. გაიზარდა ტოკიოში, სადაც მიიღო ისევე, როგორც ტრადიციული ასევე „დასავლური“ განათლება, ისწავლა ინგლისურ ენაზე ლაპარაკი, პიანინოზე დაკვრა, დაინტერესებული იყო ხელოვნებით კერძოდ ხატვით, კულინარიით და კიოდოთი. ის იყო ზოგერთი აკადემიკოსის, მათ შორის მათემატიკოს კენძირო შიოდას ძმისშვილი, რომელიც 1954—1960 წლებში ოსაკას უნივერსიტეტის პრეზიდენტი იყო. [1]

შიოდა ფუტაბას დაწყებით სკოლაში დადიოდა, რომელიც ჩიოდას რაიონის მახლობად იყო, მაგრამ ამერიკული ბომბდამშენებით დავდასხმების დროს, მიჩიკო იძულებული გახდა სკოლა მეოთხე კლასიდან დაეტოვებინა. მოგივანებით მან სწავლა კანაგავის პრეფექტურაში (კერძოდ ქალაქ კატასეში, რომელიც ახლა ფუძისავას შემადგენლობაში შედის), გუმას პრეფექტურაში (ქალაქ ტატებაიოსში, რომელიც სიოვას ოჯახის მშობლიური ქალაქი იყო) და ნაგანოს პრეფექტურაში (ქალაქ კარუიძავაში). მიჩიკო ტოკიოში 1946 წელს დაბრუნდა და სწავლა კვლავ ფუტაბას სკოლაში გააგრძელა, შემდეგ სეისინის მოზარდთა უმაღლეს სკოლაში და ბოლოს მინატოს ტაიონში მდებარე უმაღლეს სკოლაში. მან უმაღლესი სკოლა 1953 წელს დაამთავრა.

კოლეჯში შესვლის შემედეგ, ცნობილი გახდა, როგორც „მიტი“ (ミッチ), თუმცა მას მაინც შემორჩა ძველი სახელი „ტემპლი-ჩანი“, რომელიც მას ამერიკელი მასახიობი ქალის, შირლი ტემპლის გამო შეარქვეს, რადგან მიჩიკოს მისავით ხვეული თმა ჰქონდა. თუმცა მან უარი თქვა კათოლიკობაზე და კერძო ქრისტიანულ სკოლაში შევიდა (არა ბაბტისტურ).

1957 წელს ტოკიოს საკრიდ ჰარტის უნივერსიტეტში აიღო ხელოვნების ბაკალავრი ინგლისურ ლიტერატურაში. აგრეთვე კურსები გაიარა ჰარვარდის და ოქსფორდის უნივერსიტეტებში. [2]

მიჩიკოს მდიდარი მშობლები ძალიან წუხდნენ იმაზე, რომ მიჩიკოს ადრე ქორწინდებოდა, რადგან 1950-იან წლებში ის მხოლოდ რამდენიმე მთხოვნელს შეხვდა. [3] ცნობილი მწერალი იუკიო მისიმა თავის ბიოგრაფიაში (წიგნ „ჰენრი სკოტ სტოკსში“, მწერლის ბიოგრაფიული წიგნი რომელიც Cooper Square Press-მა 2000 წელს გამოსცა) წერს, რომ იგი მიჩიკოს ერთ-ერთი თაყვანისმცემელი იყო და მას მისი ცოლად შერთვაც უნდოდა. [4][5]

ნიშნობა და ქორწინება[რედაქტირება | წყაროს რედაქტირება]

ქორწინების ფოტო იმპერატორ სიოვასთან და კონსორტ კიოძუნთან ერთად, 10 აპრილი 1959 წელი

1957 წლის აგვისტოში, ქალაქ კარუიძავაში მიჩიკო მომავალ კროპრინც აკიჰიტოს ტენისის კორტებზე შეხვდა. საიმპერატორო ოჯახის საბჭომ (შედგებოდა იაპონიის პრემიერ-მინისტრისგან, იაპონიის პარლამენტისგან და საიმპერატორო ოჯახის ორი წევრისგან) კრონპრინცი მიჩიკო შიოდაზე ფორმალურად 1958 წლის 27 ნოემბერს დანიშნა. ამავე დროს მედია საუბრობდა „ტენისის კორტების რომანზე“ და ამ მოულოდნენ შეხვედრას „ზღაპარი“ უწოდეს. [3] ნიშნობის ცერემონია 1959 წლის 14 იანვარს სასახლეში შედგა.

ახლად დაქორწინებული კრონპრინცი და კრონპრინცესა იაპონურ ტრადიციულ ტანისამოსში

მიუხედავად იმისა, რომ მიჩიკო მდიდარი მრეწველი ქალიშვილი იყო, მას არ ჰქონდა წარჩინებული წარმომავლობა. 1950-იანებ წლებში მედია და საიმპერატორო ოჯახის ახლობლები იმედოვნებდნენ, რომ ოჯახი კრონპრინცის მეუღლედ მათ ნათესავ ან წარჩინებული წარმომავლობის წევრს აირჩევდა. ზოგი ტრადიციონალისტი და იმპერატორი მეუღლე კიოძუნი ამ ნიშნობას ეწინააღმდეგებოდა, რადგან შიოდა კათოლიკე იყო და ის სინტოიზმურად არ იყო მონათლული.[6] 2000 წელს კიოძუნის გარდაცვალების შემდეგ, Reuters-მა გამოაცხადა, რომ ყოფილი იმპერატორის მეუღლე ამ ქორწინებას ყველაზე მეტად ეწინააღმდეგებოდა და რომ 1960-იანებში მან თავისი რძალი დეპრესიაში ჩააგდო იმის ბრალდებით, რომ მიჩიკო კრონპრინცს არ შეეფერებოდა. [7]

თუმცა ახალგაზრდა წყვილს ფართო საზოგადოებამ და ქვეყნის მმართველმა პოლიტიკურმა პარტიამ მხარი დაუჭირა. ასევე ახალგაზრდა „მიტიმ“ ხალხის დიდი სიყვარული მოიპოვა და იგი იაპონიის მოდერნიზაციის და დემოკრატიზაციის სიმბოლო გახდა. ქორწინება საბოლოოდ 1959 წლის 10 აპრილს, სინტოს ტრადიციულ ცერემონიაზე შედგა. ქორწილს ტოკიოს ქუჩებში 500,000-ზე მეტი ადამიანი ადევნებდა თვალს, ხოლო ტელევიზიით 15 მილიონზე მეტი.[8] საიმპერატორო ოჯახში შესვლის თანავე მან მიიღო იაპონიის თეთრი არყის ხის ემბლემა.

კრონპრინცესა[რედაქტირება | წყაროს რედაქტირება]

კრონპრინცესა მიჩიკოს და მისი მეუღლის ვიზიტი ნედერლანდებში. ფოტოზე ასევე არიან დედოფალი იულიანა, პრინცესა ბეატრიქსი და პრინცი კლაუსი

მოგვიანებით ახალგაზრდა წყვილი საცხოვრებლად ტოგუს სასახლეში, იგივე „საიმპერატორო სახლის აღმოსავლეთ სასახლეში“ გადავიდა. კრონპრინცის რეზიდენციამ ოფიციალური სახელი 1952 წელს მიიღო. სასახლე მოტოაკასაკას ქუჩაზე, აკასაკას მამულში მდებარეობს. წყვილმა სასახლე იმის შემდეგ დატოვა,რაც 1989 წელს აკიჰიტო ტახტზე ავიდა.

მიჩიკოს და აკიჰიტოს სამი შვილი შეეძინათ:

  1. კრონპრინცი ნარუჰიტო (皇太子徳仁親王 დ. 23 თებერვალი 1960)
  2. პრინცი აკისინო (ფუმუჰიტო) (秋篠宮文仁親王 დ. 30 ნოემბერი 1965)
  3. პრინცესა საიაკო (ნორი) (紀宮清子内親王 დ. 18 აპრილი 1969)

1963 წელს გაერთიანებული პრესის ცნობით კრონპრინცესას, რომელიც დაახლოებით 3 თვის ორსული იყო, 22 მარტს ტოკიოში აბორტი გაუკეთეს. [9] როგორც სტატიაში ეწერა „ოპერაცია მისი ექიმის, პროფესორ ტაკესი კობაიასის რჩევით ჩატარდა.“[9]

რესურსები ინტერნეტში[რედაქტირება | წყაროს რედაქტირება]

Commons-logo.svg
ვიკისაწყობში? არის გვერდი თემაზე:

სქოლიო[რედაქტირება | წყაროს რედაქტირება]

  1. History. University of Osaka.
  2. The commoners who married royalty. BBC. წაკითხვის თარიღი: 11 March 2013.
  3. 3.0 3.1 « The Girl from Outside », Time, 23 March 1959
  4. Briton let author commit hara-kiri“, Sunday Times, 2 May 2005. წაკითხვის თარიღი: 12 June 2012. 
  5. Saru, « 三島入門 (An Introduction to Mishima) », Mutant Frog Travelogue, 12 February 2006
  6. Herbert P. Bix, "Hirohito and the Making of Modern Japan", New York, 2001, p. 661
  7. « Japan's Dowager Empress Dead At 97 », CBS, 16/06/2000
  8. Kyodo News, « Imperial marriage created bond with people », The Japan Times, 09/04/2009
  9. 9.0 9.1 "Japanese Princess Has An Abortion", The Miami News, 22 March 1963, page 3