მიქელა (ფილმი)

„მიქელა“
დამდგმელი რეჟისორი	ელდარ შენგელაია
სცენარის ავტორი	ელდარ შენგელაია
როლებში	გრიგოლ ტყაბლაძე ზინაიდა კვერენჩხილაძე
კომპოზიტორი	ირაკლი გეჯაძე
ხმის ოპერატორი	ოთარ გეგეჭკორი
ოპერატორი	ალექსანდრე რეხვიაშვილი
მხატვარი	ქრისტესია ლებანიძე
სტუდია	ქართული ფილმი
პრემიერა	1965
ხანგრძლივობა	48 წთ.
ქვეყანა	საქართველოს სსრ
ენა	ქართული

მიქელა — ქართული მხატვრული ფილმი. გადაღებული კინოსტუდია „ქართული ფილმის“ მიერ 1965 წელს, ალმანახიდან „წარსულის ფურცლები“. საკავშირო კინოგაქირავებაში გავიდა 1966 წელს. გადაღებულია დავით კლდიაშვილის ამავე სახელწოდების მოთხრობის მიხედვით. რეჟისორი — ელდარ შენგელაია.

სიუჟეტი

ყურადღება!  ქვემოთ მოყვანილია სიუჟეტის და/ან დასასრულის დეტალები.

მიქელას მრავალრიცხოვან ოჯახს უკურნებელი სენი დაერევა. სიკვდილს მხოლოდ რძალი და ორი შვილიშვილი გადაურჩება. გვარის ამოწყვეტის შიშით შეპყრობილი მიქელა ბოროტი სულების განსადევნად სახლს ადგილს შეუცვლის და უმცროს შვილიშვილს სხვა სოფელში გახიზნავს. უფროსს, სპიდონას კი, რომელიც ყველას უამბობს:

„უფალმა საიქიოდან მომაბრუნა და ერთი წლის შემდეგ უკან წამიყვანს“

ფაცხაში დააბინავებს. ღამე ქარიშხალი ამოვარდება. მიქელას სწამს, რომ ბავშვს ღვთის დანიშნულ დროზე ადრე არაფერი მოუვა და უყურადღებოდ მიატოვებს. მოვარდნილი ნიაღვარი კი სპიდონას დაახრჩობს.

როლებში

• გრიგოლ ტყაბლაძე — მიქელა
• ზინაიდა კვერენჩხილაძე — მაია
• მიხეილ ხვიტია — სპიდონა
• მანანა მანაგაძე — ეკა
• ვარლამ წულაძე — ალექსი
• კაპიტონ აბესაძე — მღვდელი

რესურსები ინტერნეტში

• „მიქელა“ [დაარქივებული] — ეროვნული ფილმოგრაფია