მირზა შაფის ქუჩა

მასალა ვიკიპედიიდან — თავისუფალი ენციკლოპედია
მირზა შაფის ქუჩა
Mirza Shafi Street in Tbilisi.jpg
საერთო ინფორმაცია
ქვეყანა საქართველოს დროშა საქართველო
ქალაქი თბილისის დროშა თბილისი
რაიონი კრწანისის რაიონი
წინა სახელები თათრის შესახვევი
ისტორიული რაიონი სეიდაბადი
მიკრორაიონი კრწანისი

მირზა შაფის ქუჩა — ქუჩა კრწანისის რაიონში (ხარფუხა). იოსებ გრიშაშვილის ქუჩიდან მთის ფერდობამდე. თბილისის 1876 წლის გეგმაზე დატანილია როგორც თათრის შესახვევი, ასევეა 1934 წლის გეგმაზე, 1938 წელს მირზა შაფის სახელი დაერქვა.

ისტორია[რედაქტირება | წყაროს რედაქტირება]

მირზა შაფის ქუჩა სეიდაბადში თაბორის მთის ძირში მდებარეობდა. ქუჩა კლდის რელიეფს მიყვებოდა, რაც მის ორგანულ ფორმას განაპირობებდა. ძირითადად 19-ე საუკუნის ბოლოს, 20-ე საუკუნის დასაწყისში აშენებული საცხოვრებელი სახლები კლდეზე შეფენილ, ტერასულ განაშენიანებას ქმნიდნენ, რომელიც XIX საუკუნეზე უფრო ადრინდელი, თბილისისთვის დამახასიათებელი ბანიანი სახლების არსებობაზე მიანშნებდა. ქუჩის სხვადასხვა დონეები კიბეებით იყო დაკავშირებული. იმის გამო, რომ შენობები ქუჩის მხოლოდ ერთ მხარეს იდგა, ქუჩიდან ხედი ძველ ქალაქზე იშლებოდა. მირზა შაფის ქუჩის სახლი ნომერი 16 (1022) და სახლი ნომერი 8 (1023) აღრიცხული იყო კულტურული მემკვიდრეობის ძეგლთა სიაში. ძირითადად დასახლებული იყო მუსლიმი აღმსარებლობის თბილისელებით, იქვე მდებარეობდა მათი რელიქკია ეგრეთ წოდებული სურდოს ქვა.

2009 წელს მირზა შაფის ქუჩიდან მოსახლეობა გაასახლეს, ხოლო ქუჩა დაანგრიეს ახალი, მრავალქუჩიანი უბნის მშენებლობისთვის.

რესურსები ინტერნეტში[რედაქტირება | წყაროს რედაქტირება]