მინა შარონ მიოი

მინა მიოი (იაპ. 名井南; დაბ. 24 მარტი, 1997) — ცნობილი როგორც მინა (კორ. 미나; იაპ. ミナ), იაპონელი მომღერალი და მოცეკვავე სამხრეთ კორეაში. არის სამხრეთკორეული გოგონათა ჯგუფის, Twice-ის (2015) და მისი ქვედანაყოფის, MiSaMo-ს წევრი, რომელიც დადებიუტდა 2023 წელს.

ადრეული ცხოვრება და განათლება

მინა დაიბადა 24 მარტს, 1997 წელს, სან ანტონიოში, ტეხასში, იაპონურ ოჯახში. პატარაობაში, მინას ოჯახი იაპონიაში დაბრუნდა და გოგონაც ნიშინომიაში, კანსაის რეგიონში გაიზარდა. მინას მამა ორთოპედიული ქირურგი იყო, ოსაკას უნივერსიტეტ-საავადმყოფოში. ჰყავს ერთი უფროსი ძმა-კაი. მინა სამი წლიდან კლასიკურ ბალეტზე დადიოდა, 11 წლის განმავლობაში. შემდგომში, K-pop საცეკვაო სტუდიაში ვარჯიშობდა, სანამ JYP Entertainment-ში გაწევრიანებამდე. მინა დადიოდა Obayashi Sacred Heart School-ში, ტაკარაზუკაში, 2013 წლამდე. უმაღლესი სკოლის მეორე კლასიდან გამოვიდა და სამხრეთ კორეაში სტაჟიორი გახდა.

კარიერა

დებიუტამდე

მინა საყიდლებზე იყო დედამისთან ერთად, ოსაკაში, როდესაც JYP Entertainment-ის აგენტმა შენიშნა. იგი სამხრეთ კორეაში 2014 წლის იანვარში გადავიდა და გახდა JYP-ის სტაჟიორი. 2015 წელს მინამ მონაწილეობა მიიღო სამხრეთკორეულ რეალითი შოუში, Sixteen, რომელიც ახალი ჯგუფის, Twice-ის წევრების ასარჩევად შექმნა JYP Entertainment-მ. მინა შეუერთდა ცხრაწევრიან გოგონათა ჯგუფს.

დებიუტი-Twice და MiSaMo

2015 წლის ოქტომბერში, მინა ოფიციალურად დადებიუტდა Twice-ში და გამოუშვეს პირველი EP, "The Story Begins".

2023 წლის 9 თებერვალს JYP-მა გამოაცხადა რომ მინა, თანაჯგუფელებთან, მომოსა და სანასთან ერთად, დადებიუტდებოდა ჯგუფ MiSaMo-ში, EP-ით, სახელწოდებით "Masterpiece". ტრიოს დებიუტამდე, 25 იანვარს, გამოუშვეს ტრეკი "Bouquet", როგორც TV Asahi-ის დრამატული სერიალის, "Liaison: Children's Heart Clinic"-ს საუნდტრეკი.

იხილეთ აგრეთვე

რესურსები ინტერნეტში