მთაწმინდის ხანძარი (2017)
გიორგი მელაშვილის ფოტო
გიორგი მელაშვილის ფოტო
მთაწმინდის ხანძარი — საქართველოს დედაქალაქ თბილისში, მთაწმინდის მთაზე მასშტაბური ხანძარი, რომელიც ძნელად მისადგომ ფერდობზე ბალახსა და ხეებს ეკიდა.[1]
ხანძრის შესახებ პირველი ცნობები 22:29 საათზე გავრცელდა. ცეცხლი ვერის სასაფლაოს მიმდებარე ტერიტორიაზე ტყის მასივს გაუჩნდა, ხანძრის ფართობი სწრაფად გაიზარდა და მთაწმინდის ეშმაკის ბორბალს მიუახლოვდა.[2]
ადგილზე მალევე მოხდა სახანძრო-სამაშველო ჯგუფების მობილიზება. პრესის ინფორმაციით, რთული რელიეფის პირობებში ხანძრის ლოკალიზება მეხანძრეებს უძნელდებოდათ.[2]
ხანძრის ადგილზე მისული თბილისის მერის, დავით ნარმანიას თქმით, ხანძრის ჩაქრობის მიზნით საქართველოს თავდაცვის სამინისტროსთან მიმდინარეობდა მოლაპარაკებები ვერტმფრენების გამოყენების თაობაზე; მოგვიანებით, მისივე სიტყვებით, ხანძრის ჩაქრობაში მონაწილეობას სპეციალური ვერტმფრენი არ მიიღებს, რადგანაც „ღამის საათებში ვერტმფრენის გამოყენება არის ძალიან სარისკო.“[3]
საგანგებო სიტუაციების მართვის სააგენტოს ინფორმაციით დამწვარია 2 ჰეტარის ფართობის მწვანე ნარგავები.[4]
საქართველოს შინაგან საქმეთა სამინისტრომ ხანძარზე გამოძიება სისხლის სამართლის კოდექსის 188-ე მუხლით დაიწყო, რაც სხვისი ნივთის განზრახ დაზიანებას გულისხმობს.[4]
სქოლიო
[რედაქტირება | წყაროს რედაქტირება]- ↑ პირველი არხი. დაარქივებულია ორიგინალიდან — 2017-08-08. ციტირების თარიღი: 2017-08-09.
- 1 2 ტაბულა
- ↑ ნარმანია
- 1 2 ტაბულა - მთაწმინდაზე ხანძარი ლოკალიზებულია