მერტენსის სახლი

მერტენსის სახლი; Дом Мертенса
კოორდინატები	59°56′07″N 30°19′20″E / 59.935403° ჩ. გ. 30.322164° ა. გ.
მდებარეობა	სანქტ-პეტერბურგი, რუსეთი
არქიტექტორი	მარიან ლიალევიჩის
სტილი	მოდერნი, ნეოკლასიციზმი
თარიღდება	1911
	რუსეთის კულტურული მემკვიდრეობის ძეგლი № 7800742000

მერტენსის სახლი (რუს. Дом Мертенса) — არქიტექტურული ძეგლი მდებარეობს სანქტ-პეტერბურგში, ნევის გამზირზე. ეს არის სავაჭრო სახლი, რომელიც აშენებულია მოდერნისა და ნეოკლასიციზმის სტილში.

ისტორია[რედაქტირება | წყაროს რედაქტირება]

დღევანდელი შენობის ადგილას, პირველი სახლი აშენდა 1740 წელს^[1]. 1911-1912 წლებში, ფ. ლ. მერტენსის დავალებით, რომელიც ეწეოდა ბეწვეულის ბიზნესს, ხოლო არქიტექტორ მ. ს. ლიალევიჩის მიერ აშენდა სავაჭრო ცენტრის შენობა.

შენობა გარკვეული ხნის განმავლობაში ეკუთვნოდა ვაჭარ სერებრიკოვს. XIX-XX საუკუნეების დასაწყისში შენობა ეკუთვნოდა მერტენსის მემკვიდრეებს.

1944 წელს, აღნიშნულ სახლში გაიხსნა ლენინგრადის პირველი სამოდელო სახლი^[2]. ნევის გამზირზე მდებარე მოდის სახლს დაუბრუნდა თავისი ძველი სახელი - „მერტენსის სახლი“.

2008 წლის შუა პერიოდში, შენობა აღდგა და გაქირავდა. აღნიშნულ სახლში, გაიხსნა ბრენდული მაღაზია „ზარას“ ფილიალი პეტერბურგში^[3].

არქიტექტურა[რედაქტირება | წყაროს რედაქტირება]

შენობის შექმნისას აბსოლუტურად ახალი საინჟინრო და მხატვრული მოტივები გამოიყენეს, მათ შორის: მონოლითური რკინაბეტონის კონსტრუქციული სტრუქტურა და სამი უზარმაზარი შემინული თაღი, რომელმაც შეამკო აღნიშნული სახლის მონუმენტური ფასადი^[4]. შენობის ექსტერიერი აერთიანებს რაციონალურ მოდერნიზმსა და ნეო-რენესანსის ტექნიკას. სკულპტურული გაფორმება შეიქმნა ვ. კუზნეცოვის მიერ.

შენობის ეზოში არის შადრევანი პოლარული დათვის ქანდაკებით, რომელიც კირქვისგან არის დამზადებული. პოლარული დათვი მერტენსმა თავისი სავაჭრო სახლის სასაქონლო ნიშნად აირჩია.