მერი ალანია

მერი ალანია
დაბ. თარიღი	18 აპრილი, 1937(1937-04-18) (86 წლის)
დაბ. ადგილი	ხობის მუნიციპალიტეტი, საქართველოს სსრ, სსრკ
მოქალაქეობა	სსრკ  საქართველო
საქმიანობა	ქიმიკოსი და უნივერსიტეტის პროფესორი
ალმა-მატერი	თბილისის სახელმწიფო სამედიცინო უნივერსიტეტი
სამეცნიერო ხარისხი	ფარმაცევტულ მეცნიერებათა დოქტორი
ჯილდოები	საქართველოს სახელმწიფო პრემია

მერი ალანია (დ. 18 აპრილი, 1937, შუა ქვალიონი, ხობის რაიონი) — ქართველი ქიმიკოსი, პროფესორი, ფარმაცევტულ მეცნიერებათა დოქტორი, საქართველოს სახელმწიფო პრემიის ლაურეატი (2004).

1960 წელს დაამთავრა თბილისის სახელმწიფო სამედიცინო ინსტიტუტის ფარმაცევტული ფაკულტეტი პროვიზორის სპეციალობით.

1960-1965 წლებში იყო აბაშის რაიონის სოფელ ონტოფოს აფთიაქის მმართველი. 1978-1989 წლებში იყო საქართველოს მეცნიერებათა აკადემიის იოველ ქუთათელაძის სახელობის ფარმაკოქიმიის ინსტიტუტის ფიტოქიმიის განყოფილების უფროსი. 1987 წლიდან წამყვანი მეცნიერი თანამშრომელია.

ალანიას ეკუთვნის ჰიპოაზოტემიური და დიურეზული მოქმედების სამკურნალო პრეპარატი — „ფლარონინი“, რომელიც 1985 წლიდან, როგორც საქართველოში, ისე მის ფარგლებს გარეთ აქტიურად გამოიყენება.

სხვადასხვა დროს მონაწილეობდა სამეცნიერო ფორუმებში. აგრეთვე არის მრავალი სტატიის ავტორი.

ლიტერატურა

• საქართველოს მეცნიერებისა და ტექნიკის დარგის სახელმწიფო პრემიის ლაურეატები 1993-2004 წლებში თბ., 2012 გვ. 176

რესურსები ინტერნეტში

• მერი ალანია — საქართველოს ბიოგრაფიული ლექსიკონი