მერაბ ხინიკაძე
| მერაბ ხინიკაძე | |
|---|---|
| დაბადების თარიღი |
28 იანვარი, 1912 ხუცუბანი |
| გარდაცვალების თარიღი |
1988 ბათუმი |
| საქმიანობა |
მსახიობი, თანამდებობის პირი |
| ჯილდოები | საქართველოს სსრ სახალხო არტისტი (1955) |
მერაბ ხინიკაძე (დ. 28 იანვარი, 1912, სოფელი ხუცუბანი (ქობულეთის რაიონი) — გ. 1988, ბათუმი) — ქართველი თეატრისა და კინოს მსახიობი, თანამდებობის პირი. საქართველოს სსრ-ის სახალხო არტისტი (1955).
ბიოგრაფია
[რედაქტირება | წყაროს რედაქტირება]1935 წელს დაამთავრა შოთა რუსთაველის სახელობის თეატრთან არსებული დრამატული სტუდია (ხელმძღვანელი ს. ახმეტელი).
1935-1937 წლებში იყო შოთა რუსთაველის სახელობის თეატრის მსახიობი. 1937 წლისთვის იგი ბათუმში დაბრუნდა. თეატრში 50 წელი მოღვაწეობდა და 150-ზე მეტი როლი ითამაშა. თამაშობდა გმირულ, დრამატულ, აგრეთვე კომედიურ როლებს. მის მიერ შესრულებული როლებიდან აღსანიშნავია: იაგო, ჰამლეტი (შექსპირის „ოტელო“, „ჰამლეტი“), მეფე ერეკლე (ლ. გოთუას „მეფე ერეკლე“), კიკვიძე (ვ. დარასელის „კიკვიძე“) და სხვა.
1940 წლიდან მერაბ ხინიკაძე იყო სკკპ წევრი, 1958-1962 და 1974-1978 წლებში — ბათუმის სახელმწიფო თეატრის დირექტორი და სამხატვრო ხელმძღვანელი.
ბათუმში არის მერაბ ხინიკაძის სახელობის ქუჩა.[1]
ფილმოგრაფია
[რედაქტირება | წყაროს რედაქტირება]- 1954 : „ჭრიჭინა“ რეჟ. სიკო დოლიძე და ლევან ხოტივარი
- 1956 : „ეთერის სიმღერა“ (გიორგი) რეჟ. სიკო დოლიძე
- 1956 : „ჩრდილი გზაზე“ (არჩილი) რეჟ. დავით რონდელი
- 1964 : „ზღვის შვილები“ რეჟ. კონსტანტინე პიპინაშვილი
ჯილდოები და აღიარება
[რედაქტირება | წყაროს რედაქტირება]რესურსები ინტერნეტში
[რედაქტირება | წყაროს რედაქტირება]- მერაბ ხინიკაძე — საქართველოს ბიოგრაფიული ლექსიკონი
- მერაბ ხინიკაძე — ეროვნული ფილმოგრაფია
- მერაბ ხინიკაძე კინოფილმების ინტერნეტ-მონაცემთა ბაზაში