მემანქანის კაბინა
მემანქანის კაბინა[1] — სპეციალური განცალკევებული კაბინა ლოკომოტივში, რომელიც წარმოადგენს სამუშაო ადგილს ლოკომოტივის ბრიგადისათვის და რომელშიც მდებარეობენ მართვის მთავარი ელემენტები, აპარატურა და ხელსაწყოები, აუცილებელი ძალოვანი მოწყობილობების მომსახურებისთვის (ორთქლის ქვაბი, დიზელის ძრავი) და ძრავების მუშაობის რეგულირებისთვის (ორთქლის მანქანა, წევის ელექტროძრავი).
ორთქლმავლებში მემანქანის კაბინას ეძახიან მემანქანის ჯიხურს,[2] მოტორვაგონიან მოძრავ შემადგენლობებში — მართვის პოსტს.
კონსტრუქცია
[რედაქტირება | წყაროს რედაქტირება]თანამედროვე მემანქანის კაბინა ლოკომოტივის ერთ-ერთი მთავარი კვანძია. მასში ლოკომოტივის ბრიგადა ატარებს გადაბმით რამდენიმე საათს, ამიტომ მათთვის აუცილებელი მოსახერხებელი პირობების შექმნა დადებითად აისახება რკინიგზის ტრანსპორტის უსაფრთხოებაში.
კაბინის კედლები თბო- და ხმაიზოლირებულია კარბამიდულ-ფორმალდეგიდური ქაფპლასტით, კაპრონის ბოჭკოვანი ბამბებით ან პოლისტიროლური ქაფპლასტით და შემოკერილია მყარი მერქანბოჭკოვანი ფილით, ქაღალდოვან-ფენოვანი პლასტიკით, პროფილური ალუმინისებური ფურცლებით. კაბინის იატაკის საფარი შესრულებულია ფანერის ფურცლებით და დაფარულია ლინოლეუმით. მილსადენებსა და ელექტროგაყვანილობის სადენებზე წვდომისთვის იატაკში არსებობენ ლითონის ლუქები. ფანჯრების შესამინად გამოიყენება უმსხვრევი მინები (ტრიპლექსი). გვერდითი ფანჯრები იღება და მოძრავია, აქვთ მოსაბრუნებელი დამცავი ფარები (ქარდამცავები). მემანქანის კაბინაში ჩვეულებრივ მდებარეობს შემდეგი მოწყობილობები:
- მემანქანის მართვის პულტი, მემანქანის კონტროლიორი.
- მემანქანის თანაშემწის მართვის პულტი.
- მუხრუჭის მართვის ხელსაწყოები: მემანქანის კრანი, დამხმარე მუხრუჭის კრანი, დამბლოკავი ხელსაწყო, ორმაგი წევის კრანი.
- ტიფონის მართვის, სასტვენის, ქვიშოვანის ღილაკი.
- ხელის მუხრუჭის გადამყვანი მექანიზმი.
- წნევის რეგულატორი.
- პროჟექტორი.
- უსაფრთხოების მოწყობილობები: ავტომატური სალოკომოტივე სიგნალიზაცია, ლოკომოტივის სიჩქარმზომი, ავტოსტოპის ელექტროპნევმატური ღილაკი, უსაფრთხოების დამატებითი მოწყობილობები.
- რადიოსადგურის მართვის პულტი.
- მემანქანის სკამი, მემანქანის თანაშემწის სკამი.
- გამათბობელი ღუმელები, წინა ფანჯრების დამბერი კალორიფერი, სავენტილაციო მოწყობილობები, კონდიციონერი.
- ჭერის გამანათებლები, დოკუმენტების გასანათებელი ნათურები და გამზომი ხელსაწყოების გამანათებლები.
- საჩრდილე ფარები ან შტორები.
მემანქანის პულტის პანელზე მდებარეობს ღილაკური გამომრთველები, სასიგნალე ნათურები და გამზომი ხელსაწყოები:
- საკონტაქტე ქსელში ძაბვის ვოლტმეტრი (ელმავლებზე), ძაბვის ვოლტმეტრი წევის ელექტროძრავებზე, წევის ელექტროძრავების დენის ამპერმეტრები (ცალკე თითოეულ სექციაზე), წევის ელექტროძრავების აღმგზნები დენის ამპერმეტრები.
- მანომეტრები: მთავარი რეზერვუარის, გამათანაბრებელი რეზერვუარის, სამუხრუჭე მაგისტრალის, სამუხრუჭე ცილინდრების.
მემანქანის თანაშემწის პულტზე მდებარეობს გამომრთველი ღილაკები, მართვის მიზნებისათვის აკუმულატორის ბატარეის ძაბვის ვოლტმეტრი, ელექტრული აპარატების მიზნით შეკუმშული ჰაერის წნევის მანომეტრი.
თბომავლის კაბინაში დამატებით დაყენებულია გამზომი ხელსაწყოები: წევის გენერატორის ძაბვის ვოლტმეტრი და წევის გენერატორის დამტვირთავი დენის ამპერმეტრი, წყლის ტემპერატურისა და დიზელის ძრავის ზეთის ელექტროთერმომეტრები, დიზელის ძრავის ზეთის წნევის ელექტრომანომეტრები.
ლიტერატურა
[რედაქტირება | წყაროს რედაქტირება]
ვიკისაწყობში არის გვერდი თემაზე: მემანქანის კაბინა- Кабина машиниста // Железнодорожный транспорт: Энциклопедия / главный редактор Н. С. Конарев, — М., 1995., — С. 177
სქოლიო
[რედაქტირება | წყაროს რედაქტირება]- ↑ Кабина машиниста // Железнодорожный транспорт: Энциклопедия / главный редактор Н. С. Конарев, — М., 1995., — С. 177
- ↑ Будка // Энциклопедический словарь Брокгауза и Ефрона : в 86 т. (82 т. и 4 доп.). — СПб., 1890—1907.