მედვედევის არყი[1] (ლათ.Betula medwediewii) — მცენარე არყისებრთაოჯახისა. 5–10 მეტრის სიმაღლის დაბალი ტანის ხეა. ქერქი ღეროს შუა ნაწილში და მსხვილ ტოტებზე ღია მოვარდისფრო-რუხი ან ღია ყავისფერია. აქვს დიდი ზომის, 3,5–12 სმ სიგრძისა და 3,5–9 სმ სიგანის ფოთლები, მომრგვალოკვერცხისებური ფორმის, კიდეზე ფართო და მოკლე ხერხკბილა. ქვემოდან ძარღვების გაყოლებით შებუსულია. ყვავის მაის-ივნისში, ნაყოფმსხმოიარობს სექტემბერში. კავკასიის ენდემური მცენარეა. საქართველოში გვხვდება გურიასა და აჭარაში. ვრცელდება 1900–2250 მეტრ სიმაღლემდე. ძლიერ მომთხოვნია ატმოსფერული ტენის მიმართ, თუმცა არ უყვარს ნესტიანი და დაჭაობებული ნიადაგები.[2]
ფოთლები და ყვავილედები
ყვავილედები
ტანი
.jpg)