ვატი

ვატი (აღნიშვნა: ვტ, W) — სიმძლავრის საზომი (წარმოებული) ერთეული ერთეულთა საერთაშორისო სისტემაში. აღსანიშნავია, რომ ერთი ცხენის ძალა ტოლია 735.5-დან 750-მდე ვატისა. არსებობს მექანიკური, თბური და ელექტრული სიმძლავრე. სახელი ეწოდა ჯეიმზ ვატის პატივსაცემად. ქართული აღნიშვნაა ვტ, საერთაშორისო W.

• მექანიკაში 1 ვატი არის სიმძლავრე რომლის დროსაც 1 წამში 1 ჯოული მუშაობა სრულდება.
• სითბური ნაკადის სიმძლავრე 1 ვატი ექვივალენტურია 1 ვატი მექანიკური სიმძლავრისა.
• 1 ვატი აქტიური ელექტრული სიმძლავრეც 1 ვატი მექანიკური სიმძლავრის ექვივალენტურია და განისაზღვრება როგორც სიმძლავრე 1 ამპერი მუდმივი დენისა 1 ვოლტი ძაბვის დროს.

• 1 კილოვატი (კვტ) = 10³ ვატი ანუ 1000
• 1 მეგავატი (მგვტ) = 10⁶ ვატი.

ლიტერატურა

• ქართული საბჭოთა ენციკლოპედია, ტ. 4, თბ., 1979. — გვ. 322.

რესურსები ინტერნეტში

• The International System of Units (SI)
• Borvon, Gérard, History of the electrical units, FR: Free, http://seaus.free.fr/spip.php?article964.
• Nelson, Robert A (February 2000), The International System of Units: Its History and Use in Science and Industry, Via Satellite, ATI courses, http://www.aticourses.com/international_system_units.htm.