მაჰერშალა ალი

მაჰერშალა ალი
ალი ტორონტოს საერთაშორისო კინოფესტივალზე 2016 წელს
მშობლიური სახელი	Mahershala Ali
დაბადების თარიღი	16 თებერვალი, 1974 (1974-02-16) ოკლენდი, კალიფორნია, აშშ
მოქალაქეობა	აშშ
ალმა-მატერი	ნიუ-იორკის უნივერსიტეტი
საქმიანობა	მსახიობი რეპერი
აქტიური	2001-დღემდე
მეუღლე(ები)	ამატუს-სამი-კარიმ (იქ. 2013)
შვილ(ებ)ი	1

მაჰერშალალჰაშბაზ ალი (ინგლ. Mahershalalhashbaz Ali; დ. 16 თებერვალი, 1974) — ამერიკელი მსახიობი, რომელსაც მიღებული აქვს რამდენიმე პრესტიჟული ჯილდო, მათ შორის ორი ოსკარი, ოქროს გლობუსი და BAFTA. 2019 წელს ჟურნალმა „ტაიმმა“ იგი 100 ყველაზე გავლენიან ადამიანთა შორის დაასახელა.

ნიუ-იორკის უნივერსიტეტის დამთავრების შემდეგ გამოჩნდა ტელესერიალებში — „ჯორდანის გამოძიება“ (2001–2002) და „მატრიცა: მუქარა“ (2003–2004). ფართო საზოგადოებისთვის ცნობილი გახდა რიჩარდ ტაილერის როლით ტელესერიალში „4400“ (2004–2007). 2008 წელს მონაწილეობდა დეივიდ ფინჩერის ფილმში „ბენჯამინ ბატონის უცნაური ისტორია“. კიდევ უფრო მეტ წარმატებას მიაღწია Netflix-ის პოლიტიკური ტელესერიალით „ბანქოს სახლი“ (2013–2016). იგი აგრეთვე გამოჩნდა „შიმშილის თამაშების“ სერიის ორ ფილმში და სუპერგმირულ ტელესერიალში „ლიუკ ქეიჯი“ (2016).

ალიმ მიიღო ოსკარი საუკეთესო მსახიობი კაცისთვის მეორეხარისხოვან როლში ხუანის როლის შესრულებისთვის ფილმში „მთვარის შუქი“. იგი პირველი მუსულმანი მსახიობია, რომელიც აღნიშნული ჯილდოს მფლობელი გახდა. 2019 წელს გადაეცა მეორე ოსკარი და ოქროს გლობუსი პიანისტ დონ შირლის როლის განსახიერებისთვის ფილმში „მწვანე წიგნი“ — ამით იგი გახდა პირველი შავკანიანი, რომელმაც მიიღო ორი ოსკარი ერთი და იმავე კატეგორიაში. 2019 წელს იყო HBO-ს კრიმინალური ტელესერიალის „ნამდვილი დეტექტივის“ მესამე სეზონის მთავარი როლის შემსრულებელი.

ფილმოგრაფია

წელი		ქართულად	მშობლიური სახელწოდება	როლი
2001–2002	ს	ჯორდანის გამოძიება	Crossing Jordan	ტრეი სანდერსი
2002	ს	აჩრდილებთან მოსაუბრე	Haunted	ალექს დელკური
2002	ს	ნიუ-იორკის პოლიცია	NYPD Blue	რაშარდ კოულმენი
2003	ფ	რევოლუციონერი	Making Revolution	მეკ ლესლოუ
2003	ს	CSI:დანაშაულის ადგილი	CSI: Crime Scene Investigation	ტომბსის პირადი დაცვა
2003	ს	ოპერატიული მუშაკი	The Handler	—
2003–2004	ს	მატრიცა: მუქარა	Threat Matrix	ჯელანი ჰარპერი
2004–2007	ს	4400	The 4400	რიჩარდ ტაილერი
2008	ფ	ბენჯამინ ბატონის უცნაური ისტორია	The Curious Case of Benjamin Button	ტიზი
2008	ფ	უნმის გული	Umi's Heart	ეზრა
2009	ფ	გადასასვლელი	Crossing Over	დეტექტივი სტრიკლენდი
2009	ს	სიცრუის თეორია	Lie to Me	დონ ჰიუზი
2009	ს	კანონი და წესრიგი: სპეციალური კორპუსი	Law & Order: Special Victims Unit	მარკ ფოსტერი
2010	ფ	მტაცებლები	Predators	მომბასა
2010	ტფ	უდანაშაულო	The Wronged Man	კელვინ უილისი
2011	ს	ჩააქვრეთ სინათლე	Lights Out	მკვდარი როუ რეინოლდსი
2011–2012	ს	—	Treme	ენტონი კინგი
2012	ფ	ადგილი ფიჭვის ქვეშ	The Place Beyond the Pines	კოფი კენკემი
2011–2012	ს	ალფა ადამიანები	Alphas	ნეითან კლეი
2012	ს	ალკატრასი	Alcatraz	კლერენს მონტგომერი
2014	ფ	უპირატესობა	4 Supremacy	დამხმარე რივერსი
2014	ფ	შიმშილის თამაშები: კაჭკაჭჯაფარა — ნაწილი 1	The Hunger Games: Mockingjay – Part 1	ბოგსი
2013–2016	ს	ბანქოს სახლი	House of Cards	რემი დენტონი
2015	ფ	შიმშილის თამაშები: კაჭკაჭჯაფარა — ნაწილი 2	The Hunger Games: Mockingjay – Part 1	ბოგსი
2016	ფ	ბოტასები	Kicks	მარლონი
2016	ფ	—	Gubagude Ko	ოჩორო
2016	ფ	ჯონსის თავისუფალი შტატი	Free State of Jones	მოსეს ვაშინგტონი
2016	ფ	მთვარის შუქი	Moonlight	ხუანი
2016	ფ	დამალული ფიგურები	Hidden Figures	ჯიმ ჯონსონი
2016	ს	ლიუკ კეიჯი	Marvel's Luke Cage	კორნელ სტოკსი
2017	ფ	როქსანა როქსანა	Roxanne Roxanne	კროსი
2017	ს	ამხანაგი დეტექტივი	Comrade Detective	მწვრთნელი
2018	ფ	მწვანი წიგნი	Green Book	დონ შირლი
2018	ფ	სპაიდერ-მენი: სამყაროს მიღმა	Spider-Man: Into the Spider-Verse	აარონ დეივისი
2018	ს	ოთახი 104	Room 104	ფრანკო
2019	ს	ნამდვილი დეტექტივი	True Detective	უეინ ჰეისი
2019	ფ	ალიტა: მეომარი ანგელოზი	Alita: Battle Angel	ვეკტორი

რესურსები ინტერნეტში

• მაჰერშალა ალი კინოფილმების ინტერნეტ-მონაცემთა ბაზაში
• მაჰერშალა ალი — სტატია ენციკლოპედია ბრიტანიკიდან (ინგლისური)
• მაჰერშალა ალი — Rotten Tomatoes