მასვინგოს პროვინცია

მასალა ვიკიპედიიდან — თავისუფალი ენციკლოპედია
პროვინცია
მასვინგოს პროვინცია
ინგლ. Masvingo Province
ქვეყანა ზიმბაბვეს დროშა ზიმბაბვე
ადმ. ცენტრი Masvingo
კოორდინატები 21°00′00″ ს. გ. 31°00′00″ ა. გ. / 21.00000° ს. გ. 31.00000° ა. გ. / -21.00000; 31.00000
ფართობი 56 566 კმ²
მოსახლეობა 1 485 090 კაცი (2012)
სიმჭიდროვე 26,25 კაცი/კმ²
სასაათო სარტყელი [[UTCUTC+2]]

მასვინგოს პროვინცია (ინგლ. Masvingo Province) — პროვინცია ზიმბაბვეში. 1980 წლამდე მისი სახელი იყო ვიქტორია. ადმინისტრაციული ცენტრია — ქალაქი მასვინგო.

გეოგრაფია[რედაქტირება | წყაროს რედაქტირება]

მასვინგოს პროვინცია მდებარეობს ზიმბაბვეს სამხრეთ-აღმოსავლეთ ნაწილში. მისი ფართობი შეადგენს 56 566 კმ²-ს.

პროვინციის ბუნებრივი ლანდშაფტი უპირატესად წარმოადგენს ბალახოვან სტეპების დაბლობს, ტყეებით და გრანიტული ბორცვების წყებით. კლიმატი მშრალია, ნალექი მოდის მხოლოდ წვიმებიან პერიოდში. მასვინგოს პროვინციის სამხრეთში, სამხრეთ-აღმოსავლეთში და აღმოსავლეთში გადის ზიმბაბვეს სახელმწიფო საზღვარი მოზამბიკთან და სამხრეთ აფრიკის რესპუბლიკასთან.

მოსახლეობა[რედაქტირება | წყაროს რედაქტირება]

2012 წლის აღწერის მონაცემებით პროვინციის მოსახლეობის რაოდენობა შეადგენს 1 485 090 ადამიანს[1][2][3][4]; ისინი უმეტესად შონას ხალხს წარმოადგენენ.

პროვინციის მოსახლეობის რაოდენობის დინამიკა წლების მიხედვით:

1982 2002 2012
1 031 697 1 318 705 1 485 090

ადმინისტრაციული დაყოფა[რედაქტირება | წყაროს რედაქტირება]

მასვინგოს პროვინციის რაიონები.

პროვინცია დაყოფილია 7 რაიონად:

  • ბიკიტა
  • ჩივი
  • ზაკა
  • მასვინგო
  • გუტუ
  • მვენეზი
  • ჩირედზი

ეკონომიკა[რედაქტირება | წყაროს რედაქტირება]

პროვინციაში მსხვილი რქოსანი საქონლის მოსავლელად კარგი პირობებია. მესაქონლეობის გარდა, პროვინციაში ვითარდება სასარგებლო წიაღისეულის მოპოვება და შაქრის ლერწმის მოყვანა იმ პლანტაციებში, რომლის მიწებიც ირწყვება მდინარე მუკურიკვის წყლის საშუალებით.

ღირსშესანიშნაობები[რედაქტირება | წყაროს რედაქტირება]

მასვინგოს პროვინციის აღმოსავლეთით, მოზამბიკის საზღვრის გასწვრივ, მდებარეობს გონარეზუს ეროვნული პარკი. დასავლეთით მდებარეობს შუა საუკუნეების ქალაქის — დიდი ზიმბაბვეს ნანგრევები, იუნესკოს მსოფლიო მემკვიდრეობის ობიექტი.

სქოლიო[რედაქტირება | წყაროს რედაქტირება]