მარწყვა-ბალახი

თავისუფალი ქართულენოვანი ენციკლოპედია ვიკიპედიიდან
გადასვლა: ნავიგაცია, ძიება
მარწყვა-ბალახი
Potentilla clusiana
Potentilla clusiana
მეცნიერული კლასიფიკაცია
სამეფო: მცენარეები
განყოფილება: ფარულთესლოვნები
კლასი: ორლებნიანნი
რიგი: Rosales
ოჯახი: ვარდისებრნი
გვარი: მარწყვა-ბალახი
ლათინური სახელი
Potentilla

მარწყვა-ბალახი (Potentilla) — მცენარეთა გვარი ვარდისებრთა ოჯახისა. მრავალწლოვანი, იშვიათად ორ- ან ერთწლოვანი ბალახები და ბუჩქბალახებია. 500-მდე სახეობა გავრცელებულია მთელ დედამიწაზე, უმეტესად კი ჩრდილოეთ ამერიკაში. საქართველოში 30 სახეობაა. მათგან 2 — საქართველოს ენდემია, (გვხვდება აფხაზეთსა და სვანეთში). 15-მდე — კავკასიისა. სახეობათა უმრავლესობა იზრდება ალპური სარტყლის მდელოებსა და ნიშალებზე, ნაწილი კი გვხვდება ქვიან, თიხნარ ფერდობებზე, ტყის პირებსა და ბუჩქნარებში, მთის ქვედა სარტყლიდან მოკიდებული ალპურ სარტყლამდე. კარგი დეკორატიული მცენარეა Potentilla divina, რომელიც კავკასიის დასავლეთ რაიონებში კირქვიან კლდეებზე იზრდება. Potentilla erecta შეიცავს მთრიმლავ ნივთიერებებს, ფისსა და წებოს.

ლიტერატურა[რედაქტირება]