მარშალის კუნძულები-საქართველოს ურთიერთობები
მარშალის კუნძულები-საქართველოს ურთიერთობები — წარმოადგენს ურთიერთობებს მარშალის კუნძულებსა და საქართველოს შორის. მარშალის კუნძულებმა და საქართველომ დიპლომატიური ურთიერთობა დაამყარეს 2010 წლის 22 თებერვალს. დიპლომატიური ურთიერთობების დამყარების შესახებ ერთობლივ კომუნიკეზე ხელმოწერის ცერემონიალი გაიმართა ნიუ-იორკში, გაერთიანებული ერების ორგანიზაციასთან საქართველოს მუდმივ წარმომადგენლობაში.
ერთობლივი კომუნიკეს თანახმად, საქართველო და მარშალის კუნძულები ორმხრივ ურთიერთობებს განავითარებენ საერთაშორისო სამართლის ფუძემდებლური ნორმების - ტერიტორიული მთლიანობის, საზღვრების ურღვეობის, ერთმანეთის შიდა საქმეებში ჩაურევლობისა და სუვერენული თანასწორობის პრინციპების შესაბამისად.
დიპლომატიური ურთიერთობების დამყარების ხელშეკრულებას ხელი მოაწერეს გაეროში ორი ქვეყნის მუდმივმა წარმომადგენლებმა ფილიპ მიულერმა და ალექსანდრე ლომაიამ.