მარია ბენედიტა პორტუგალიელი

მასალა ვიკიპედიიდან — თავისუფალი ენციკლოპედია
Jump to navigation Jump to search
მარია ბენედიტა პორტუგალიელი
Retrato da Infanta Dona Maria Francisca Benedita - Princesa do Brasil.png
წოდებები
ბრაზილიის პრინცესა
ბრაგანსის ჰერცოგინია
პორტუგალიის ინფანტა
დაიბადა 25 ივლისი, 1746
გარდაიცვალა 18 აგვისტო, 1829, (83 წლის)
საგვარეულო ბრაგანსები
მეუღლე(ები) ჟუზე, ბრაზილიის პრინცი
მამა ჟუზე I, პორტუგალიის მეფე
დედა მარიანა ვიქტორია ესპანელი
რელიგია კათოლიციზმი

მარია ბენედიტა პორტუგალიელი (პორტ. Maria Benedita de Portugal; დ. 25 ივლისი, 1746 — გ. 18 აგვისტო, 1829) — ბრაგანსის დინასტიის წარმომადგენელი. პორტუგალიის მეფე ჟუზე I-ისა და დედოფალ მარიანა ვიქტორია ესპანელის ნაბოლარა ქალიშვილი.

ბიოგრაფია[რედაქტირება | წყაროს რედაქტირება]

მარია ბენედიტა დაიბადა 1746 წლის 25 ივლისს ლისაბონში. იგი იყო პორტუგალიის მეფე ჟუზე I-ისა და მისი მეუღლის, მარიანა ვიქტორია ესპანელის მეოთხე და ნაბოლარა ქალიშვილი. მას სახელი რომის პაპ ბენედიქტე XIV-ის პატივსაცემად დაარქვეს. ბენედიტა კარგ განათლებას იღებდა. მას მუსიკას დავიდ პერესი, ხოლო ხატვას დომინიგო სეკიერა ასწავლიდა.

1777 წლის 21 თებერვალს მარია ბენედიტა ცოლად გაჰყვა საკუთარი დის, პორტუგალიის დედოფალ მარია I-ის უფროს ვაჟს, ბრაზილიის პრინც ჟუზეს. ამით იგი პორტუგალიის ტახტის მემკვიდრე და მომავალი დედოფალი გახდა. ამის მიუხედავად, ბენედიტა თავის ქმარზე ორჯერ უფროსი იყო. იგი ორჯერ დაორსულდა, მაგრამ ორჯერვე მუცელი მოეშალა.

აღსანიშნავია, რომ მის ქორწინებამდე სამი დღით ადრე გარდაიცვალა მამამისი, მეფე ჟუზე I. 1788 წელს მისი ქმარი, პრინცი ჟუზე გარდაიცვალა, 27 წლის ასაკში, რის შემდეგაც ბენედიტა ქვრივი პრინცესა გახდა. იგი მეორედ აღარ გათხოვილა და ქველმოქმედებას მიჰყო ხელი. მან დააარსა არაერთი ეკლესია და მონასტერი. 1808 წელს, ნაპოლეონის შემოჭრის გამო პორტუგალიის სამეფო ოჯახი ემიგრაციაში წავიდა ბრაზილიაში.

პორტუგალიაში დაბრუნებიდან მალევე, 1829 წლის 18 აგვისტოს, ბენედიტა 83 წლის ასაკში გარდაიცვლა ლისაბონში. იგი დაკრძალეს ბრაგანსების საგვარეულო აკლდამაში.

წინაპრები[რედაქტირება | წყაროს რედაქტირება]

ლიტერატურა[რედაქტირება | წყაროს რედაქტირება]

  • Genealogie ascendante jusqu'au quatrieme degre inclusivement de tous les Rois et Princes de maisons souveraines de l'Europe actuellement vivans [Genealogy up to the fourth degree inclusive of all the Kings and Princes of sovereign houses of Europe currently living] (in French). Bourdeaux: Frederic Guillaume Birnstiel. 1768. p. 14.