მამათი

მასალა ვიკიპედიიდან — თავისუფალი ენციკლოპედია
Jump to navigation Jump to search
სოფელი
მამათი
მამათი.jpg
ქვეყანა საქართველოს დროშა საქართველო
მხარე გურიის მხარე
მუნიციპალიტეტი ლანჩხუთის მუნიციპალიტეტი
თემი მამათი
კოორდინატები 42°01′04″ ჩ. გ. 42°03′22″ ა. გ. / 42.01778° ჩ. გ. 42.05611° ა. გ. / 42.01778; 42.05611
პირველი ხსენება XVII საუკუნე
ცენტრის სიმაღლე 320
მოსახლეობა Decrease2.svg 254[1] კაცი (2014)
მამათი — საქართველო
მამათი
მამათი — გურიის მხარე
მამათი

მამათი — სოფელი ლანჩხუთის მუნიციპალიტეტში. თემის ცენტრი (მამათი, კონჭკათი, ქვედა მამათი, შათირი). მდებარეობს გურიის ქედის სამხრეთით, ზღვის დონიდან 320 მეტრ სიმაღლეზე. მამათი საქართველოს მე-2 პრეზიდენტის, ედუარდ შევარდნაძის მშობლიური სოფელია. სოფელში გადის ლანჩხუთი-ოზურგეთის საავტომობილო გზა. სოფელში დგას ახალი ეკლესია, მოქმედებს საექიმო ამბულატორია.[2] და საჯარო სკოლა[3]

ისტორია[რედაქტირება | წყაროს რედაქტირება]

მამათი მოხსენებულია მე-17 საუკუნის დასაწყისის გულანებში. სავარაუდოდ სოფელმა სახელწოდება აქ არსებული მამათა მონასტრის გამო მიიღო. მამათის წმინდა იაკობ მოციქულის ეკლესია სხვა ეკლესიებთან ერთად (ბაილეთის ეკლესია, ჩეხედანას ეკლესია) იერუსალიმის უფლის საფლავისთვის იყო შეწირული. იერუსალიმის პატრიარქი წელიწადში ერთხელ სტუმრობდა ამ სოფლებს. აქ ინახებოდა იერუსალიმიდან გადმოსვენებული წმინდა იაკობის ხატი. ხით ნაგები ეკლესიას გარს ქვის გალავანი ერტყა. XIX საუკუნის დამდეგს მისი მამული გიორგი ბატონიშვილმა მიიტაცა.

ადრე სოფელში წაბლის ხის 4 ეკლესია იდგა, მათგან ორი წმინდა კვირიკესს და წმინდა იაკობის სახელობისა. ცნობილია ბოლო მღვდლების სახელებიც: თევდორე და კალისტრატე ხელაძეები. ამჟამად წმინდა კვირიკეს სახელობის ეკლესიის ნატაძრალთან ახლოს, სოფელ მამათისა და ძიმითის საზღვარზე აშენებულია წმინდა გიორგის სახელობის ეკლესია.

მამათი ძიმითის სასოფლო საზოგადოებას მიეკუთვნებოდა. 1859 წელს სოფელში გაიხსნა ორკლასიანი სკოლა, სადაც 1869-74 წლებში გიგო შარაშიძე ასწავლიდა. მამათში, კერძოდ აცანის სკოლაში, პედაგოგად ასევე მოღვაწეობდა ვასილ ჩხაიძე. მამათი ასევე ცნობილია როგორც მეოცე საუკუნის ცნობილი ჟურნალისტისა და საზოგადო მოღვაწის ნესტორ მალაზონიასა და პოეტ რევაზ როყვას დაბადების ადგილად

მამათი ათწლეულების განმავლობაში ცნობილი იყო ჩაის ყველაზე დიდ მომწოდებლად საქართველოს, ხოლო ერთ-ერთ უდიდეს მწარმოებლად საბჭოთა კავშირის მასშტაბით. მამათში უხვად იყო (და დღემდე არის) ჩაის ტერასები, სადაც დღეში დაახლოებით ათი ტონა მცენარე იკრიფებოდა. აქედან დამკვიდრდა ტერმინი „მამათის ჩაი“ რომელიც მაღალი ხარისხის ჩაის აღმნიშვნელად გამოიყენება.

მოსახლეობა[რედაქტირება | წყაროს რედაქტირება]

აღწერის წელი მოსახლეობა
1908[4] 715
1911[5] Increase2.svg 1432
2002 Decrease2.svg 356
2014 Decrease2.svg 254[1]

ლიტერატურა[რედაქტირება | წყაროს რედაქტირება]

  • თეა ქართველიშვილი, „გურიის საეპისკოპოსოები", გვ. 81 — „არტანუჯი", თბილისი, 2006 წ, ISBN 99940-11-89-8

სქოლიო[რედაქტირება | წყაროს რედაქტირება]

  1. 1.0 1.1 მოსახლეობის საყოველთაო აღწერა 2014. საქართველოს სტატისტიკის ეროვნული სამსახური (ნოემბერი 2014). წაკითხვის თარიღი: 26 ივლისი 2016.
  2. ამბულატორია მამათში, გაზეთი „ლანჩხუთი +", 3.05.2012, N45 გვ. 1
  3. საგანმანათლებლო დაწესებულებების კატალოგი
  4. Кавказский календарь на 1910 год
  5. Кавказский календарь на 1912 год