მალხაზ მახარაძე

მალხაზ მახარაძე

პირადი მონაცემები
სრული სახელი	მალხაზ მახარაძე
დაბადების თარიღი	2 მარტი, 1963
დაბადების ადგილი	ბათუმი, საქართველოს სსრ
გარდაცვალების თარიღი	20 ნოემბერი, 2024 (61 წლის)
სიმაღლე	180 სმ
სათამაშო პოზიცია	მცველი, ნახევარმცველი
პროფესიონალური კარიერა*
წლები	გუნდი	მატჩი	(გოლი)
1982–1986	დინამო თბილისი	106	(7)
1987	გურია ლანჩხუთი	18	(0)
1988–1989	დინამო ბათუმი	51	(0)
1990–1993	ბათუმი	106	(13)
1994–1999	დინამო ბათუმი	222	(3)
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება

მალხაზ (მახო) მახარაძე (დ. 2 მარტი, 1963, ბათუმი, აჭარის ასსრ, საქართველოს სსრ — გ. 20 ნოემბერი, 2024) — ქართველი ფეხბურთელი. თამაშობდა როგორც მცველის, ასევე ნახევარმცველის პოზიციაზე. კარიერის დიდი ნაწილი გაატარა მშობლიური ქალაქის, ბათუმის „დინამოში“. საბჭოთა კავშირის სპორტის ოსტატი (1986).

კარიერა

კარიერა დაიწყო 1982 წელს თბილისის „დინამოში“, რომლის სათადარიგო შემადგენლობაში 19 მატჩი ითამაშა და ერთი გოლი შეაგდო. რაც შეეხება გუნდის ძირითად შემადგენლობას, პირველად 1984 წლის 20 ივლისს, საკავშირო ჩემპიონატის უმაღლესი ლიგის მე-18 ტურის შეხვედრაში გამოვიდა მინდორზე, როდესაც 88-ე წუთზე ვაჟა ჟვანია შეცვალა. მატჩი, რომელშიც თბილისელები სტუმრად მინსკის „დინამოს“ დაუპირისპირდნენ, ფრედ 1–1 დამთავრდა.

თავისი ბოლო შეხვედრა თბილისის „დინამოს“ რიგებში 1986 წლის 21 ნოემბერს დნეპროპეტროვსკის „დნეპრის“ წინააღმდეგ ჩაატარა. ეს იყო საკავშირო ჩემპიონატის უმაღლესი ლიგის 30-ე ტურის შეხვედრა, რომელიც დნეპროპეტროვსკის „მეტეორის“ სტადიონზე გაიმართა და თბილისის დინამოელთა გამარჯვებით 3–2 დამთავრდა.

თბილისურ კლუბში გატარებული 4 წლის შემდეგ გადავიდა ლანჩხუთის „გურიაში“. 1988 წელს ბათუმის „დინამოს“ შეუერთდა, რომელთან ერთადაც 2 წელი ითამაშა საბჭოთა კავშირის ჩემპიონატში.

1990 წლიდან ბათუმის „დინამო“ საქართველოს უმაღლეს ლიგაში გამოდიოდა. 1999 წელს ამავე კლუბში დაასრულა კარიერა. გარდაიცვალა 2024 წლის 20 ნოემბერს.

მიღწევები

საკლუბო

დინამო ბათუმი

• საქართველოს თასის მფლობელი: 1997–98
• საქართველოს თასის ფინალისტი: 1992–93, 1994–95, 1994–95, 1995–96, 1996–97
• საქართველოს სუპერთასის ფინალისტი: 1996
• საქართველოს ვიცე-ჩემპიონი: 1997–98
• საქართველოს ჩემპიონატის ბრინჯაოს პრიზიორი: 1996–97

ფაქტები

მისი შვილები, კახა და ბორისი ფეხბურთელები არიან.

პერიოდიკა

• ბზიკაძე, ვახტანგ, მიჰყვნენ ბლატერის მცნებასა // „სარბიელი“, 30 ივლისი, 1996, № 73 (298), გვ. 5.
• მამულაშვილი, მერაბ, საქართველოს თასის VII გათამაშება // „სარბიელი“, 27 მაისი, 1997, № 60 (425), გვ. 2.
• საქართველოს თასის მეცხრე ფინალამდე // „სარბიელი“, 26 მაისი, 1999, № 96 (869), გვ. 3.

რესურსები ინტერნეტში

• მალხაზ მახარაძე — საქართველოს ბიოგრაფიული ლექსიკონი

მედია
1tv.ge · Lelo.ge დაარქივებული 2025-01-26 საიტზე Wayback Machine.