მალტის შეიარაღებული ძალები
| მალტის შეიარაღებული ძალები Forzi Armati ta' Malta | |
|---|---|
 მალტის შეიარაღებული ძალების გერბი | |
| შეიქმნა | 1973 წლის 19 აპრილი |
| ნაწილები |
|
| შტაბი | საფის და ლუქას ბარაკები, ჰალ ლუქა |
| ხელმძღვანელობა | |
| მალტის პრეზიდენტი | მირიამ სპიტერი დებონო |
| შინაგან საქმეთა, ეროვნული უსაფრთხოებისა და სამართლის მინისტრი | ბაირონ კამილერი |
| შეიარაღებული ძალების სარდალი | ბრიგადირი კლინტონ ჯ. ო’ნილი |
| ცოცხალი ძალა | |
| სამხედრო ასაკი | 18 წლის |
| გაწვევა | არა |
| აქტიური | 1,500 |
| ფინანსები | |
| ბიუჯეტი | €112.6 მილიონი (2023)[1] |
| მშპ-ს პროცენტი | 0.52% (2023)[1] |
| ინდუსტრია | |
| უცხოელი მომწოდებლები |
 ჩეხეთი  საფრანგეთი  გერმანია  ისრაელი  იტალია  პოლონეთი  შვედეთი  შვეიცარია  დიდი ბრიტანეთი  აშშ |
| ისტორია |
მალტის სამხედრო ისტორია მეფის მალტის პოლკი ეროვნული კონგრესის ბატალიონები |
| წოდებები | მალტის სამხედრო წოდებები |
მალტის შეიარაღებული ძალები (მალტ. Forzi Armati ta' Malta) წარმოადგენს მალტის გაერთიანებული სამხედრო ძალების სახელწოდებას. AFM არის ბრიგადის მასშტაბის სტრუქტურა, რომელიც შედგება ცენტრალური შტაბის და სამი დამოუკიდებელი ბატალიონისაგან, მათ შორის მინიმალური საჰაერო და საზღვაო კომპონენტებით. მალტა, როგორც ევროპის კავშირის სამხრეთ საზღვრის მცველი სახელმწიფო, მნიშვნელოვან როლს ასრულებს საზღვრის დაცვისა და უსაფრთხოების კუთხით.[2]
ისტორია
[რედაქტირება | წყაროს რედაქტირება]1800 წლის აპრილში, ვალეტას ალყის (1798–1800) დროს, გენერალმა თომას გრაჰამმა ჩამოაყალიბა ბრიტანეთის არმიის პირველი ოფიციალური მალტური დანაყოფი, რომელიც მალტის მსუბუქი ქვეითების სახელით გახდა ცნობილი. აღნიშნული ბატალიონი დაიშალა 1802 წელს და მის ადგილზე ჩამოყალიბდა მალტის პროვინციული ბატალიონები, მალტის სანაპირო არტილერია და მალტის ვეტერანები.
1815 წელს, ლეიტენანტ-პოლკოვნიკ გრაფ ფრანჩესკო რივაროლას დაევალა შეექმნა სამეფო მალტის ფენციბლური პოლკი, რომელიც მოგვიანებით გარდაიქმნა არტილერიულ პოლკად – სამეფო მალტის ფენციბლური არტილერია (1861). ამ სტრუქტურის მეშვეობით 1889 წლის 23 მარტს ჩამოყალიბდა სამეფო მალტის არტილერია, რომელიც თანამედროვე შეიარაღებული ძალების პირდაპირ წინამორბედად ითვლება.
მეფის პოლკი მალტაში
[რედაქტირება | წყაროს რედაქტირება]მეფის მალტის პოლკი იყო ბრიტანეთის არმიის ტერიტორიული ქვეითი ნაწილების სიაში დაფიქსირებული ერთეული. იგი პირველად ჩამოყალიბდა 1801 წელს სახელწოდებით „მალტის მილიციის პოლკი“, თუმცა მხოლოდ ერთი წლის შემდეგ დაიშალა. პოლკი ხელახლა აღდგა 1852 წელს, სერ ადრიან დინგლის ინიციატივით, მაგრამ კვლავ დაიშალა 1857 წელს. 1889 წელს იგი ისევ აღდგა, ამჯერად „სამეფო მალტის მილიციის პოლკის“ სახელით, რომელიც განიხილებოდა როგორც მალტის მსროლელთა პოლკის მემკვიდრე. 1903 წელს იგი გადაერქვა „მეფის სამეფო მალტის მილიციის პოლკად“, ხოლო 1921 წელს საბოლოოდ დაიშალა.
პოლკი მეოთხედ აღდგა 1931 წელს, როგორც „მეფის მალტის პოლკი“. თავდაპირველად იგი ბრიტანეთის სამხედრო რეესტრში ირიცხებოდა, თუმცა 1951 წელს გადაეცა მალტის ტერიტორიულ ძალებს და 1964 წელს მალტის დამოუკიდებლობის გამოცხადების შემდეგ შერწყმული იქნა მალტის სახმელეთო ძალაში. პოლკი საბოლოოდ დაიშალა 1972 წელს.
თანამედროვე სტრუქტურა
[რედაქტირება | წყაროს რედაქტირება]1974 წელს, მალტის რესპუბლიკად გამოცხადებისთანავე, შეიქმნა შეიარაღებული ძალები, როდესაც „1-ლი პოლკი“ სამეფო მალტის არტილერიიდან გადაერქვა როგორც „1-ლი პოლკი, მალტის შეიარაღებული ძალები“. თავდაპირველად, პოლკი განაგრძობდა არტილერიულ ფუნქციას, ხოლო „2-ე პოლკი“ დაინიშნა საინჟინრო სამუშაოებისთვის.
1980 წელს 1-ლი პოლკი გარდაიქმნა შერეულ ერთეულად, რომელსაც დაეკისრა ქვეითური, საჰაერო და საზღვაო ფუნქციები, ხოლო არტილერიული ელემენტი გადატანილი იქნა 2-ე პოლკში. 1992 წელს განხორციელდა რეფორმა, რომელიც მოიცავდა „3-ე პოლკის“ შექმნას და შეიარაღებული ძალების დღევანდელი სტრუქტურის ჩამოყალიბებას.
ბრძოლის ღირსება
[რედაქტირება | წყაროს რედაქტირება]მალტის მეფის პოლკის საბრძოლო მიღწევები:
1800 – აღიარება მალტის შასერების მიერ გამოჩენილი სამსახურისთვის
მეორე მსოფლიო ომი – მალტა, 1940–1942
ორგანიზაცია
[რედაქტირება | წყაროს რედაქტირება]შეიარაღებული ძალების შტაბ-ბინა
[რედაქტირება | წყაროს რედაქტირება]შეიარაღებული ძალების შტაბი (HQ AFM) განთავსებულია ლუკას ბარაკებში, ლუკაში. შტაბი მოქმედებს როგორც სტრატეგიულ, ისე ოპერატიულ და ტაქტიკურ დონეზე და მოიცავს შემდეგ სტრუქტურულ ერთეულებს:
- ადამიანური რესურსების მართვის დეპარტამენტი
- საერთაშორისო ურთიერთობების დეპარტამენტი
- ოპერაციების, გეგმებისა და დაზვერვის დეპარტამენტი
- ლოგისტიკური მხარდაჭერის დეპარტამენტი
- შესაძლებლობებისა და წვრთნების დეპარტამენტი
- ფინანსური მართვის დეპარტამენტი
- საკუთრების მართვისა და განვითარებისა დეპარტამენტი
პირველი პოლკი
[რედაქტირება | წყაროს რედაქტირება]
მთავარი სტატია: მალტის შეიარაღებული ძალების პირველი პოლკი..svg)
პირველი პოლკი წარმოადგენს მალტის ქვეით ნაწილს, რომლის ძირითადი ამოცანაა ქვეყნის ტერიტორიული დაცვა. იგი შედგება სამი საბრძოლო კომპანიისგან, მხარდამჭერი და შტაბის კომპანიისგან:
- შტაბის კომპანია – უზრუნველყოფს ლოგისტიკურ და ტექნიკურ მხარდაჭერას სხვა ქვედანაყოფებისთვის. მოიცავს სატრანსპორტო, საინჟინრო, სიგნალური, იარაღის, პოლიციისა და კვარტერმაისტერის ქვედანაყოფებს.
- „ა“ კომპანია – პასუხისმგებელია აეროპორტის უსაფრთხოებაზე, პატრულირებითა და წვდომის პუნქტების კონტროლით.
- „ბ“ კომპანია – ახორციელებს პატრულირებას ქვეყნის შიგნით, იდენტიფიცირებს და აკავებს არალეგალურ მიგრანტებს, ანტინარკოტიკულ და უსაფრთხოების ოპერაციებში მჭიდროდ თანამშრომლობს პოლიციასთან.
- „ც“ კომპანია – წარმოადგენს მალტის შეიარაღებული ძალების სწრაფ რეაგირების ძალას, რომელიც ასევე ასრულებს სასწავლო დანიშნულებას.
- საჰაერო თავდაცვისა და მხარდაჭერის კომპანია – მალტის საჰაერო თავდაცვის ძირითადი ქვედანაყოფი. აღჭურვილია Bofors 40 მმ L70, ZPU-4 14.5 მმ AAMG, 81 მმ ნაღმტყორცნებითა და Type 69 RPG-ებით. იწვრთნება პემბროკის სასროლეთზე და პასუხს აგებს საზეიმო ტყვიაგასროლების ცერემონიებზე. ასევე მართავს რეზერვისტთა სასწრაფო მოხალისეთა ქვედანაყოფს.
საბრძოლო ღირსებები
[რედაქტირება | წყაროს რედაქტირება]პირველი პოლკის მონაწილეობით მიღწეული აღიარებული სამხედრო ოპერაციებია:
მესამე პოლკი (AFM)
[რედაქტირება | წყაროს რედაქტირება]მესამე პოლკი წარმოადგენს მალტის შეიარაღებული ძალების მთავარ მხარდამჭერ ქვედანაყოფს და შედგება სამი ძირითადი ოპერატიული ერთეულისგან:
საინჟინრო ესკადრონი – პასუხისმგებელია საინჟინრო მხარდაჭერაზე.
ამუნიციისა და ასაფეთქებელი მასალების კომპანია – მართავს ყველა ტიპის ამუნიციის შენახვასა და კონტროლს, ასევე სამოქალაქო სექტორის მიერ ასაფეთქებელი მასალის გამოყენებას (მაგალითად, კარიერების აფეთქება). მის შემადგენლობაში მოქმედებს ასაფეთქებელი მოწყობილობების განადგურების ქვედანაყოფი (EOD), რომელიც პასუხს აგებს ბომბებისა და სხვა ასაფეთქებელი ნივთიერებების აღმოჩენასა და გაუვნებელყოფაზე. ასევე, იგი ახორციელებს საფოსტო გზავნილების, აეროპორტის ბარგისა და თვითმფრინავების შემოწმებას, და უსაფრთხოების ინსპექტირებას მალტის პარლამენტის შენობაში.
ელექტრომექანიკური ინჟინერია – ახორციელებს შეიარაღებული ძალების ტექნიკის, გენერატორების, დანადგარებისა და სხვადასხვა აღჭურვილობის ტექნიკურ მომსახურებასა და შეკეთებას.
მეოთხე პოლკი (AFM)
[რედაქტირება | წყაროს რედაქტირება]მეოთხე პოლკი შეიქმნა 2006 წლის 30 ოქტომბრის სტრუქტურული რეფორმის შედეგად და მოიცავს შემდეგ ქვედანაყოფებს:
შტაბის კომპანია
მალტის შეიარაღებული ძალების ცერემონიალური მსვლელობის ჯგუფი – ხელახლა ჩამოყალიბდა 2014 წლის 1 აგვისტოს. ასრულებს სინქრონიზებულ ცერემონიალურ აღლუმებს სხვადასხვა ოფიციალურ ღონისძიებაზე. ჯგუფი ოცეული ზომისაა და შედგება 21 ჯარისკაცისგან, რომლებიც სხვადასხვა ქვედანაყოფებიდან არიან შერჩეულნი.
მალტის შეიარაღებული ძალების ორკესტრი – დაარსდა 1970 წელს. მონაწილეობს ოფიციალურ ღონისძიებებში როგორც მარშის ბენდი და ცერემონიების მუსიკალური შემსრულებელი, მალტასა და გოცოში. ორკესტრის წევრები ასევე ასრულებენ სხვა სამხედრო ვალდებულებებს.
შემოსავლის დაცვის კორპუსი (Revenue Security Corps) – ეხმარება სახელმწიფოს კონტრაბანდის პრევენციაში, შემოსავლის დაცვასა და საჭიროების შემთხვევაში ფისკალურ-ფინანსური კანონმდებლობის დარღვევების გამოძიებაში. ასევე უზრუნველყოფს ბანკების თანხის გადაზიდვის უსაფრთხოებას.
C2S კომპანია – მართავს შეიარაღებული ძალების მთელ საკომუნიკაციო ინფრასტრუქტურას, მათ შორის საძიებო-სამაშველო ოპერაციების საკოორდინაციო ცენტრს, შინაგან და გარე კომუნიკაციებს, ფიქსირებულ კავშირებსა და IT მომსახურებას.
საწვრთნელი სკოლა – აწარმოებს სამხედრო წვრთნებსა და კარიერულ განვითარებას. უზრუნველყოფს საბაზისო სამხედრო მომზადებას (BMT), კადეტთა პროგრამებს, უმცროსი (JNCOs) და უფროსი (SNCOs) სერჟანტების წვრთნასა და კვალიფიკაციის ამაღლებას.
მალტის შეიარაღებული ძალების საჰაერო ფრთა
[რედაქტირება | წყაროს რედაქტირება]
მთავარი სტატია: მალტის შეიარაღებული ძალების საჰაერო ფრთა.მალტის შეიარაღებული ძალების საჰაერო ფრთა წარმოადგენს ქვეყნის სამხედრო ავიაციის ქვედანაყოფს. ის პასუხისმგებელია მალტის საჰაერო სივრცის უსაფრთხოებაზე, ახორციელებს საზღვაო პატრულირებას და საძიებო-სამაშველო მისნებს, ასევე ეხმარება სხვა სამთავრობო სტრუქტურებს სამხედრო თვალსაზრისით. მისი ბაზა მდებარეობს მალტის საერთაშორისო აეროპორტში.
საზღვაო ესკადრონი
[რედაქტირება | წყაროს რედაქტირება]
მთავარი სტატია: მალტის შეიარაღებული ძალების საზღვაო ესკადრონი.მალტის შეიარაღებული ძალების საზღვაო ესკადრონი წარმოადგენს ქვეყნის სამხედრო-საზღვაო ძალებს. იგი პასუხისმგებელია მალტის ტერიტორიული წყლების დაცვაზე, საზღვაო მონიტორინგზე, სამართალდაცვით ოპერაციებსა და საძიებო-სამაშველო მოქმედებებზე. მისი ბაზა განთავსებულია ჰეი უორფში (Xatt it-Tiben), ფლორიანაში. ესკადრონი ამჟამად ოპერირებს 10 საპატრულო გემითა და 6 დამატებითი კატეგორიის ნავით.
მოხალისეთა რეზერვისტთა ძალა
[რედაქტირება | წყაროს რედაქტირება]გარდა პროფესიონალი სამხედროებისა, მალტის შეიარაღებულ ძალებს ჰყავთ ასევე მოხალისეთა რეზერვისტთა ძალა, რომელიც შედგება ნახევარ განაკვეთზე დასაქმებული სამხედროებისგან, რომლებიც საჭიროების შემთხვევაში ამყარებენ რეგულარულ ქვედანაყოფებს.
იტალიის სამხედრო მისია მალტაში
[რედაქტირება | წყაროს რედაქტირება]იტალიის სამხედრო მისიის (IMM) ყოფნა მალტაში განხორციელდა სამ ეტაპად: პირველად 1973–1979 წლებში, შემდეგ 1981–1988 წლების ივლისამდე და ბოლოს 1988 წლის ივლისიდან 2016 წლის 7 ნოემბრამდე, როდესაც მისიის ბოლო ჰელიკოპტერი დატოვა მალტა.
მისიაში მუშაობდა 12 ოფიცერი და 35 სერჟანტი, რომლებიც წარმოადგენდნენ იტალიის შეიარაღებული ძალების სამივე შტოს. მათ ჰქონდათ ორი AB 212 ტიპის ვერტმფრენი, 15 მძიმე ტექნიკა, 60 მსუბუქი მრავალფუნქციური სატრანსპორტო საშუალება, რადიოკომუნიკაციის სისტემები და იარაღი.
პერსონალი
[რედაქტირება | წყაროს რედაქტირება]მალტის შეიარაღებული ძალები ძირითადად შედგება პროფესიონალი სამხედროებისგან. არსებობენ აგრეთვე მცირე რაოდენობის რეზერვისტები. მალტაში არ მოქმედებს რეკრუტირების სისტემა. მოხალისეები, რომლებიც სურთ გაწევრიანდნენ შეიარაღებულ ძალებში, უნდა იყვნენ მალტის მოქალაქეები და ჰქონდეთ ასაკი 18–30 წელიწადს შორის.[3] 2017 წელს შეიარაღებულ ძალებში მსახურობდა დაახლოებით 1,950 აქტიური სამხედრო და 180 რეზერვისტი.[4]
ოპერაციები
[რედაქტირება | წყაროს რედაქტირება]ევროპის კავშირში მალტის გაწევრიანების შემდეგ, შეიარაღებული ძალები უფრო აქტიურად ჩაერთნენ სამშვიდობო მისიებსა და საერთაშორისო უსაფრთხოების ოპერაციებში. მალტის შეიარაღებულ ძალებს მონაწილეობა აქვთ მიღებული შვიდზე მეტ საერთაშორისო ოპერაციაში.
გაეროს ეგიდით
[რედაქტირება | წყაროს რედაქტირება]
ლიბანის დროებითი სამშვიდობო ძალა (UNIFIL) — მონაწილეობა 2007 წელს და განმეორებით 2018 წლიდან დღემდე, ლიბანში.
ევროკავშირის ეგიდით
[რედაქტირება | წყაროს რედაქტირება]თარგი:ევროკავშირი ევროკავშირის სადამკვირვებლო მისია საქართველოში (EUMM Georgia) — 2008 წლიდან დღემდე, საქართველოში
ევროკავშირის საზღვაო ოპერაცია ატალანტა (Operation Atalanta) — 2008 წლიდან დღემდე, ადენის ყურეში
ევროკავშირის საზღვრის დახმარების მისია რაფაჰში (EUBAM Rafah) — 2009 წლიდან დღემდე, გაზა–ეგვიპტის საზღვარზე
ევროკავშირის სამხედრო სასწავლო მისია სომალში (EUTM Somalia) — 2010 წლიდან დღემდე, სომალიში
EUFOR Libya — 2011 წელს, ლიბიაში
ევროკავშირის საზღვაო ოპერაცია მედი (EUNAVFOR Med) — 2015 წლიდან დღემდე, ხმელთაშუა ზღვის რეგიონში
ფრონტექსის ერთობლივი ოპერაცია „ნაუტილუსი“ — 2006 წელი, ხმელთაშუა ზღვაში
ფრონტექსი — ერთობლივი ოპერაცია „პოსეიდონი“ — 2007 წლიდან დღემდე, საბერძნეთში
ფრონტექსი — ერთობლივი ოპერაცია — 2013 წელს, ბულგარეთში
ფრონტექსის სიტუაციური ცენტრი — 2018 წლიდან დღემდე, პოლონეთში
ორმხრივი სამხედრო თანამშრომლობა
[რედაქტირება | წყაროს რედაქტირება] |
ეს სტატია თურქეთისა და თურქების შესახებ ჯერჯერობით ესკიზია. თქვენ შეგიძლიათ დაგვეხმაროთ მის შევსებაში. |
საზღვაო კონტროლის ოპერაცია და საზღვაო უსაფრთხოების სწავლებები თურქეთის შეიარაღებულ ძალებთან ერთად — 2020 წლის ივლისი, მალტის ტერიტორიაზე[5][6]
აღჭურვილობა
[რედაქტირება | წყაროს რედაქტირება]მათთვის, ვინც მალტის შეიარაღებული ძალებში მსახურობს, განსაკუთრებით კი ქვეითებს შორის, აღჭურვილობა ბოლო წლების განმავლობაში მნიშვნელოვნად გაუმჯობესდა. 1-ე პოლკი წარმოადგენს მალტის ქვეითთა მთავარ სტრუქტურას, რომლის ერთ-ერთი ქვედანაყოფი — C (სპეციალური დავალებების) ასეული — ემზადება როგორც სწრაფი რეაგირების და საერთაშორისო ჰუმანიტარულ მისიებში მონაწილე ერთეული. ეს ასეული გეგმავს მჭიდრო ინტეგრაციას იტალიის შეიარაღებულ ძალებთან, რათა ითანამშრომლოს გაეროს ან ეუთოს ეგიდით განხორციელებულ მისიებში. შესაბამისად, მისი წევრები გადიან მომზადებას იტალიის არმიის სტანდარტების შესაბამისად, რაც მოიცავს ერთწლიანი ოპერაციული მზადყოფნის პერიოდს.
სანამ C ასეული წარმატებით ჩაერთვებოდა „პარტნიორობა მშვიდობისათვის“ მრავალეროვნულ წვრთნაში 1996 წელს, მისი აღჭურვა ახალი ტიპის აღჭურვილობით დაიწყო. მალტის მიერ 2000 წელს ევროკავშირის სამხედრო შესაძლებლობების მიზნის აღიარების შემდეგ, ტექნიკური უზრუნველყოფა კიდევ უფრო გააქტიურდა.
დაფინანსების შეზღუდვის გამო მალტის არმია წლების განმავლობაში განსხვავებული წარმოშობის იარაღზე იყო დამოკიდებული. მაგალითად, ადრე ხმარებაში იყო რვა სხვადასხვა ტიპის პისტოლეტი. დღეს კი ძირითადად გამოიყენება ბერეტა 92 და მაკაროვის პისტოლეტი. შეიძინეს ჰეკლერ-კოხის პისტოლეტტიპის ავტომატები და აკე-ემ-ის შაშხანები, რომელთაც მალტელი ჯარისკაცები ჩინეთის დახმარებით ღებულობენ. ახალ აღჭურვილობაში შედის ბრიტანეთის არმიის მოდელით შთაგონებული სამხედრო ზურგჩანთები, ხისფერი ფორმები, ქემერული ჩაფხუტები და ღამის ხედვის მოწყობილობები.
ქვეითთა შეიარაღებაში შედის AK-47, AKM, MP5, ბერეტა 92, PKM, L7A1, Accuracy International AWM და RPG-7. FAB Defense-ის მიერ მოდერნიზებულ იქნა რამდენიმე AKM. სპეციალური ოპერაციებისთვის შეიძინეს SIG MCX, რაც უკეთესად შეეფერება ახლო ბრძოლის პირობებს.
მანქანათა პარკში შედის „ლენდ როვერები“ და „ივეკო VM-90“. ასევე კვლავაც გამოიყენება ბედფორდის სატვირთოები, რომლებიც სამი მისიით მიემგზავრნენ კოსოვოში 2001 წელს და არცერთი არ გაფუჭებულა. ასაფეთქებელი ნივთიერებების განაღმვის ქვედანაყოფს აქვს ორი რობოტი: პირველი შეიძინეს 1989 წელს, ხოლო მეორე — განახლებული მოდელი — მხოლოდ ერთი წლის წინ.
2-ე პოლკის შემადგენლობაში მოქმედებს საჰაერო თავდაცვის ქვედანაყოფი, რომელიც იყენებს ბოფორსის 40მმ-იან ქვემეხებს (40L/70) და ოთხლულიან 14.5 მმ ZPU-4 ტიპის ყუმბარსატყორცნებს. ბოფორსის ქვემეხები შესაძლებელია გამოყენებული იქნას როგორც მანუალურად, ასევე ელექტრონულად, ვიზუალური ან რადარული სამიზნის დაჭერით, მაშინ როცა ZPU-4 მოქმედებს მხოლოდ ხელით მართვის რეჟიმში. აღსანიშნავია, რომ ბოფორსის ქვემეხები კიდევ 1950-იან წლებში შეიქმნა, რაც მათი ტექნიკური შენახვისთვის გარკვეულ გამოწვევას ქმნის.[7]
საჰაერო ტექნიკა
[რედაქტირება | წყაროს რედაქტირება]მალტის შეიარაღებული ძალების საჰაერო ფრთა პასუხისმგებელია ქვეყნის საჰაერო სივრცის მონიტორინგსა და საძიებო-სამაშველო ოპერაციების განხორციელებაზე. მისი შემადგენლობა შედგება მცირე რაოდენობის შვეულმფრენებისა და თვითმფრინავებისგან, რომლებიც მოქმედებენ მალტის საერთაშორისო აეროპორტიდან.
საზღვაო პატრულის ხომალდები
[რედაქტირება | წყაროს რედაქტირება]საზღვაო პატრულირების და სასაზღვრო კონტროლის ამოცანებს მალტის შეიარაღებული ძალების საზღვაო ესკადრა ახორციელებს. ესკადრას გააჩნია ათზე მეტი პატრულის კატარღა და რამდენიმე დამხმარე ხომალდი. ბაზირება ხდება ჰეი უორფის სამხედრო-საზღვაო ბაზაზე, ფლორიანაში.
| მოდელი | სურათი | წარმოშობა | ტიპი | რაოდენობა | შენიშვნა |
|---|---|---|---|---|---|
| Land Rover Defender |  |
გაერთიანებული სამეფო | SUV | უცნობი | მოდელი 110 – 300TDI |
| Ford F-350 |  |
აშშ | პიკაპი | 2 | აშშ-ს მიერ გადმოცემული ორი კატარღასთან ერთად |
| Isuzu D-Max 4WD |  |
იაპონია | პიკაპი | 23 | შეძენილი 2020 წელს |
| Iveco VM 90 |  |
იტალია | SUV | უცნობი | მრავალფუნქციური სამხედრო მოდელი |
| Iveco ACM 90 |  |
იტალია | სატვირთო | უცნობი | სამხედროების ტრანსპორტირებისთვის |
| Iveco Daily |  |
იტალია | მიკროავტობუსი | უცნობი | სამხედრო სასწრაფო დახმარების მანქანა |
იარაღი
[რედაქტირება | წყაროს რედაქტირება]- Beretta 92FS — იტალიური ნახევრადავტომატური პისტოლეტი (9 მმ კალიბრის); მალტის შეიარაღებული ძალების ძირითადი სამსახურებრივი პისტოლეტი.[8]
- Heckler & Koch MP5 — გერმანული 9 მმ კალიბრის ავტომატური იარაღი. გამოიყენება მოდელები: MP5K, MP5A4 და MP5A5.[9]
- Beretta M12 — იტალიური წარმოების ავტომატური იარაღი, 9 მმ კალიბრით.[10]
- AK-47 / AKM — საბჭოთა/პოსტსაბჭოთა წარმოების შაშხანა, გამოიყენება სხვადასხვა ვერსია მალტის შეიარაღებულ ძალებში.[11]
- SIG MCX — შვეიცარიული ცეცხლსასროლი იარაღი სპეციალური ოპერაციებისთვის (5.56×45 მმ ნატო); გამოიყენება 1-ლი რეგიმენტის C კომპანიის მიერ.[12]
- FN FAL — ბელგიური საბრძოლო შაშხანა (7.62×51 მმ ნატო); გამოიყენება ცერემონიებზე.[13]
- PK (PKM) — საბჭოთა და ჩინური წარმოების ტყვიამფრქვევი (7.62×54 მმR); GPMG.[14]
- L7A1 — ბელგიური/ბრიტანული ზოგადი დანიშნულების ტყვიამფრქვევი, 7.62×51 მმ ნატო კალიბრით.[15]
- M2 Browning — ამერიკული მძიმე ტყვიამფრქვევი (.50 BMG).[16]
- Accuracy International Arctic Warfare — ბრიტანული სნაიპერული შაშხანა (7.62×51 მმ ნატო, .300 Winchester Magnum).[17]
- AX-308 — ბრიტანული წარმოების სნაიპერული შაშხანა, იგივე კალიბრებით.
- Type 69 RPG — ჩინური წარმოების ყუმბარმტყორცნი, 40 მმ კალიბრის (RPG-7-ის მოდელი).[18]
- 82-BM-37 — ჩინური 82 მმ ნაღმტყორცნი. აღარ გამოიყენება აქტიურად.
- L16 — ბრიტანული 81 მმ ნაღმტყორცნი.
- Ordnance QF 25-pounder — ბრიტანული არტილერიის ქვემეხი (88 მმ); გამოიყენება მხოლოდ ცერემონიებისთვის.
- ZPU-4 — საბჭოთა/ჩრდილოეთ კორეის წარმოების საზენიტო ტყვიამფრქვევი, 14.5×114 მმ; გადმოცემულია 1986 წელს.
- Bofors 40 მმ ავტომატური ქვემეხი L/70 — შვედური საზენიტო ქვემეხი.
საორიენტაციო სურათები და იარაღის გალერეა
[რედაქტირება | წყაროს რედაქტირება]იხილეთ დამატებით იარაღების გალერეა ქვემოთ.
იარაღების გალერეა
[რედაქტირება | წყაროს რედაქტირება]- მალტის შეიარაღებული ძალების ძირითადი იარაღი
Beretta 92FS — იტალიური პისტოლეტი
HK MP5 — გერმანული ავტომატური იარაღი
FN FAL — საბრძოლო შაშხანა
AK-47 / AKM — კლასიკური იარაღი
SIG MCX — სპეციალური ოპერაციებისთვის
FN MAG (L7A1) — ტყვიამფრქვევი
Browning M2 — მძიმე ტყვიამფრქვევი
Accuracy International AW — სნაიპერული შაშხანა
Type 69 RPG — ყუმბარმტყორცნი
82-BM-37 — ჩინური ნაღმტყორცნი
ZPU-4 — საზენიტო ტყვიამფრქვევი
Bofors 40 მმ L/70 — საზენიტო ქვემეხი
.jpg)
უნიფორმა და პერსონალური აღჭურვილობა
[რედაქტირება | წყაროს რედაქტირება]| მოდელი | წარმოშობა | ტიპი |
|---|---|---|
| MultiCam | აშშ | საბრძოლო ფორმა |
| US Woodland | აშშ | საბრძოლო ფორმა |
| Desert Camouflage Uniform | აშშ | საბრძოლო ფორმა |
| Multi-Terrain Pattern | დიდი ბრიტანეთი | საბრძოლო ფორმა |
| ნომერი 7 (ზაფხულის ბარაკის ფორმა) | დიდი ბრიტანეთი | ბარაკის ფორმა |
| 58 pattern webbing | დიდი ბრიტანეთი | ტვირთის გამტარი სისტემა |
| Personal Load Carrying Equipment | დიდი ბრიტანეთი | ტვირთის გამტარი სისტემა |
| Arktis Webbing | დიდი ბრიტანეთი | ტვირთის გამტარი სისტემა |
| ნომერი 2 (ცერემონიალური ფორმა ზომიერი კლიმატისთვის) | დიდი ბრიტანეთი | პარადული ფორმა |
| ნომერი 3 (ცერემონიალური ფორმა თბილი კლიმატისთვის) | დიდი ბრიტანეთი | პარადული ფორმა |
| ნავრისფერი ბერეტი | დიდი ბრიტანეთი | ბერეტი |
| SPECTRA Helmet | საფრანგეთი | მუზარადი |
| SEPT-2 PLUS | იტალია | მუზარადი |
| S10 NBC Respirator | დიდი ბრიტანეთი | გაზის ნიღაბი |
რესურსები ინტერნეტში
[რედაქტირება | წყაროს რედაქტირება]- მალტის შეიარაღებული ძალების ოფიციალური ვებსაიტი
- For Gallantry – მალტის სპეცდანიშნულებისა და ანტიტერორისტული ძალები
სქოლიო
[რედაქტირება | წყაროს რედაქტირება]- 1 2 Government expenditure on defence.
- ↑ List of national services responsible for border control.
- ↑ რეგულარული ჯარისკაცის მოთხოვნები. დაარქივებულია ორიგინალიდან — 2024-04-14. ციტირების თარიღი: 2025-04-11.
- ↑ (14 February 2017) The Military Balance 2017. Routledge, გვ. 137. ISBN 978-1857439007.
- ↑ T.C. Millî Savunma Bakanlığı. Malta liman ziyareti sırasında SAT Tim personelimiz ve Malta Özel Unsur Komutanlığı personelinin katılımıyla “Denizde Denetim Harekâtı ve Deniz Güvenliği Eğitimleri” icra edildi. (24 ივლისი, 2020).
- ↑ TCG GEMLİK Fırkateynimizin LA VALETTA/MALTA liman ziyareti kapsamında; La Valetta Büyükelçimiz Kerem A. Kıratlı ve Malta Deniz Filo Komutanı E. Scicluna makamlarında ziyaret edilerek, gemide ağırlandı. tur. T.C. Millî Savunma Bakanlığı (24 ივლისი, 2020). ციტირების თარიღი: 28 ივლისი, 2020
- ↑ 1 Regiment Maltese Infantry. ციტირების თარიღი: 18 დეკემბერი, 2016
- ↑ შეცდომა თარგის გამოძახებისას: cite web: პარამეტრები archiveurl და archivedate მითითებული უნდა იყოს ორივე, ან არცერთი.Beretta 92FS. ციტირების თარიღი: 2025-04-11
- ↑ HK MP5 A4. დაარქივებულია ორიგინალიდან — 2024-09-11. ციტირების თარიღი: 2025-04-11.
- ↑ Ryder, Chris (2004). The Fateful Split. Methuen.
- ↑ AK Variant. დაარქივებულია ორიგინალიდან — 2024-08-07. ციტირების თარიღი: 2025-04-11.
- ↑ „Malta News“. 2022.
- ↑ Parade of Maltese Army.[მკვდარი ბმული]
- ↑ PK GPMG. დაარქივებულია ორიგინალიდან — 2024-09-11. ციტირების თარიღი: 2025-04-11.
- ↑ FN MAG GPMG. დაარქივებულია ორიგინალიდან — 2024-06-21. ციტირების თარიღი: 2025-04-11.
- ↑ Browning .50 Cal. დაარქივებულია ორიგინალიდან — 2024-09-11. ციტირების თარიღი: 2025-04-11.
- ↑ Sniper Rifle. დაარქივებულია ორიგინალიდან — 2024-09-12. ციტირების თარიღი: 2025-04-11.
- ↑ Malta Military News.
- სტატიების ესკიზები თურქეთის შესახებ
- მალტის შეიარაღებული ძალები
- 1973 წელს დაარსებული სამხედრო დანაყოფები
- მალტა
- მალტის პოლიტიკა
- თავდაცვითი კომპანიები ქვეყნების მიხედვით
- სამხედრო ავიაცია
- ჯარისკაცები ეროვნების მიხედვით
- შეიარაღებული ძალები
- შეიარაღებული ძალები ევროპაში
- შეიარაღებული ძალები ისტორიული სახელმწიფოების მიხედვით