მაკენა გრეისი

მაკენა გრეისი 2026

მაკენა გრეისი (დ. 25 ივნისი, 2006) — ამერიკელი მსახიობი და მომღერალი. დაიბადა გრეიპვაინში, ტეხასში. პროფესიონალური მსახიობობა ხუთი წლის ასაკში დაიწყო და ბავშვობაში ლოს-ანჯელესში, კალიფორნიაში გადავიდა საცხოვრებლად. ადრეულ როლებს შორის იყო ჯასმინ ბერნშტეინი Disney XD-ის კომედიურ სერიალში “Crash & Bernstein” (2012–2014) და ფეიტ ნიუმენი საპნის ოპერაში „The Young and the Restless” (2013–2015). რამდენიმე როლის შემდეგ, მთავარი როლი შეასრულა, როგორც ბავშვი-გენიოსი ფილმში „ნიჭიერი“ (2017), რომელიც მაკენას წარმატების მომტანი გახდა და რომლისთვისაც მიიღო ნომინაცია Critics’ Choice Movie Award-ზე საუკეთესო ახალგაზრდა შემსრულებლის კატეგორიაში. გრეისი შემდგომში გამოჩნდა ფილმებში:

• „მე, ტონია“ (2017)
• „ნულოვანი რაზმი” (2019)
• „კაპიტანი მარველი” (2019)

საშინელებათა ჟანრის ფილმები:

• „ცუდი თესლი” (2018)
• „ჰილ ჰაუსის მოჩვენებები” (2018)
• „ანაბელი შინ ბრუნდება” (2019).

კომედიური ჟანრის ფილმები:

• „მოჩვენებებზე მონადირეები: სიცოცხლის შემდეგ” (2021)
• „მოჩვენებებზე მონადირეები: ყინულის იმპერია” (2024) ფოუბი სპენგლერის როლში.

მაკენამ მიიღო კრიტიკოსების მოწონება და ნომინაცია Critics’ Choice Super Award-ზე. 2022 წელს გრეისმა მთავარი როლი შეასრულა ფილმში „ცუდი თესლი ბრუნდება” და განასახიერა ჯენ ბრობერგი სერიალში „ოჯახის მეგობარი”. 2020 წელს Photo Finish Records-თან ხელშეკრულების გაფორმების შემდეგ, გრეისმა 2021 წელს გამოუშვა სადებიუტო სინგლი „Haunted House”, როგორც „მოჩვენებებზე მონადირეები: სიცოცხლის შემდეგ”-ის საუნდტრეკის ნაწილი. 2023 წელს გამოუშვა ორი ალბომი: „Bittersweet16” და „Autumn Leaves”.

ადრეული ცხოვრება

გრეისი დაიბადა 2006 წლის 25 ივნისს, გრეიპვაინში, ტეხასში. მაკენა ერთადერთი შვილია როს ბერჯის, ორთოპედი ქირურგის და კრისტალ გრეისის, სამედიცინო გაყიდვების წარმომადგენლის. ბავშვობაში ცხოვრობდა დალას-ფორთ უორთში. მაკენა ვარჯიშობდა ჩირლიდინგში, ტანვარჯიშში და ბალეტის ცეკვაში. მონაწილეობდა სილამაზის კონკურსებში, სადაც დაგვირგვინდა „პატარა მის ტეხასად“. გრეისს არასოდეს უვლია ჩვეულებრივ სკოლაში; მაკენას სახლში ასწავლიდნენ. 2017 წელს გრეისმა განაცხადა, რომ კვირაში ერთხელ დადიოდა შემოქმედებითი წერის სემინარზე სხვა სახლში, მასწავლებელ სტუდენტებთან ერთად. 2021 წელს გაიარა კოლეჯის კურსი მედია ესთეტიკაზე, რომლის დროსაც რამდენჯერმე უწევდა „The Handmaid’s Tale“–ის შესახებ წერა.

გრეისი პირველად დაინტერესდა მსახიობობით ოთხი წლის ასაკში, მას შემდეგ რაც ბებიისაგან მიიღო შირლი ტემპლის მონაწილეობით გადაღებული DVD ფილმების კოლექცია. გრეისის სამსახიობო მასწავლებელმა, რომელიც მორგან ფერჩაილდის და იყო, ურჩია აგენტთან ხელშეკრულება გაეფორმებინა. გრეისმა თავისი პირველი როლი სარეკლამო რგოლში მოიპოვა ხუთი წლის ასაკში. მას შემდეგ რაც გრეისმა მოიპოვა როლები „Crash & Bernstein“ (2012–2014) და „Goodbye World“ (2013), გრეისის ოჯახი ქალაქში გადავიდა საცხოვრებლად, მამამისს კი ჰქონდა რეზიდენცია ვენტურაში.​​​​​​​​​​​​​​​​

სამსახიობო კარიერა

გრეისი I, Tonya-ს პრემიერაზე

2012–2017: ადრეული როლები და წარმატება

გრეისმა სამსახიობო დებიუტი გააკეთა Disney XD-ის სერიალში „Crash & Bernstein“, სადაც განმეორებით როლს ასრულებდა ჯასმინ ბერნშტაინის სახით. გაიმეორა თავისი როლი შოუს მეორე სეზონშიც. როლს 2014 წლამდე ასრულებდა. ამ პერიოდში გრეისი სტუმრად გამოვიდა Fox-ის სიტკომში „The Goodwin Games“. 2013 წელს გააკეთა კინოდებიუტი ფილმში „Goodbye World“. 2013-დან 2015 წლამდე ჰქონდა განმეორებითი როლი, როგორც ფეით ნიუმანი საპნის ოპერაში „The Young and the Restless“. 2015 წელს გრეისმა განასახიერა ახალგაზრდა კეროლაინ ფორბსი სერიალში „ვამპირის დღიურები“. გრეისი გამოჩნდა სამ ფილმში, რომლებიც 2016 წელს გამოვიდა — „მისტერ ჩერჩი“, „ბრაზიანი ჩიტების ფილმი“ და „დამოუკიდებლობის დღე: აღზევება“.

2017 წელი და „I, Tonya“

2015 წლის სექტემბერში გრეისი შეუერთდა დრამატული ფილმის „ნიჭიერი“ (2017) მსახიობთა შემადგენლობას, რომელიც მოგვითხრობს მერი ედლერის ამბავს, რომელიც შვიდი წლის ინტელექტუალურად ნიჭიერი გოგონაა. გრეისი როლისთვის მოემზადა ბავშვ-ვუნდერკინდებზე რამდენიმე ფილმის ყურებით, მათ შორის „მე ვარ სემი“ (2001) და „ამერიკაში“ (2002). გრეისმა გამოიყენა სიმღერების წერაც, რათა დაემახსოვრებინა რთული მათემატიკური ამოცანები, რომლებსაც მერი ფილმში ამოხსნის. შესრულებისთვის გრეისმა მიიღო ნომინაცია Critics’ Choice Movie Award-ზე საუკეთესო ახალგაზრდა შემსრულებლის კატეგორიაში.

გრეისმა განასახიერა ტონია ჰარდინგის ახალგაზრდა ვერსია ბიოგრაფიულ ფილმში „მე, ტონია“ (2017). თქვა, რომ ეს იყო ყველაზე რთული როლი, რაც ოდესმე შეასრულა, იმის გამო, რომ უნდა უნდა ესწავლა ციგურებზე სრიალი. „მე, ტონია“ განსაკუთრებით შეაქეს მსახიობთა შესრულებით. RogerEbert.com-ისთვის წერისას, კინოკრიტიკოსმა კრისტი ლემაირმა შეაქო გრეისის შესრულება ფილმში.

2018–2020: საშინელებათა როლები და შემდგომი აღიარება

გრეისი გამოჩნდა 2018 წლის საშინელებათა დრამაში „მანკიერი თესლი“, 1956 წლის იმავე სახელწოდების ფილმის რიმეიკში, რომელიც თავად უილიამ მარჩის 1954 წლის რომანის ადაპტაციაა. გრეისი ასახიერებს ემა გროსმანს, გოგონას, რომელიც კლავს ყველას, ვინც გზაზე გადაეყრება. გრეისს, რომელსაც სურდა საშინელებათა როლის შესრულება, გახარებული იყო შესაძლებლობით. როლისთვის მოსამზადებლად უყურებდა 1956 წლის ფილმს და ფოკუსირდებოდა როდა პენმარკის მანერების მიბაძვაზე, მათ შორის სიარულსა და სახის გამომეტყველებაზე; გრეისმა ასევე გაიარა კონსულტაცია პატი მაკორმაკთან, რომელმაც შეასრულა როდას როლი 1956 წლის ფილმში. „მანკიერი თესლის“ 2018 წლის სექტემბრის პრემიერის შემდეგ Lifetime-ზე, კრიტიკოსებმა შეაქეს მაკენას შესრულება. The A.V. Club-მაც შეაქო გრეისის შესრულება.

2018 წელს გრეისმა მთავარი როლი შეასრულა Netflix-ის საშინელებათა სერიალში „ჰილ ჰაუსის მოჩვენებები“. როლის შესასრულებლად გრეისმა თმა მუქ ყავისფრად შეიღება. ფილმში გრეისის შესრულებამ მიიღო კრიტიკოსების შექება. იმავე წელს სტუმრად მიიწვიეს საშინელებათა შოუში „Chilling Adventures of Sabrina“-ს სპეციალურ ეპიზოდში სახელწოდებით „A Midwinter’s Tale“. ამ პერიოდში დაიწყო განმეორებითი როლის შესრულება CBS-ის სიტკომში „შელდონის ბავშვობა“, როგორც პეიჯ სვანსონი, ბავშვი-ვუნდერკინდი და ტიტულოვანი პერსონაჟის მეტოქე.

გრეისი გამოჩნდა სამ ფილმში, რომლებიც 2019 წელს გამოვიდა. პირველი მათგანი იყო კომედია-დრამა სახელწოდებით „ნულოვანი რაზმი“, რომელშიც გრეისი ასახიერებს ჩამორჩენილ გოგონას, რომელსაც სურს გაგზავნოს შეტყობინებები კოსმოსში. გრეისმა შემდეგ ითამაშა ფილმში „კაპიტანი მარველი“ პერსონაჟის 13 წლის ვერსია. ფილმმა მიიღო 1.1 მილიარდზე მეტი დოლარი და შევიდა ყველა დროის ყველაზე მაღალშემოსავლიანი ფილმების რიცხვში.

გრეისის ბოლო გამოსვლა 2019 წელს იყო საშინელებათა ფილმში „ანაბელი შინ ბრუნდება“, რომელიც გახდა The Conjuring Universe-ის მეშვიდე ნაწილი. ითამაშა ჯუდი უორენის როლი, პარანორმალური მკვლევარების ედისა და ლორეინ უორენის ქალიშვილი. რეჟისორმა გერი დობერმანმა თქვა, რომ იყო “ძალიან, ძალიან იღბლიანი და ძალიან, ძალიან ბედნიერი”, რომ გრეისი მიიწვია. გამოსვლის შემდეგ ფილმმა „ანაბელი შინ ბრუნდება“ შეაგროვა 231 მილიონზე მეტი დოლარი. გრეისის შესრულება კი შეაქეს. გრეისმა ასევე განასახიერა ახალგაზრდა დაფნე ბლეიკი 2020 წლის ფილმში „სკუბი!“ და უნდა გაემეორებინა როლი ფილმის გაგრძელებაშიც „Scoob! Holiday Haunt“, რომელიც გაუქმდა 2022 წლის აგვისტოში.

მუსიკალური კარიერა

გრეისმა 2020 წელს ხელი მოაწერა Photo Finish Records-თან და 2021 წლის ნოემბერში გამოუშვა სადებიუტო სინგლი „Haunted house“ მუსიკალურ ვიდეოსთან ერთად. გრეისი სიმღერის თანაავტორი იყო ლილი კინკეიდთან ერთად, ნათანიელ მოტი კი პროდიუსერი იყო. მაკენამ თქვა, რომ სიმღერა დაიწერა თავისი ცხოვრების რთული პერიოდის დროს, პანდემიის პერიოდში. NPR-მ დაწერა, რომ „სიმღერას აქვს რამდენიმე გასაოცარი მოულოდნელობა და წარმოაჩენს მაკენა გრეისის ახალი საინტერესო კარიერის დასაწყისს“. მიუხედავად იმისა, რომ თავდაპირველად არ იყო დაწერილი ფილმისთვის „მოჩვენებებზე მონადირეები: სიცოცხლის შემდეგ“, სიმღერა საბოლოოდ დაემატა ფილმს საუნდტრეკად.

გრეისმა გამოუშვა მეორე და მესამე სინგლები, „Do All My Friends Hate Me?“ და „You Ruined Nirvana“, 2022 წელს. წლის 18 ნოემბერს გამოუშვა „Self Dysmorphia“.სინგლის გამოშვებასთან დაკავშირებით გრეისმა თქვა:„ცოტა უცნაურია პირადი ფიქრების გაზიარება მსოფლიოსთან, მაგრამ იმედი მაქვს… ადამიანები, რომლებიც იმავეს განიცდიან, ნაკლებად მარტოსულად იგრძნობენ თავს.“ შეასრულა სიმღერა გადაცემაში The Today Show 2022 წლის დეკემბერში. წინ უძღვოდა სიმღერებს: „Post Party Trauma“, „Ugly Crier“ და „Checkered Vans“ შემდეგი გრეისის სადებიუტო ალბომი (EP), სახელწოდებით „Bittersweet16“, გამოვიდა 2023 წლის 3 მარტს. The Mighty Movie-ის საუნდტრეკისთვის. გრეისის მეორე EP, „Autumn leaves“, გამოვიდა 2023 წლის 13 ოქტომბერს. Billboard-ის მიხედვით, სინგლი „Catch Me“ წარმოაჩენს მაკენას უნარებს. ამის შემდეგ გამოუშვა სიმღერები „Natalie“, „Gentleman“ და „Swim Team“, და გამოვიდა მუსიკალურ ფესტივალზე ლოლაპალუზაზე.​​​​​​