მაკედონური ენა

მაკედონური Македонски
გავრცელებულია	მაკედონიის რესპუბლიკა, მეზობელი ევროპული ქვეყნები და მაკედონური დიასპორები
მოლაპარაკეთა რაოდენობა	~ 2 მლნ.
ოფიციალური სტატუსი	ოფიციალური ენა: მაკედონიის რესპუბლიკა
ლინგვისტური კლასიფიკაცია	ინდოევროპული ოჯახი: ბალტოსლავური სლავური სამხ. სლავური მაკედონური
დამწერლობის სისტემა	კირილიცა
ენის კოდები	ISO 639-1: mk ISO 639-2: mac (B) mkd (T) ISO/FDIS 639-3: mkd

მაკედონური ენა (მაკედონურად македонски јазик) — ინდოევროპული ენა; მიეკუთვნება სლავური ენების სამხრეთსლავურ ქვეჯგუფს. უმთავრესად საუბრობენ მაკედონიაში. ოფიციალურ ენადაა აღიარებული მაკედონიის რესპუბლიკაში.

მაკედონური წარმოადგენს ბულგარული ენის ყველაზე ახლობელ ნათესავს. მაკედონური ენის დიალექტები თავის მხრივ დიალექტურ კონტინუუმს ჰქმნიან როგორც ბულგარულ, ასევე სერბულ ენობრივ არეალთან.

მაკედონურ ენას ბერძნულ სამყაროსთან მიჯნის დადების მიზნით სლავურმაკედონურსაც უწოდებენ საენათმეცნიერო ლიტერატურაში.

დამწერლობა[რედაქტირება | წყაროს რედაქტირება]