მადეირა (მდინარე)

მადეირა
ამაზონის აუზი და მდინარე მადეირა
ქვეყანა	ბოლივია,  ბრაზილია
სიგრძე	3 230 კმ
აუზის ფართობი	1.158.000 კმ²
მადეირა ვიკისაწყობში

მადეირა ქალაქ პორტუ-ველიუსთან

მადეირა — მდინარე სამხრეთ ამერიკაში, ამაზონის უმსხვილესი შენაკადი. წარმოიქმნება ბოლივია-ბრაზილიის საზღვარზე მდინარეების - მამორესა და ბენის შერწყმის შედეგად. მასზე გადის ამ ორი ქვეყნის საზღვრის 100 კილომეტრიანი მონაკვეთი. შემდეგ სვლას აგრძელებს ბრაზილიის შტატების, რონდონიისა და ამაზონასის ტერიტორიებზე, რის შემდეგაც უერთდება ამაზონს. მისი სიგრძე 3 230 კმ-ია, ხოლო აუზის ფართობი 1 158 000 კმ².

მადეირას წყლის დონეს სეზონურობის მიხედვით 12 მეტრით იცვლება. მაქსიმალურ დონეს ოქტომბერ-მაისში აღწევს. ქალაქ პორტუ-ველიუს შემდეგ ის სანაოსნოა. მდინარეში ბინადრობენ ამაზონის დელფინები.

2007 წელს, ბრაზილიის მთავრობამ განაცხადა, რომ მადეირაზე ორი ჰიდროელექტროსადგურის აშენებას აპირებს.

იხილეთ აგრეთვე

• ბოლივიის მდინარეების სია

რესურსები ინტერნეტში

• მდინარე მადეირა დაარქივებული 2008-09-07 საიტზე Wayback Machine.
• მდინარე მადეირა, ენციკლოპედია ბრიტანიკა