ლუპერკალი
ლუპერკალი (ლათ. lupa „მდედრი მგელი“; იტალ. Lupercal) — გამოქვაბული პალატინის ბორცვის სამხრეთ-დასავლეთ ძირში რომში, მდებარე სადღაც მაგნა მატერის ტაძარსა და სანტ'ანასტასია ალ პალატინოს შორის.[1] რომის დაარსების ლეგენდაში, რომულუსი და რემუსი იქ იპოვა მდედრმა მგელმა, რომელმაც მათ ძუძუ აწოვა, სანამ მათ არ იხსნა მწყემსმა ფაუსტულუსმა. ლუპერცი, ფაუნუსის ქურუმები, ასრულებდნენ ლუპერკალიის გარკვეულ ცერემონიებს გამოქვაბულში, ქალაქის დაარსების პირველი დღეებიდან სულ მცირე 494 წლამდე.
თანამედროვე აღმოჩენა
[რედაქტირება | წყაროს რედაქტირება]ლუპა კაპიტოლინა („კაპიტოლიური მგელი“): მდედრი მგელი უცნობი წარმოშობისაა, მწოვარე ტყუპები დაემატა დაახლოებით 1500 წელს.
2007 წლის იანვარში იტალიელმა არქეოლოგმა ირენე იაკოპიმ განაცხადა, რომ მან სავარაუდოდ იპოვა ლეგენდარული გამოქვაბული იმპერატორ ავგუსტუსის სახლის, დომუს ლივიას ნანგრევების ქვეშ, პალატინზე. არქეოლოგები წააწყდნენ 15 მეტრის სიღრმის სიცარიელეს დაშლადი სასახლის აღდგენაზე მუშაობისას.[2][3]
2007 წლის 20 ნოემბერს გამოქვეყნდა პირველი სერია ფოტოებისა, რომლებიც აჩვენებს გროტოს (მღვიმის) კამარას, რომელიც დაფარულია ფერადი მოზაიკებით, პემზის ქვებით და ზღვის ნიჟარებით. ჭერის ცენტრში გამოსახულია თეთრი არწივი, რომაული იმპერიის სიმბოლო. არქეოლოგებს ჯერ არ ჰქონდათ ნაპოვნი გროტოს შესასვლელი, ამიტომ ისინი განაგრძობდნენ ძებნას.[4]
მისი მდებარეობა ავგუსტუსის რეზიდენციის ქვეშ მნიშვნელოვნად იქნა მიჩნეული; ოქტავიანეს, სანამ ის ავგუსტუსი გახდებოდა, განზრახული ჰქონდა აეღო სახელი რომულუსი, რათა მიენიშნებინა, რომ აპირებდა რომის ხელახლა დაარსებას.[5][6]
საწინააღმდეგო მოსაზრებები
[რედაქტირება | წყაროს რედაქტირება]
ადრიანო ლა რეჯინამ (ყოფილი რომის არქეოლოგიური ზედამხედველი 1976–2004, ეტრუსკოლოგიის პროფესორი საპიენცას უნივერსიტეტში რომში), [7] პროფესორმა ფაუსტო ძევიმ (რომის არქეოლოგიის პროფესორი რომის ლა საპიენცას უნივერსიტეტში) [8] და პროფესორმა ჰენერ ფონ ჰესბერგმა (გერმანიის არქეოლოგიური ინსტიტუტის ხელმძღვანელი, რომი) [9] უარყვეს გროტოს იდენტიფიკაცია ლუპერკალთან ტოპოგრაფიულ და სტილისტურ საფუძველზე. მათ დაასკვნეს, რომ გროტო სინამდვილეში არის ნიმფეუმი ან მიწისქვეშა ტრიკლინიუმი ნერონის დროიდან. ამჟამინდელი სამეცნიერო კონსენსუსი არის ის, რომ გროტო არ არის ლუპერკალი და რომ გამოქვაბული მდებარეობდა უფრო დაბლა სამხრეთ-დასავლეთით, უფრო ახლოს პიაცა სანტ'ანასტასია ალ პალატინოსთან.[10][11]
რესურსები ინტერნეტში
[რედაქტირება | წყაროს რედაქტირება]- Lucentini, M. (31 December 2012). The Rome Guide: Step by Step through History's Greatest City. Interlink. ISBN 9781623710088.
სქოლიო
[რედაქტირება | წყაროს რედაქტირება]- ↑ Vuković, Krešimir (2018). „The Topography of the Lupercalia“. The Papers of the British School at Rome. 86: 37–60. doi:10.1017/S0068246217000381.
- ↑ Valsecchi, Maria Cristina (26 January 2007). „Sacred Cave of Rome's Founders Discovered, Archaeologists Say“. National Geographic News. National Geographic. დაარქივებულია ორიგინალიდან — 30 January 2007. ციტირების თარიღი: 20 November 2007.
- ↑ "Descubren la cueva donde Rómulo y Remo fueron amamantados por la loba" დაარქივებული 16 March 2009 საიტზე Wayback Machine.
- ↑ Jaggard, Victoria (20 November 2007). „Photo in the News: Grotto of Rome's Founders Revealed“. National Geographic News. National Geographic. დაარქივებულია ორიგინალიდან — 21 November 2007. ციტირების თარიღი: 21 November 2007.
- ↑ Kiefer, Peter. (2007-11-20) Cave May Hold Secrets to Legend of Ancient Rome en. ციტირების თარიღი: 2023-10-28
- ↑ Suetonius, Vita Divi Augusti, I.7
- ↑ Aloisi, Silvia. "Expert doubts Lupercale 'find'" დაარქივებული 24 November 2007 საიტზე Wayback Machine. , The Australian, 24 November 2007.
- ↑ "È uno splendido ninfeo, ma il Lupercale non era lì" დაარქივებული 26 January 2021 საიტზე Wayback Machine. , la Repubblica, 23 November 2007.
- ↑ Schulz, Matthia. "Is Italy's Spectacular Find Authentic?" Spiegel Online, 29 November 2007.
- ↑ Coarelli, Filippo (2012) Palatium. Rome: Quasar, გვ. 132–9.
- ↑ Vuković, Krešimir (10 November 2017). „The Topography of the Lupercalia“. Papers of the British School at Rome. 86: 37–60. doi:10.1017/S0068246217000381.