ლუის ჰემილტონი
| ლუის ჰემილტონი | |
|---|---|
_(cropped).jpg) ჰემილტონი 2022 წლის სან პაულოს გრან პრიზე | |
| დაიბადა |
ლუის კარლ დევიდსონ ჰემილტონი[1] |
| ფორმულა ერთის მსოფლიო ჩემპიონატის კარიერა | |
| მოქალაქეობა |
.svg){kind=small} ბრიტანელი |
| გუნდი 2023 | მერსედესი |
| მანქანის № 2023 | 44 |
| რბოლა | 310 |
| ჩემპიონი | 7 (2008, 2014, 2015, 2017, 2018, 2019, 2020) |
| მოგება | 103 |
| კვარცხლბეკი | 191 |
| ქულები | 3098 |
| პოულ პოზიცია | 103 |
| უსწრაფესი წრე | 61 |
| პირველი რბოლა | ავსტრალიის გრან პრი 2007 |
| პირველი მოგება | კანადის გრან პრი 2007 |
| ბოლო მოგება | საუდის არაბეთის გრან პრი 2021 |
| ბოლო რბოლა | აბუ დაბის გრან გრი 2022 |
| 2022 პოზიცია | 6-ლი (240 ქულა) |
| ვებგვერდი | lewishamilton.com |
| ხელმოწერა | |
 | |
სერ ლუის კარლ დევიდსონ ჰემილტონი (დაიბადა 1985 წლის 7 იანვარს) — ბრიტანელი მრბოლელი, რომელიც ამჟამად ასპარეზობს ფორმულა 1 -ში Mercedes-AMG Petronas ფორმულა ერთი გუნდისთვის. ჰემილტონმა რეკორდულ, 7 ჯერ მოიგო მსოფლიო ჩემპიონის ტიტული (რეკორდი მიხაელ შუმახერთან ერთად) და ფლობს რეკორდებს ყველაზე მეტი მოგებით ( 103 ), პოლ პოზიციით ( 103 ), პოდიუმით ( 191 ) და სხვა.
ჰამილტონი დაიბადა და გაიზარდა სტივენიჯში, ჰერტფორდშირში. ის 1998 წელს, 13 წლის ასაკში მაკლარენის ახალგაზრდა მძღოლების პროგრამას შეუერთდა და მალევე გახდა ყველაზე ახალგაზრდა მრბოლელი, რომელიც ოდესმე ფორმულა 1-ის გუნდს შეერთებია. 2007 დან 2012 წლამდე ის მაკლარენისთვის ასპარეზობდა, რამაც ის პირველ შავკანიან მრბოლელად აქცია ფორმულა ერთში. თავის პირველ სეზონში ჰემილტონმა დაამყარა მრავალი რეკორდი, დაიკავა მეორე ადგილი ჩემპიონის ტიტულისთვის კიმი რაიკონენთან ბრძოლაში. მომდევნო, 2008 წლის სეზონში, მან დრამატულად მოიპოვა მსოფლიო ჩემპიონის პირველი ტიტული. მან სეზონის ბოლო რბოლის ბოლო წრეზე ბოლო კუთხეში გადაუსწრო თავის კონკურენტს და გახდა ყველაზე ახალგაზრდა მსოფლიო ჩემპიონი ისტორიაში. მაკლარენში ექვსი წლის შემდეგ, ჰამილტონმა 2013 წელს მერსედესთან გააფორმა კონტრაქტი.
2014 წელს, რეგულაციების ცვლილებასა და ტურბო-ჰიბრიდული ძრავების გამოყენებასთან ერთად ჰემილტონისთვის უაღრესად წარმატებული პერიოდი დაიწყო, რომლის დროსაც მან კიდევ ექვსჯერ მოიპოვა ჩემპიონის ტიტული. ის მსოფლიო ჩემპიონი გახდა ზედიზედ 2014 და 2015 წლებში. ამ სეზონებში ჰემილტონის უახლოესი კონკურენტი მისი თანაგუნდელი ნიკო როსბერგი იყო. 2016 წელს როსბერგის მიერ ფორმულა ერთის დატოვების შემდეგ ჰემილტონის უახლოესი კონკურენტი ფერარის სებასტიან ფეტელი გახდა. ჰემილტონმა მისი დამარცხება ზედიზედ ორჯერ, 2017 და 2018 წლებში მოახერხა. ამის ჰემდეგ მან ზედიზედ კიდევ ორჯერ მოიპოვა მსოფლიო ჩემპიონის ტიტული, 2019 და 2020 წლებში და გაათანაბრა შუმახერის რეკორდი. 2021 წლის სეზონში მან მე-100 პოულ პოზიცია და რბოლა მოიგო.
ჰემილტონმა დიდი წვლილი შეიტანა გლობალურად ფორმულა ერთისადმი ინტერესის გაზრდის საქმეში გახმაურებული ცხოვრების წესის, გარემოსდაცვითი და სოციალური აქტივიზმისა და მუსიკასა და მოდაში ჩართულობის გამო. ცნობილია რომ ის აქტიურად უჭერს მხარს რასიზმის წინააღმდეგ ბრძოლას და მოტოსპორტში მრავალფეროვნების გაზრდას. 2013 დან 2021 წლამდე ის ფორმულა ერთის ყველაზე მაღალანაზღაურებადი პილოტი იყო. ჟურნალ ფორბსის მონაცემებით ის 2010იანი წლების ერთ-ერთი ყველაზე მაღალანაზღაურებადი სპორტსმენი იყო. 2020 წელს ჟურნალმა თაიმმა ჰემილტონი მსოფლიოს 100 ყველაზე გავლენიანი ადამიანს სიაში შეყვანა. 2020 წელს ის რაინდად აკურთხეს. 2022 წელს ჰემილტონს ბრაზილიის საპატიო მოქალაქეობა მიენიჭა.
სქოლიო[რედაქტირება | წყაროს რედაქტირება]
- ↑ Hamilton, Lewis (2007). Lewis Hamilton: My Story. HarperSport, გვ. 33. ISBN 978-0-00-727005-7.
- ↑ Kelso, Paul (20 April 2007). „Profile: Lewis Hamilton“. The Guardian. London. ციტირების თარიღი: 26 June 2008.
| იდენტიფიკატორები |
|
|---|
