ლი ჩეიონი
ლი ჩე-იონი (კორ. 이채연; დაბადებული 2000 წლის 11 იანვარს) — სამხრეთ კორეელი მომღერალი, მოცეკვავე, რეპერი და მსახიობი. ის იყო სამხრეთ კორეელ-იაპონური გოგონათა ჯგუფის, Iz*One-ის ყოფილი წევრი. 2022 წლის 12 ოქტომბერს ჩე-იონმა სოლო დებიუტი მოახდინა თავისი პირველი მინი-ალბომით Hush Rush.
ადრეული ცხოვრება
[რედაქტირება | წყაროს რედაქტირება]ლი ჩე-იონი დაიბადა 2000 წლის 11 იანვარს, იონინში, სამხრეთ კორეაში. ის არის Itzy-ს წევრის, ჩე-რიონგის, უფროსი და. ჩე-იონმა სწავლა გაიარა სეოჩონის საშუალო სკოლაში.
კარიერა
[რედაქტირება | წყაროს რედაქტირება]2013–2017: K-pop Star 3 და Sixteen
[რედაქტირება | წყაროს რედაქტირება]2013 წელს ჩე-იონი თავის დასთან, ჩე-რიონგთან ერთად, მონაწილეობდა შოუში K-pop Star მესამე სეზონში. ორივემ დიდი მოწონება დაიმსახურა ცეკვის უნარების გამო და მალევე გახდნენ JYP Entertainment-ის სტაჟიორები. 2015 წელს ჩე-იონი შეუერთდა Mnet-ის რეალითი გადაცემას Sixteen, რომელმაც საბოლოოდ შექმნა გოგონათა ჯგუფი Twice. მას შემდეგ, რაც გადაცემის მესამე ეპიზოდში გამოეთიშა კონკურსს, ჩე-იონმა დატოვა JYP Entertainment და გადავიდა WM Entertainment-ში.
2018–2021: Produce 48, Iz*One და სოლო აქტივობები
[რედაქტირება | წყაროს რედაქტირება]2018 წლის 15 ივნისს ჩე-იონი WM Entertainment-ის წარმომადგენლად მონაწილეობდა გოგონათა გადარჩენის რეალითი შოუში Produce 48. წარმატებული მონაწილეებიდან ერთ-ერთად შერჩეულმა ჩე-იონმა ადგილი დაიმკვიდრა ახლად ჩამოყალიბებულ კორეელ-იაპონურ აიდოლ ჯგუფში Iz*One. ჯგუფი დადებიუტდა 2018 წლის 29 ოქტომბერს მინი-ალბომით Color*Iz და წამყვანი სიმღერით La Vie en Rose. მათ მიიღეს წლის საუკეთესო ახალბედა არტისტის ჯილდო სხვადასხვა დაჯილდოებაზე, მათ შორის Golden Disc Awards-ზე და Seoul Music Awards-ზე.
2021 წლის 29 აპრილს Iz*One დაიშალა, რადგან ჯგუფის კონტრაქტის ვადა ამოიწურა. 2021 წლის 11 ივლისს WM Entertainment-მა განაცხადა, რომ ჩე-იონი მონაწილეობას მიიღებდა საცეკვაო რეალითი შოუში Street Woman Fighter, როგორც ერთ-ერთი ცეკვის ჯგუფის წევრი. სექტემბერში გამოცხადდა, რომ ჩე-იონი და IzOne-ის* ყოფილი წევრები, ჯო იუ-რი და კანგ ჰე-ვონი, ერთად იქნებოდნენ ვებშოუს Adola Travel Agency: Cheat-ing Trip-ის წამყვანები. 2021 წლის 13 დეკემბერს ჩე-იონი მსახიობ კანგ ჩან-ჰისთან ერთად გამოჩნდა ბუსანის ტურიზმის ორგანიზაციის სარეკლამო ვიდეოში.
2022-იდან დღემდე: სოლო დებიუტი
[რედაქტირება | წყაროს რედაქტირება]2022 წლის 15 სექტემბერს WM Entertainment-მა განაცხადა, რომ ლი ჩე-იონი სოლო დებიუტს განახორციელებდა. 2022 წლის 12 ოქტომბერს მან გამოუშვა თავისი პირველი მინი-ალბომი Hush Rush და ამავე სახელწოდების წამყვანი სინგლის მუსიკალური ვიდეო. 2023 წლის 23 აპრილს ჩე-იონმა მეორე მინი-ალბომი Over the Moon გამოუშვა, წამყვანი სინგლით Knock, რომელმაც Circle Digital Chart-ზე 26-ე ადგილი დაიკავა. 2023 წლის 6 სექტემბერს გამოვიდა მისი პირველი სინგლის ალბომი The Move: Street, წამყვანი ტრეკით Let’s Dance. 2024 წლის 3 ივლისს ჩე-იონმა გაავრცელა თავისი მესამე მინი-ალბომი Showdown, წამყვანი სიმღერით Don’t. 2025 წლის 15 აპრილს ის შეუერთდა KBS1-ის ტელესერიალს Let’s Dance, რაც მისთვის პირველი მონაწილეობაა ტელევიზიის დრამაში. დრამის პრემიერა დაგეგმილია 2025 წლის 18 აპრილს.
რესურსები ინტერნეტში
[რედაქტირება | წყაროს რედაქტირება]- Official website (კორეულად)
- Lee Chae-yeon HanCinema-ზე
- Lee Chae-yeon IMDb-ზე