ლილი პალმერი
| ლილი პალმერი | |
|---|---|
 | |
| დაბადების თარიღი |
24 მაისი, 1914 პოზნანი, გერმანიის იმპერია |
| გარდაცვალების თარიღი | 27 იანვარი, 1986 (71 წლის) |
| მოქალაქეობა |
 გერმანია შვეიცარია |
| საქმიანობა | მსახიობი, მწერალი |
ლილი პალმერი (ლილი მარი პეიზერი ინგლ. Lilli Palmer; დ. 24 მაისი, 1914, პოზნანი, გერმანიის იმპერია — გ. 27 იანვარი, 1986) — გერმანელი მსახიობი და მწერალი. 1930-იან წლებში კარიერა ბრიტანულ ფილმებში დაიწყო, მოგვიანებით გადავიდა ჰოლივუდის მსხვილ პროექტებში, სადაც გახდა ოქროს გლობუსის ჯილდოს ნომინანტი თავისი როლისთვის ფილმიდან: „მაგრამ არა ჩემთვის“ (1959).
სხვა მნიშვნელოვანი როლებია კომედიაში „სიამოვნება მის კომპანიაში“ (1961), ესპანური საშინელებათა ფილმი „სახლი, რომელიც ყვიროდა“ (1969) და მინისერიალში „პეტრე დიდი“ (1986 წ.), რომელმაც მას კიდევ ერთი ნომინაცია მოუტანა ოქროს გლობუსის ჯილდოზე. ევროპულ ფილმებში კარიერის განმავლობაში პალმერმა სამჯერ მოიპოვა ვოლპის თასი ვენეციის კინოფესტივალზე და გერმანულ კინემატოგრაფიაში უმაღლესი ეროვნული ჯილდო Deutscher Filmpreis.
ადრეული წლები
[რედაქტირება | წყაროს რედაქტირება]პალმერი ოჯახში ერთ-ერთი იყო სამი ქალიშვილიდან. მისი მშობლები იყვნენ ალფრედ პაიზერი, გერმანელი ებრაელი ქირურგი და როზა ლისმანი - ავსტრიელი ებრაელი მსახიობი პოზნანში, (პოლონეთი). ლილიმ თავისი გვარი ინგლისელი მსახიობისგან აიღო, რომლითაც ის აღფრთოვანებული იყო.
როდესაც ლილი ოთხი წლის იყო, მისი ოჯახი საცხოვრებლად ბერლინ-შარლოტენბურგში გადავიდა. ის იყო ჩემპიონი მაგიდის ჩოგბურთში, ახალგაზრდა გოგონებს შორის. [1]
კარიერა
[რედაქტირება | წყაროს რედაქტირება]საფრანგეთში იგი გამოჩნდა ოპერეტაში მულენ რუჟში, შემდეგ კი ლონდონში დაიწყო კინოკარიერა. კაბარეებში გამოსვლისას მან მიიპყრო ბრიტანელი ნიჭიერი სკაუტების ყურადღება და მას Gaumont Film Company-მ შესთავაზა კონტრაქტი. მისი დებიუტი ეკრანზე შედგა „ულიმიტო კრიმინალში“ (1935) და მომდევნო ათწლეულის განმავლობაში მრავალ ბრიტანულ ფილმში ითამაშა.[2]
იგი დაქორწინდა ბრიტანელ მსახიობ რექს ჰარისონზე 1943 წლის 25 იანვარს და მასთან ერთად გაემგზავრა ჰოლივუდში 1945 წელს. მან ხელი მოაწერა Warner Brothers- თან და მონაწილეობა მიიღო რამდენიმე ფილმში, კერძოდ, „Cloak and Dagger“ (1946) და „Body and Soul“ (1947). [3]
პალმერი პერიოდულად ჩნდებოდა სცენაზე სპექტაკლებში, ასევე 1951 წელს საკუთარ სატელევიზიო სერიალს უძღვებოდა [4] ჰარისონი და პალმერი ერთად გამოჩნდნენ ბროდვეიზე პიესაში Bell, Book and Candle 1950-იანი წლების დასაწყისში. ისინი ასევე გამოჩნდნენ 1951 წლის ბრიტანულ მელოდრამაში გრძელი ბნელი დარბაზი და მოგვიანებით ითამაშეს The Four Poster-ის (1952) კინოვერსიაში, რომელიც ეფუძნებოდა ბროდვეის ამავე სახელწოდების პიესას. ამ ფილმში შესრულებული როლისთვის 1953 წელს მან მოიპოვა ვოლპის თასი საუკეთესო მსახიობი ქალისთვის.[5]
ჰარისონი და პალმერი განქორწინდნენ 1956 წელს; მათ ჰყავდათ ვაჟი, კერი, რომელიც დაიბადა 1944 წელს.[6]
პალმერი 1954 წელს დაბრუნდა გერმანიაში, სადაც ითამაშა როლები მრავალ ფილმსა და სატელევიზიო სპექტაკლში. მან ასევე განაგრძო როგორც წამყვანი, ასევე მეორეხარისხოვანი როლების თამაში აშშ-ში და მის ფარგლებს გარეთ. 1957 წელს მან მოიგო გერმანული კინემატოგრაფიის უმაღლესი ეროვნული ჯილდო Deutscher Filmpreis საუკეთესო მსახიობი ქალის როლისთვის ფილმში „ანასტასიას ამბავი“- ანა ანდერსონის როლისთვის. 1958 წელს მან შეასრულა მასწავლებლის როლი ფილმში „გოგონები უნიფორმაში“, 1931 წლის ამავე სახელწოდების ფილმის რიმეიქში.[7]
1961 წელს პალმერმა ფრედ ასტერთან და დები რეინოლდსთან ერთად ითამაშა ფილმში „მისი კომპანიის სიამოვნება“.[8]
მან ითამაშა უილიამ ჰოლდენთან ერთად ფილმში „ყალბი მოღალატე“ (1962). ეს იყო ჯაშუშური თრილერი, რომელიც დაფუძნებულია ფაქტებზე.[9]
1975 წელს პალმერმა გამოაქვეყნა მემუარები: „Change Lobsters and Dance“. [6] [10]
კინოინდუსტრიაში შეტანილი წვლილისთვის, ლილი პალმერს ჰოლივუდის დიდების ხეივანში ვარსკვლავი აქვს, რომელიც ჰოლივუდის ბულვარის № 7013-ში მდებარეობს.
პირადი ცხოვრება
[რედაქტირება | წყაროს რედაქტირება]პალმერის პირველი მეუღლე იყო რექს ჰარისონი (იქორწინეს 1943 წელს). ისინი მეგობრულად დაშორდნენ 1957 წელს, რათა ჰარისონს დაქორწინება შესძლებოდა მსახიობ ქეი კენდალზე, მის უდროო გარდაცვალებამდე. პალმერი დაეთანხმა განქორწინებას, რადგან ის უკვე იყო დაკავშირებული თავის მომავალ მეუღლესთან - კარლოს ტომპსონთან.
პალმერი დაქორწინებული იყო არგენტინელ მსახიობ კარლოს ტომპსონზე 1957 წლიდან გარდაცვალებამდე. ის 1986 წლის 27 იანვარს, 71 წლის ასაკში ლოს-ანჯელესში გარდაიცვალა.[11]
ლილი პალმერი დაკრძალულია Forest Lawn Memorial Park-ში, გლენდეილში, (კალიფორნია). მისი პირველი ქმრის, რექს ჰარისონის ფერფლის ნაწილი მის საფლავზე იქნა მიმოფანტული.[12]
რესურსები ინტერნეტში
[რედაქტირება | წყაროს რედაქტირება]
შეგიძლიათ იხილოთ მედიაფაილები თემაზე „ლილი პალმერი“ ვიკისაწყობში.- ლილი პალმერი — კინოფილმების ინტერნეტ მონაცემთა ბაზა (ინგლისური)
სქოლიო
[რედაქტირება | წყაროს რედაქტირება]- ↑ „Lili Palmer, actress: Still understated at 70“. Toledo Blade. 26 May 1984. ციტირების თარიღი: 31 May 2015.
- ↑ Bergfelder & Cargnelli 2008.
- ↑ Body and Soul (1947).
- ↑ Kleiman, Dena. (29 January 1986) Lilli Palmer, actress on TV, stage and screen for 50 years.
- ↑ "Venice Film Festival: History 1932–2018 – Coppa Volpi for best actors since 1935", labiennale.org. Accessed 31 July 2023.
- ↑ 6.0 6.1 Folkart, Burt. (29 January 1986) Lilli Palmer, Actress and Best-Selling Author, Dies.
- ↑ Maedchen in Uniform.
- ↑ The Pleasure of His Company.
- ↑ "TV: Zoo Gang on NBC" by John J. O'Connor, The New York Times, July 16, 1975. Retrieved February 2, 2021.
- ↑ Palmer, Lilli. The Red Raven: A Novel.
- ↑ Lilli Palmer. Jewish Women's Archive. ციტირების თარიღი: 28 December 2016
- ↑ A Final Curtain Call: Rex Harrison (1908-1990) (2 July 2014).