ლეტოვიცე

ლეტოვიცე
Letovice
ქალაქი
	ლეტოვიცე; Letovice
	; ქალაქის ხედი
დროშა	გერბი
ქვეყანა	ჩეხეთი
მხარე	სამხრეთ მორავიის მხარე
შიდა დაყოფა	Babolky , Dolní Smržov , Chlum , Jasinov , Kladoruby , Klevetov , Kněževísko , Kochov , Lhota , Meziříčko , Novičí , Podolí , Slatinka , Třebětín , Zábludov , Zboněk და Q56414109?
კოორდინატები	49°32′50″ ჩ. გ. 16°34′25″ ა. გ. / 49.54722° ჩ. გ. 16.57361° ა. გ.
მმართველი	პეტრ ნოვოტნი
პირველი ხსენება	1145
ფართობი	51,01 კმ²
ცენტრის სიმაღლე	330 მ
მოსახლეობა	7 124 კაცი (2025)
სიმჭიდროვე	140 კაცი/კმ²
სასაათო სარტყელი	UTC+1, ზაფხულში UTC+2
საფოსტო ინდექსი	679 61
საავტომობილო კოდი	B
ოფიციალური საიტი	letovice.net
	ლეტოვიცე ვიკისაწყობში

ლეტოვიცე (ჩეხ. Letovice) — ქალაქი ჩეხეთის რესპუბლიკის სამხრეთ მორავიის მხარეში. ქალაქი ლეტოვიცე ბლანსკოს რაიონში მდებარეობს. ის 17 მუნიციპალური ერთეულისგან შედგება, ლეტოვიცეს გარდა მუნიციპალიტეტის შემადგენლობაშია: ბაბოლკი, დოლნი-სმრჟოვი, ზაბლუდოვი, ზბონეკი, იასინოვი, კლადორუბი, კლევეტოვი, კნეჟევისკო, კოხოვი, ლჰოტა, მეზირჟიჩკო, ნოვიჩი, პოდოლი, სლატინკა, ტრჟებეტინი და ხლუმი.

ისტორია

ლეტოვიცეს ხეობაში ადამიანის დასახლების პირველი ნიშნები ნეოლითის ხანით თარიღდება. არქეოლოგიური კვლევების შედეგად ლეტოვიცეში აღმოჩენილია ნეოლითის ხანის ქვის ცული.

ბრინჯაოს ხანის დროინდელ ნიმუშებს ეკუთვნის ლუჟიცის კულტურის ბრინჯაოს ნივთები. მათ შორისაა შუბი და ცული. აქ აგრეთვე ნაპოვნია რომაული პერიოდის რამდენიმე მონეტა. ეს ადასტურებს ისტორიული ჰანას გავლით არსებულ უძველეს სავაჭრო გზების არსებობას. ლეტოვიცეში ნაპოვნია იმპერატორ ტრაიანეს (98–117 წწ.), იმპერატორ ავრელიანეს (270–275 წწ.) და იმპერატორ კონსტანტინე I-ის (306–337 წწ.) პერიოდის მონეტები. პირველი სლავები აქ დასახლებას დაახლოებით VI საუკუნეში იწყებენ, რასაც ადასტურებს ქვიშაქვისგან გამოთლილი ღმერთის ქანდაკების 1840 წელს აღმოჩენილი თავი.^[3]

ლეტოვიცე ამ სახელწოდებით ისტორიულ წყაროებში პირველად 1145 წელს ოტა III-ის მიერ დაწერილ დოკუმენტში არის მოხსენიებული.

1241 წელს ლეტოვიცე გაძარცვეს აღმოსავლეთიდან შემოსეულმა მონღოლებმა, რომლებიც ოლომოუცამდე მარშით მივიდნენ. XIV საუკუნის მეორე ნახევარში ლეტოვიცეში გამოიცა ანდაზებისა და გამონათქვამების კრებული.

1399 წელს ციხე კუნშტატის დიდგვაროვანმა დაიპყრო, ხოლო 1424 წელს ჰუსიტებმა ციხე დაიპყრეს და მთელი ქალაქი გადაწვეს.

XV საუკუნეში ლეტოვიცეში ლათინურიდან ჩეხურ ენაზე თარგმნეს მარკო პოლოს წიგნი „მილიონი“. 1505 წლამდე ლეტოვიცე ზემო და ქვემო ლეტოვიცედ იყო გაყოფილი, ამ წელს კი ერთ ქალაქად გაერთიანდა.^[4]

1754 წელს აქ დაარსდა თეთრეულის ფაბრიკა, რომელიც მე-18 საუკუნის ბოლოსთვის მორავიაში თეთრეულის მწარმოებელი უდიდესი ფაბრიკა გახდა. 1848 წელს ლეტოვიცე ბოსკოვიცეს რაიონის ადმინისტრაციას დაექვემდებარა, ეს რაიონი მოგვიანებით ბლანსკოს რაიონად გადაკეთდა. 1849 წელს ლეტოვიცეში გაიყვანეს რკინიგზა. 1906 წელს ქალაქში პირველი სკოლა გაიხსნა, ხოლო 1936 წელს მას სავაჭრო ქალაქის სტატუსი მიანიჭეს.^[5]

ღირსშესანიშნაობები

ქალაქის მთავარ ღირსშესანიშნაობებს შორისაა ლეტოვიცეს ციხე. ეს XIII საუკუნეში აგებული ციხე XVII საუკუნის ბოლოს ბაროკოს სტილის სასახლედ გადაკეთდა. დღეს ციხე კერძო საკუთრებაშია და თანდათანობით რემონტდება, რათა დამთვალიერებელთათვის გაიხსნას.^[6]

წმინდა პროკოპის გოტიკური ეკლესია XIV საუკუნის ბოლოს აშენდა. ის ქალაქის მნიშვნელოვანი ისტორიული და არქიტექტურული ძეგლია.^[7]

მოწყალე ძმების ყოფილი მონასტერი 1747 წელს დაარსდა. მონასტრის კომპლესის წმინდა გიორგის ეკლესია და საავადმყოფო 1751–1784 წლებში ბაროკოს სტილში ააგეს. დღეს მთლიანი კომპლექსი ლეტოვიცის საავადმყოფის საკუთრებაა და დამთვალიერებელთათვის 1784 წელს აგებული ისტორიული აფთიაქის ნახვაა შესაძლებელი.^[8]^[9]