ლეონიდე (კათოლიკოს-პატრიარქი)

მასალა ვიკიპედიიდან — თავისუფალი ენციკლოპედია
(გადამისამართდა გვერდიდან ლეონიდე)
Jump to navigation Jump to search
ლეონიდე
სრულიად საქართველოს კათოლიკოს-პატრიარქი

2 oqropiridze leonide.jpg
უწმინდესი და უნეტარესი სრულიად საქართველოს კათოლიკოს-პატრიარქი

ლეონიდე (ერისკაცობაში ლონგინოზ ოქროპირიძე)
ეკლესია საქართველოს მართლმადიდებელი ეკლესიის დროშა საქართველოს მართლმადიდებელი ეკლესია
წინამორბედი კირიონ II
მემკვიდრე ამბროსი
პირადი მონაცემები
საერო სახელი ლონგინოზ ოქროპირიძე
დაბადების თარიღი 1860
დაბადების ადგილი დისევი
გარდაცვალების თარიღი 1921
რელიგია ქრისტიანობა

ლეონიდე (ერისკაცობაში ლონგინოზ სოლომონის ძე ოქროპირიძე; დ. 15 თებერვალი, 1861 — გ. 24 ივნისი [ ძვ. სტ. 11 ივნისი], 1921) — ქართველი სასულიერო და საზოგადო მოღვაწე, სრულიად საქართველოს კათოლიკოს-პატრიარქი და მცხეთა-თბილისის მთავრეპისკოპოსი 1919–1921 წლებში. იყო აღიარებული მქადაგებელი, დაბეჭდილია მისი ქადაგებანი. დაკრძალულია თბილისის სიონის საკათედრო ტაძარში.

დაიბადა 1861 წლის 15/28 თებერვლს გორის მაზრის სოფ. დისევში. პირველდაწყებითი განათლება მიიღო თბილისის სასულიერო სასწავლებელში, შემდეგ სწავლობდა თბილისისა და სტავროპოლის სემინარიებში. 1884 წელს ბიძის, წმ. ეპისკოპოს ალექსანდრეს რჩევით, სწავლა კიევის სასულიერო აკადემიაში განაგრძო. 1888 დაამთავრა კიევის სასულიერო აკადემია. 1888–1897 წლებში ეწეოდა მისიონერულ მოღვაწეობას. იგი იყო კავკასიაში მართლმადიდებლური ქრისტიანობის აღმდგენი საზოგადოების სკოლების ინსპექტორი, საქართველოს საეპარქიო სასწავლებელთა საბჭოს წევრი; ზედაზნის, ხირსის, იოანე ნათლისმცემლის მონასტერთა ზედამხედველი; ქართული ბიბლიის გამსწორებელი კომიტეტის თავმჯდომარე და საქართველოს იმერეთის სინოდის კანტორის წევრი. აქტიურად იბრძოდა საქართველოს მართლმადიდებელი სამოციქულო ეკლესიის ავტოკეფალიის (დამოუკიდებლობის) აღსადგენად. 1898 წლიდან 1918 წლამდე იყო გორის, იმერეთისა და გურია-სამეგრელოს ეპისკოპოსი, თბილისის მიტროპოლიტი.

კირიონ II-ის გარდაცვალების შემდეგ საქართველოს ეკლესიის მეორე ადგილობრივ კრებაზე არჩეულ იქნა საქართველოს კათოლიკოს-პატრიარქად.

1921 წლის 11 ივლისს, ოთხშაბათს საღამოს 17:30 საათზე თბილისში საპატრიარქო რეზიდენციაში ჰოლერით გარდაიცვალა (ზოგიერთი ცნობით, სენი მტკვრის სასმელ წყლად გამოყენება გახდა).

იხილეთ აგრეთვე[რედაქტირება | წყაროს რედაქტირება]

ლიტერატურა[რედაქტირება | წყაროს რედაქტირება]

რესურსები ინტერნეტში[რედაქტირება | წყაროს რედაქტირება]



წინამორბედი:
კირიონ_II
სრულიად საქართველოს კათოლიკოს-პატრიარქი
1918-1921
შემდეგი:
ამბროსი