ლენქორანის ქალაქის სტადიონი

ლენქორანის ქალაქის სტადიონი
„შტორმის არენა“
	; ლენქორანის სტადიონი
მდებარეობა	ლენქორანი, აზერბაიჯანი
აშენდა	2005-2006
გაიხსნა	11 აგვისტო, 2006
გუნდები
	ხაზარ-ლენქორანი

ლენქორანი ქალაქის სტადიონი — აზერბაიჯანში მდებარე ქალაქ ლენქორანის მთავარი სტადიონი. აზერბაიჯანის ეროვნული ნაკრებისა და აზერბაიჯანის პრემიერ ლიგის საფეხბურთო კლუბ ხაზარ-ლენქორანის საშინაო არენა. ცენტრალური სტადიონი გაიხსნა 2006 წელს.

ისტორია[რედაქტირება | წყაროს რედაქტირება]

ფეხბურთის სტადიონის ოფიციალური გახსნა, რომელიც აკმაყოფილებს უეფას სტანდარტებს და მოთხოვნებს, ჩატარდა 2006 წლის 11 აგვისტოს, აზერბაიჯანის რესპუბლიკის პრეზიდენტის ილჰამ ალიევის რეგიონში ოფიციალური ვიზიტის ფარგლებში, აზერბაიჯანის XV საფეხბურთო ჩემპიონატის მეორე ტურის მატჩების წინ, სადაც ერთმანეთს დაუპირისპირდნენ შემდეგი გუნდები ხაზარ-ლენქორანი და „ბაქოს ნეფთჩი“. ეს იყო პირველი მატჩი და ხაზარ ლენქორანმა 2:1 დაამარცხა ბაქოს ნეფთში.

სტადიონის მშენებლობა მის პრეზიდენტს, პალმალის კორპორაციის მფლობელ ცნობილ აზერბაიჯანელ ბიზნესმენ მუბარიზ მასიმოვს 15 მილიონ აშშ დოლარზე მეტი დაუჯდა ^[1]. სტადიონის დირექტორი ხოჯატ ჰაჯიევია.

საფეხბურთო კლუბ ხაზარ-ლენქორანის საშინაო არენის ტევადობაა 15,000 მაყურებელი და აზერბაიჯანში სიდიდით მესამე ადგილს იკავებს. სწორედ მათ მატჩებს ესწრება საშუალოდ გულშემატკივრების ყველაზე მაღალი რაოდენობა.

სტადიონი აგრეთვე ცნობილია, როგორც „Fırtınalar meydan“ („შტორმის არენა“); ეს სახელი კლუბის ადგილობრივი მხარდამჭერების, „Fırtına“-ს გამო ეწოდა ^[2]^[3].

2009 წლის 20 მაისს ამ სტადიონზე გაიმართა ამხანაგური მატჩი აზერბაიჯანის ახალგაზრდულ გუნდსა და უზბეკეთის 20 წლამდელთა ახალგაზრდულ გუნდს შორის.

ეპიზოდი აზერბაიჯანისა და უზებეკეთის ნაკრებებს (ახალგაზრდული) შორის გამართული მატჩიდან

აზერბაიჯანის ფეხბურთის ნაკრებმა აზერბაიჯანში ყველა საშინაო თამაში ჩაატარა 2009 წლის სექტემბრამდე ბაქოში. პირველად აზერბაიჯანის ეროვნული ნაკრების ისტორიაში, მან ოფიციალური საშინაო მატჩი გამართა ფინეთის წინააღმდეგ 2009 წლის 5 სექტემბერს,ლენქორანის ცენტრალურ სტადიონზე ბაქოს გარეთ, 2010 წლის მსოფლიო თასის შესარჩევი ეტაპის ფარგლებში. ეს მატჩი ისტორიაში შევიდა, როგორც აზერბაიჯანის ეროვნული საფეხბურთო გუნდის პირველი მატჩი რეგიონის ქალაქ ბაქოს გარეთ.

ხაზარ-ლენქორანმა პირველი მატჩი გამართა ევროპულ ასპარეზზე საკუთარ სტადიონზე 2010 წლის 8 ივლისს. ევროპის ლიგის პირველ საკვალიფიკაციო ეტაპზე მოლდოვის „ოლიმპიასთან“ შეხვედრა 1:1 დასრულდა.

სტრუქტურა[რედაქტირება | წყაროს რედაქტირება]

ცენტრალური სტადიონი აკმაყოფილებს უეფას ყველა სტანდარტს. აქ დამონტაჟებულია 25 კვადრატული მეტრის მსუბუქი დაფა. სტადიონს აქვს სპეციალური სათამაშო მოედნები ბავშვთა ფეხბურთის განვითარებისათვის. აღჭურვილია ბუნებრივი ბალახის საფარით. სტენდები დაფარულია ^[4].