ლევან V დადიანი

მასალა ვიკიპედიიდან — თავისუფალი ენციკლოპედია
Jump to navigation Jump to search
Disambig-dark.svg სხვა მნიშვნელობებისთვის იხილეთ ლევანი.
ლევან V
ოდიშის მთავარი
მმართ. დასაწყისი: 1805
მმართ. დასასრული: 1840
წინამორბედი: გრიგოლ დადიანი
მემკვიდრე: დავით დადიანი
პირადი ცხოვრება
დაბ. თარიღი: 1791
გარდ. თარიღი: 1846
მეუღლე: მართა წერეთელი
შვილები: დავით დადიანი, გრიგოლ დადიანი
დინასტია: დადიანები
მამა: გრიგოლ დადიანი
დედა: ნინო, გიორგი XII-ის ასული

ლევან V დადიანი (დ. 1791 — გ. 1846) — ოდიშის მთავარი 1805-1840 წწ.

ბიოგრაფია[რედაქტირება | წყაროს რედაქტირება]

მამის გარდაცვალების დროს მძევლად ჰყავდა აფხაზეთის მთავარ ქელიშბეი შარვაშიძეს, რომლისგანაც მისი განთავისუფლება 1805 გაზაფხულამდე ვერ მოხერხდა. 1805 წელს, როდესაც გრიგოლ დადიანი გარდაიცვალა, ლევან V დადიანის მცირეწლოვანების გამო ოდიშის სამთავროს 4 წევრისაგან შემდგარი საბჭოს დახმარებით განაგებდა დედამისი, დედოფალი ნინო (1805-1810). 1811-იდან ლევან V დადიანი უშუალოდ შეუდგა სამთავროს მართვა-გამგეობას. აქტიურად მონაწილეობდა რუსეთის ხელისუფლების მიერ დასავლეთ საქართველოში მოწყობილ სამხედრო ექსპედიციებში: 1809 მონაწილეობდა ფოთის აღებაში, 1810 - იმერეთის სამეფოს დამორჩილებაში, 1819-20 - იმერეთისა და გურიის აჯანყების ჩახშობაში. ასევე დაეხმარა მეფის რუსეთს აფხაზეთის სამთავროში რუსეთი | რუსეთის ხელისუფლების განმტკიცებაში. 1813 ლევან V დადიანმა შემოიერთა სამურზაყანო, რომელსაც 1840-მდე მართავდა. მის დროს, 1830, ოდიშის სამთავროში დაარსდა პირველი სასწავლებელი - მარტვილის სასულიერო სასწავლებელი.1840 უარი თქვა სამთავრო ტახტზე თავისი შვილის დავითის სასარგებლოდ, თუმცა მთავრის ტიტულს სიკვდილამდე ატარებდა.

ლიტერატურა[რედაქტირება | წყაროს რედაქტირება]