ლაშა გუჯეჯიანი

ლაშა გუჯეჯიანი

პირადი ინფორმაცია
დაბ. თარიღი	12 აგვისტო, 1985(1985-08-12) (40 წლის)
დაბ. ადგილი	თბილისი
სიმაღლე	184
ქვეყანა	საქართველო

ლაშა გუჯეჯიანი (დ. 12 აგვისტო, 1985, თბილისი, საქართველოს სსრ) — ქართველი ძიუდოისტი და მწვრთნელი, მსოფლიოსა და ევროპის ჩემპიონატების პრიზიორი, საქართველოს ძიუდოს ეროვნული ნაკრების მთავარი მწვრთნელი.

ბიოგრაფია

ლაშა გუჯეჯიანი სპორტსმენის ოჯახში გაიზარდა. ძიუდოს მიმართ ინტერესმა იგი ადრეულ ასაკში ადგილობრივ სპორტულ სკოლაში მიიყვანა. წარმატებული გამოსვლების შემდეგ თბილისსა და რეგიონებში, ის მიიწვიეს საქართველოს ახალგაზრდულ ნაკრებში.

18 წლის ასაკში, 2004 წელს, გუჯეჯიანმა ახალგაზრდებს შორის მსოფლიო ჩემპიონობა მოიპოვა, რითაც დაამტკიცა თავისი შესაძლებლობები საერთაშორისო არენაზე. შემდგომში იგი ევროპის ახალგაზრდული ჩემპიონატის გამარჯვებული და არაერთი საერთაშორისო ტურნირის პრიზიორი გახდა. გუჯეჯიანი მრავალი წლის განმავლობაში ასპარეზობდა საქართველოს ეროვნული ნაკრების შემადგენლობაში, რომლის დროსაც მსოფლიოსა და ევროპის ჩემპიონატების მედლები მოიპოვა.

სპორტული ტიტულები და მიღწევები

ოლიმპიური თამაშები

• 2004 — ათენის ოლიმპიადა, დამარცხდა I წრეში
• 2008 — პეკინის ოლიმპიადა, V ადგილი

მსოფლიო ჩემპიონატი

• 2005 — ბრინჯაოს პრიზიორი, კაირო, ეგვიპტე (+100 კგ)
• 2006 — მსოფლიო ჩემპიონი (გუნდური), პარიზი, საფრანგეთი
• 2007 — ბრინჯაოს პრიზიორი, რიო-დე-ჟანეირო, ბრაზილია (+100 კგ)
• 2008 — მსოფლიო ჩემპიონი (გუნდური), ტოკიო, იაპონია

ევროპის ჩემპიონატი

• 2003 — ვიცე-ჩემპიონი (23-წლამდელები), ერევანი, სომხეთი (+100 კგ)
• 2003 — ჩემპიონი (ახალგაზრდები), სარაევო, ბოსნია და ჰერცეგოვინა (+100 კგ)
• 2004 — ვიცე-ჩემპიონი (ახალგაზრდები), სოფია, ბულგარეთი (+100 კგ)
• 2005 — ჩემპიონი (23-წლამდელები), კიევი, უკრაინა (+100 კგ)
• 2007 — ვიცე-ჩემპიონი, ბელგრადი, სერბეთი (+100 კგ)
• 2007 — ჩემპიონი (გუნდური), მინსკი, ბელარუსი
• 2010 — ჩემპიონი (გუნდური), ვენა, ავსტრია

მსოფლიო თასი და გრანდ სლემი

• 2003 — ვიცე-ჩემპიონი, თბილისი (+100 კგ)
• 2004 — ბრინჯაოს პრიზიორი, გრანდ სლემი, პარიზი, საფრანგეთი (+100 კგ)
• 2004 — ვიცე-ჩემპიონი, პრაღა, ჩეხეთი (+100 კგ)
• 2004 — ბრინჯაოს პრიზიორი, თბილისი (+100 კგ)
• 2005 — ვიცე-ჩემპიონი, თბილისი და პრაღა (+100 კგ)
• 2006 — ბრინჯაოს პრიზიორი, თბილისი, ლისაბონი და ბაქო (+100 კგ)
• 2007 — ბრინჯაოს პრიზიორი, ვარშავა, პოლონეთი (+100 კგ)
• 2007 — მსოფლიო სუპერთასის ბრინჯაოს პრიზიორი, ჰამბურგი, გერმანია (+100 კგ)
• 2009 — ვიცე-ჩემპიონი, თბილისი (+100 კგ)
• 2009 — ჩემპიონი, ბაქო, აზერბაიჯანი (+100 კგ)

საერთაშორისო ტურნირები

• 2004 — ბრინჯაოს პრიზიორი, კორიდონია, იტალია (+100 კგ)
• 2005 — ბრინჯაოს პრიზიორი, სტამბოლი, თურქეთი (+100 კგ)
• 2008 — ბრინჯაოს პრიზიორი, სტამბოლი, თურქეთი (+100 კგ)

შიდა ასპარეზი

• 2006 — საქართველოს ჩემპიონი, თბილისი (+100 კგ)

ახალგაზრდული დონის ტიტულები

2004 — მსოფლიო ჩემპიონი (ახალგაზრდები), ბუდაპეშტი, უნგრეთი (+100 კგ)

სამწვრთნელო კარიერა

აქტიური სპორტული კარიერის დასრულების შემდეგ, 2019 წლიდან, ლაშა გუჯეჯიანმა სამწვრთნელო საქმიანობა დაიწყო. დაგროვილმა გამოცდილებამ და მრავალწლოვანმა სპორტულმა მოღვაწეობამ მას საშუალება მისცა სწრაფად დამკვიდრებულიყო მწვრთნელად. მალევე დაინიშნა საქართველოს ეროვნული ნაკრების მთავარ მწვრთნელად, სადაც მნიშვნელოვანი როლი შეასრულა ახალი თაობის სპორტსმენების აღზრდასა და მათი საერთაშორისო წარმატებებში.

მისი ხელმძღვანელობით, საქართველოს ნაკრებმა ტოკიოს 2020 წლის ოლიმპიურ თამაშებზე მოიპოვა ერთი ოქროსა და სამი ვერცხლის მედალი. 2020 წლიდან გუჯეჯიანი ხელმძღვანელობდა „პროექტ 2020“, რომლის ფარგლებშიც რამდენიმე ჩემპიონი აღიზარდა.

პარიზის 2024 წლის ოლიმპიადაზე საქართველოს ნაკრებმა მისი ხელმძღვანელობით განსაკუთრებული წარმატება აჩვენა: ლაშა ბექაური ზედიზედ მეორედ გახდა ოლიმპიური ჩემპიონი, ტატო გრიგალაშვილმა და ილია სულამანიძემ კი ვერცხლის მედლები მოიპოვეს.

2025 წელს, ბუდაპეშტში გამართულ ძიუდოს მსოფლიო ჩემპიონატზე, ლაშა გუჯეჯიანის მწვრთნელობით, საქართველოს ნაკრებმა კიდევ ერთი ისტორიული წარმატება მოიპოვა. ნაკრებმა გაიმარჯვა გუნდურ შეჯიბრებაში და მსოფლიო ჩემპიონი გახდა, ხოლო ინდივიდუალურ კატეგორიებში ქართველმა ძიუდოისტებმა რამდენიმე მედალი მოიპოვეს, მათ შორის, ეთერ ლიპარტელიანმა — ოქრო.

სამწვრთნელო მიღწევები

• 2019 წლიდან — საქართველოს ძიუდოს ეროვნული ნაკრების მთავარი მწვრთნელი.
• 2020 წელი — ტოკიოს ოლიმპიურ თამაშებზე საქართველოს ნაკრებმა გუჯეჯიანის ხელმძღვანელობით 4 მედალი მოიპოვა: 1 ოქრო (ლაშა ბექაური) და 3 ვერცხლი.
• 2021 წელი — ევროპის ჩემპიონატზე (ლისაბონი, პორტუგალია) საქართველოს ვაჟთა ნაკრებმა გუნდურ ჩათვლაში პირველი ადგილი დაიკავა და მოიპოვა 5 მედალი: 1 ოქრო, 3 ვერცხლი, 1 ბრინჯაო.
• 2022 წელი — ევროპის ძიუდოს კავშირმა (EJU) ლაშა გუჯეჯიანი დაასახელა 2021 წლის ევროპის საუკეთესო მწვრთნელად (სოფია, ბულგარეთი).
• 2022 წლის მსოფლიოს საუკეთესო მწვრთნელად (პარიზის გრანდ სლემის მიმდინარეობისას). IJF-ის ოფიციალურ სტატიაში ხაზგასმულია მისი როგორც ყოფილი წარმატებული სპორტსმენისა და როგორც მწვრთნელის როლი — აღნიშნულია, რომ სწორედ მისი ხელმძღვანელობით მიაღწია საქართველოს ნაკრებმა გამორჩეულ წარმატებას ოლიმპიურ და საერთაშორისო ასპარეზზე.

ლიტერატურა

• ელგუჯა ბერიშვილი, ქართული სპორტის ოქროს წიგნი, გვ, 241, თბ.: პალიტრა L, 2013.

რესურსები ინტერნეტში

• ლაშა გუჯეჯიანი — ბიოგრაფიული ლექსიკონი
• ლაშა გუჯეჯიანი — ქართული სპორტის სტატისტიკა.
• ლაშა გუჯეჯიანი http://sport.gov.ge/
• Lasha Gujejiani judoinside.com
• LASHA GUJEJIANI: JUDOKA TURNED COACH RECEIVES EJU ACCOLADE eju.net
• Georgia wins two World Cup titles in Tbilisi eju.net
• Grappling with success chinadaily.com.cn
• Georgia! It's Georgia! World Mixed Team Champions! ijf.org
• Georgia make history with first Mixed Team World title on emotional final day in Budapest euronews