ლაურა დელ რიო
 | |||
| პირადი მონაცემები | |||
|---|---|---|---|
| დაბადების თარიღი | 5 თებერვალი 1982 | ||
| დაბადების ადგილი | მადრიდი, ესპანეთი | ||
| სიმაღლე | 1.62 მ | ||
| სათამაშო პოზიცია | თავდამსხმელი | ||
ლაურა დელ რიო გარსია (დ. 5 თებერვალი, 1982) — ესპანელი საფეხბურთო მწვრთნელი და ყოფილი მოთამაშე, რომელიც თავდამსხმელის პოზიციაზე თამაშობდა. ბოლოს იგი კაცთა კლუბ „Flat Earth FC“-ს წვრთნიდა.
ის თამაშობდა ინგლისში „Bristol Academy“-ში, „FA WSL“„“-ში.მანამდე კი ასპარეზობდა „AD Torrejón“, „CE Sabadell“ და „Levante UD“ გუნდებში ესპანეთის სუპერლიგაში, „FC Indiana“-ში „W-League“-ში, 1. „FFC Frankfurt“-ში გერმანიის ბუნდესლიგაში, ასევე „Boston Breaker“„“s და „Philadelphia Independence“ გუნდებში WPS-ში. დელ რიომ ესპანეთის ქალთა ეროვნულ ნაკრებში 14 გოლი გაიტანა, თუმცა მწვრთნელთან კონფლიქტის შემდეგ მან ნაკრები დატოვა.
საკლუბო კარიერა
[რედაქტირება | წყაროს რედაქტირება]დელ რიომ კარიერა დაიწყო „AD Torrejón“-ში 1999 წელს, ხოლო მომდევნო წელს გადავიდა „Levante UD“-ში. ვალენსიაში გატარებულ ორ სეზონში მან ლევანტესთან ერთად ორი „დუბლი“ მოიგო — გუნდმა მოიგო როგორც „Superliga Femenina“, ასევე „Copa de la Reina“. შემდეგ დელ რიომ ორი სეზონი გაატარა „CE Sabadell“-ში და შემდეგ კვლავ დაბრუნდა ლევანტეში, სადაც კიდევ ოთხი წელი დარჩა. ამ პერიოდში მან მოიგო დამატებით ერთი ლიგის ტიტული 2008 წელს და კიდევ ორი თასი.
2008 წელს მან პირველად დატოვა ესპანეთი და „FC Indiana“-ში გადავიდა „W-League“-ში სათამაშოდ. ორი წლის განმავლობაში იქ 33 გოლი გაიტანა და „All-League“ გუნდშიც მოხვდა. 2009 წლის ზაფხულში მან კონტრაქტი გააფორმა ევროპულ გრანდთან — „FFC Frankfurt“-თან. სეზონი სათადარიგოთა სკამიდან დაიწყო, თუმცა სამ თამაშში ზედიზედ გოლის გატანის შემდეგ ძირითად შემადგენლობაში ადგილი დაიმკვიდრა რამდენიმე კვირით. ბუნდესლიგაში მან სულ 10 მატჩში 6 გოლი გაიტანა, რის შემდეგაც დეკემბერში გუნდი დატოვა და „Boston Breakers“-ს შეუერთდა, რითაც დებიუტი ჰქონდა WPS-ში. 2011 სეზონისთვის ის გადავიდა „Philadelphia Independence“-ში, სადაც ჩემპიონატის პლეიოფში გავიდა. ფინალში მან გუნდის ბოლო პენალტი ვერ გაიტანა და მისი გუნდი მეორე ადგილზე გავიდა.
2012 წელს დელ რიო შეუერთდა ინგლისურ FA WSL კლუბ „Bristol Academy“-ს. მწვრთნელ მარკ სამპსონის ხელმძღვანელობით გუნდმა 2013 წელს FA WSL-ში მეორე ადგილი დაიკავა და ასევე ფინალში დამარცხდა 2012–13 „FA Women's Cup“-ში. 2015 წლის იანვარში ბრისტოლმა დაადასტურა, რომ დელ რიომ გუნდი დატოვა — მან 47 თამაშში 14 გოლი გაიტანა.
შემდეგ ის დაბრუნდა აშშ-ში და ხელი მოაწერა „Washington Spirit“-თან, რომელიც თამაშობს „National Women's Soccer League“-ში. 2015 წელს მან 11 მატჩში ორი საგოლე გადაცემა გააკეთა, თუმცა ტრავმის გამო სეზონი ნაადრევად დაასრულა. ტერფის ოპერაციის შემდეგ მან სრულად გამოტოვა 2016 წლის სეზონი.[2]კარიერა გააგრძელა ესპანეთში, ამბიციურ „Segunda División“ კლუბში [3] ხოლო ერთი წლის შემდეგ გადავიდა „Madrid CFF“-ში.[4]
საერთაშორისო კარიერა
[რედაქტირება | წყაროს რედაქტირება]დელ რიო იყო 2000 წლის 18 წლამდე ევროპის ჩემპიონატის საუკეთესო ბომბარდირი, სადაც ესპანეთმა ისტორიაში პირველად ფინალამდე მიაღწია.
მრავალი წლის განმავლობაში იგი ესპანეთის ეროვნული ნაკრების ერთ-ერთი წამყვანი მოთამაშე იყო და 14 გოლი გაიტანა. მიუხედავად ამისა, მწვრთნელ იგნასიო კერედასთან კონფლიქტის შემდეგ იგი ბოლო წლებში ნაკრებში აღარ გამოუძახებიათ.
სქოლიო
[რედაქტირება | წყაროს რედაქტირება]- ↑ List of Players under Written Contract Registered Between 01/03/2012 and 31/03/2012 (PDF). The Football Association (2012). ციტირების თარიღი: 12 November 2021
- ↑ „Forward Laura del Rio to Miss Remainder of 2016 Season Due to Ankle Surgery“. Washington Spirit. 31 May 2016. ციტირების თარიღი: 10 June 2018.
- ↑ Nieto, Antonio (8 December 2016). „El CD Tacón, un equipo de barrio y galáctico“. El País (Spanish). ციტირების თარიღი: 10 June 2018.
- ↑ Menayo, David (4 September 2017). „Laura del Río regresa a la élite del fútbol femenino español nueve años después“ (Spanish). Marca. ციტირების თარიღი: 10 June 2018.