ლანა ღოღობერიძე
ლანა ღოღობერიძე | |
---|---|
დაბადების თარიღი |
13 ოქტომბერი, 1928 თბილისი |
რეზიდენცია | თბილისი |
საქმიანობა | კინორეჟისორი |
აქტიური | 1957-1992 |
მეუღლე(ები) | ლადო ალექსი-მესხიშვილი |
ლანა ღოღობერიძე (დ. 13 ოქტომბერი, 1928, თბილისი), ქართველი კინორეჟისორი, საქართველოს სახალხო არტისტი (1979)
ბიოგრაფია
1950 წელს დაამთავრა თბილისის სახელმწიფო უნივერსიტეტის ფილოლოგიის ფაკულტეტი, შემდეგ კი ისწავლა მოსკოვის სახელმწიფო უნივერსიტეტში კინემატოგრაფიის ფაკულტეტზე. 1954 წელს მიიღო ფილოლოგიურ მეცნიერებათა კანდიდატის წოდება. 1957 წლიდან მუშაობდა კინოსტუდია „ქართულ ფილმში“.
მის პირველ მხატვრულ ფილმში „ერთი ცის ქვეშ“ (1961) გაერთიანებულია სამი ნოველა, რომლებშიც XX საუკუნის სხვადასხვა პერიოდის ქართველ ქალთა სახეებია მოცემული. ასევე ქალის ბედსა ეხება მისი მეორე ფილმი „რამდენიმე ინტერვიუ პირად საკითხებზე“ სადაც მთავარი როლი მსახიობმა სოფიკო ჭიაურელმა შეასრულა.
1975 წლიდან რუსთაველის თეატრის რეჟისორთა სტუდიას ხელმძღვანელობდა. ხოლო 1988 წლიდან კი სტუდია ქართული ფილმის დირექტორი იყო. თავისი თემის ერთგული დარჩა ლანა ღოღობერიძე ფილმებშიც: „დღეს ღამე უთენებია“ (1983), „ორომტრიალი“ (1986) და „ვალსი პეჩორაზე“ (1992).
ავტორია მონოგრაფიისა (1955 წ.) უოლტ უიტმენის შესახებ. ნათარგმნი აქვს უოლტ უიტმენის, ტაგორის, ვერლენის, ახმატოვას, პასტერნაკის ლექსები.
პოლიტიკა და დიპლომატია
1992 წელს საქართველოს პარლამენტის დეპუტატი გახდა. 1999 წლიდან იყო საქართველოს სრულუფლებიანი ელჩი ევროპის საბჭოში. 2004 წელს საფრანგეთში საქართველოს ელჩად დაინიშნა.
ფილმოგრაფია
ლანა ღოღობერიძე არის ყველა იმ ფილმის სცენარის თანაავტორი, რომლის რეჟისორიცაა:
- 1961 - ერთი ცის ქვეშ
- 1965 - მე ვხედავ მზეს
- 1968 - ფერისცვალება
- 1972 - როცა აყვავდა ნუში
- 1975 - აურზაური სალხინეთში
- 1978 - რამდენიმე ინტერვიუ პირად საკითხებზე
- 1984 - დღეს ღამე უთენებია
- 1986 - ორომტრიალი
- 1992 - ვალსი პეჩორაზე
პრიზები
- 1973 - საკავშირო კინოფესტივალის პრემია საუკეთესო რეჟისორული ნამუშევრისთვის „როცა აყვავდა ნუში“
- 1979 - სან-რემოს საავტორო ფილმების საერთაშორისო კინოფესტივალის გრან-პრი ფილმისთვის „რამდენიმე ინტერვიუ პირად საკითხებზე“
- 1979 - საკავშირო კინოფესტივალის პრემია საუკეთესო ფილმისთვის „რამდენიმე ინტერვიუ პირად საკითხებზე“
- 1980 - საბჭოთა კავშირის სახელმწიფო პრემია ფილმისთვის „რამდენიმე ინტერვიუ პირად საკითხებზე“
- 1982 - კანის კინოფესტივალის მაყურებლის პრიზი, ფილმისთვის „დღეს ღამე უთენებია“
- 1984 - საკავშირო კინოფესტივალის ჟიურის სპციალური პრიზი ფილმისთვის „დღეს ღამე უთენებია“
- 1987 - ტოკიოს საერთაშორისო კინოფესტივალის პრიზი საუკეთესო რეჟისორული ნამუშევრისთვის „ორომტრიალი“
რესურსები ინტერნეტში
|