ისააკ კუენკა

ისააკ კუენკა

პირადი მონაცემები
სრული სახელი	ხუან ისააკ კუენკა ლოპესი
დაბადების თარიღი	27 აპრილი, 1991 (1991-04-27)
დაბადების ადგილი	რეუსი, ესპანეთი
სიმაღლე	179 სმ
სათამაშო პოზიცია	გარემარბი / მარცხენა მცველი
საკლუბო ინფორმაცია
მიმდინარე კლუბი	გრანადა
ნომერი	19
ახალგაზრდული კარიერა
1998–2001	ხუროკა
2001–2002	ესპანიოლი
2002–2005	ბარსელონა
2005–2007	სანტეს კრეუსი
2005–2008	რეუს დეპორტიუ
2008–2009	დამი
2009–2010	ბარსელონა
პროფესიონალური კარიერა*
წლები	გუნდი	მატჩი	(გოლი)
2007	რეუს დეპორტიუ	0	(0)
2010–2012	ბარსელონა ბ	6	(2)
2010–2011	→ საბადელი (იჯარით)	32	(5)
2011–2014	ბარსელონა	16	(2)
2013	→ აიაქსი (იჯარით)	3	(0)
2014–2015	დეპორტივო ლა-კორუნია	27	(2)
2015–2016	ბურსასფორი	12	(1)
2016–17	გრანადა	37	(4)
ეროვნული ნაკრები‡
2011	ესპანეთი 21 წლ.	2	(0)
2012	ესპანეთი 23 წლ.	1	(0)
2011	კატალონია	1	(0)
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება ბოლოს განახლდა: 27 მაისი, 2017 ‡ ეროვნული ნაკრების მატჩი და გოლი ბოლოს განახლდა: 27 მაისი, 2017

ხუან ისააკ კუენკა ლოპესი (ესპ. Joan Isaac Cuenca López; დ. 27 აპრილი, 1991) — ესპანელი ფეხბურთელი, საფეხბურთო კლუბ „გრანადის“ ნახევარმცველი.

კარიერა

ადრეული წლები

კუენკამ ფეხბურთის თამაში დაიწყო 2001 წელს, „ესპანიოლის“ სკოლაში, როდესაც იგი იყო 10 წლის. 2003 წელს კი გაწევრიანდა „ბარსელონას“ აკადემიაში. 2006 წელს დაბრუნდა მშობლიურ ქალაქის კლუბ „რეუს დეპორტიუში“. 2008 წელს კი ჩაირიცხა „დამის“ რიგებში. 2009 წელს დაბრუნდა „ბარსელონაში“.

ბარსელონა B

2010 წელს კუენკა გამოცხადდა „ბარსელონა B-ს“ შემადგენლობაში, ამის შემდეგ იგი 1 წლიანი არენდით ასპარეზობდა კატალონიურ „საბადელში“, რომელიც სეგუნდა დივიზიონში გამოდიოდა.

„საბადელის“ შემადგენლობაში მან ჩაატარა 32 მატჩი და გაიტანა 4 გოლი.

ისააკის დებიუტი „ბარსელონა B“-ს შემადგენლობაში შედგა 2011 წლის 4 სექტემბერს, „კარტახენის“ წინააღმდეგ, სადაც მან გოლის გატანა შეძლო.

ბარსელონა

კუენკა პირველად „ბარსელონას“ ძირითად შემადგენლობაში გამოჩნდა 19 ოქტომბერს. ამ შეხვედრაში ლურჯ-ბროწეულის ფერები მასპინძლობდნენ „ვიქტორია პლზენს“, ისააკი კი მოედანზე გამოჩნდა მატჩის 88 წუთზე, დავიდ ვილიას ნაცვლად.

25 ოქტომბერს კი მისი დებიუტი ესპანეთის პრიმერა დივიზიონში შედგა „გრანადას“ წინააღმდეგ, იგი შეხვედრის 90 წუთზე შემოვიდა მოედანზე.

29 ოქტომბერს, „მალიორკის“ წინააღმდეგ მან თავის კარიერაში პირველი გოლი გაიტანა „ბარსელონას“ მაისურით.

31 იანვარს კი მან გაახანგრძლივა კონტრაქტი ბარსასთან 2015 წლის ივნისამდე.

ბარსელონის შემდეგ

2012–2013 წლების სეზონში კუენკამ ფეხი ვერ მოიკიდა „ბარსელონის“ ძირითად გუნდში და იჯარის წესით ჩაირიცხა ამსტერდამის „აიაქსში“. ნიდერლანდურ კლუბში ჩაატარა მხოლოდ 3 მატჩი. 2013–2014 წლების სეზონში „ბარსელონის“ ძირითად გუნდში არ უთამაშია, 2014–2015 წლების სეზონიდან კი „დეპორტივო ლა-კორუნიას“ ფეხბურთელი გახდა. 27 ჩატარებულ შეხვედრაში შეძლო 2 გოლის გატანა.

მომავალი სეზონიდან ჩაირიცხა თურქულ „ბურსასფორში“, სადაც ჩემპიონატში ჩაატარა 12 მატჩი, აქედან მხოლოდ 2 სრულად, შეძლო 1 გოლის გატანა.

2015 წლიდან „გრანადის“ ფეხბურთელია.

ტიტულები

ბარსელონა

• მსოფლიო საკლუბო ჩემპიონატი: 2011
• ესპანეთის თსი: 2011/12

აიაქსი

• ნიდერლანდების ჩემპიონი: 2012/13

რესურსები ინტერნეტში

• პროფილი Transfermarkt-ზე (ინგლისური)
• პროფილი Soccerway-ზე (ინგლისური)